1 Timɔte 1:9 - Cebaara Bible 2010

⁹ àmɛɛ wo gi cán lè ncan làlwaw ga tɛ́ʔɛ syɛɛnsiɔn kéele na í, fwɔɔ kakolobyebèle, ní syɛɛnjamabèle, ní Kolocɔlɔɔ yɛ́ʔɛnaa-sìnvyaabèle, ní kapeebyebèle, ní Kolocɔlɔɔ céefɔbèle, ní Kolocɔlɔɔ kólogi yaʔafɔɔlɔ, ní bele pe be seefɔbèle kúu lè, ní syɛɛnkpoobèle,

1 Timɔte 1:9 Iomraidhean Croise

2 Samyɛli 16:11

A Davidi Abisyayi ní woro falipyebèle myɛ pye: «Mii tiimaa pìiseew si i mii caa bi kpóo, n náa kɔ́ɔ̀ yére Bɛnzyamɛ ye wów naa na. Wi yaʔa yaà waa dángaw syɛ́ɛnrɛ nyuu, níì cán Yawe wi koro joo wi ma.

2 Fànʔafɔbèle 19:37

N wi yaʔa cangaa wogbumɔnɔɔ ní wi kolocɔlɔw Nisurɔki kpáagi ni, wi jáabèle be lè Adiramelɛki ní Saresɛɛri, a poro jée wi kurugo n sáà wi kpúmɔn n kpóo ní ŋɔsée ní níì fàn n kári Ararati tári ma. A wi jáaw Esari-Hadɔn tɛ́ɛn fǎngi na wi sìndɛɛgi ni.

2 Cányi kèlē 32:21

Lǎli bee ni a Yawe nyɛ̀ʔɛni tundunwaa tórigo, a wi sáà sànbalibèle myɛ kwɔ́ɔ n yirige yaà pe lè nànniribèle, n wɔ́ɔ̀ sùlasiibèle kàfɔɔlɔ, ní be kùndigibèle myɛ kwɔ́ɔ n yirige yaà Asirii fànʔafɔw sùlasiibéle tɛɛkòrogo ni. A wi lúru n kári wi tári ma fɛ̀ɛrɛ wóo ní, ní sáà jée wi kolocɔlɔw kpaʔa ni, a wi tiimaa pìiseebèle sáà wi kpóo yaà ní ŋɔsée ní.

Yirile 20:13

Mɔ a kɔ́ syɔɔn kpóo í.

Yirile 21:14

Kàjáa syɔɔnwaa ga wiyɛɛ dɔri níì wi syɛɛnnyɛnnɛ kpóo gbánama ni, àlí wi ga fàn n sáà mii sáriga-wòlo-yafaangi cò, mɔ a sa wi kíle láʔa yaà bi kpóo.

Kàseegèle 20:20

Wee wi joobeemɛ nyuu wi toò ní wi nɔɔ̀ na lè, wi fètinni a fígi yébiliwɔɔlɔ ni.

Kàseegèle 28:17

Wee na syɛɛnkpoori kapeele nyɛ lè, wi i fé ni syée wéegi ma, wàa a kɔ́ wi yérige í.

Kàseegèle 28:24

Wee wi wi tóow wàlá wi nɔ́ɔw yúu lè níì jo: «Koro o nyɛ kapeʔe í!» Wi i nyɛ gàlagifɔlɔ pínɛnyɛnnɛ.

Kàseegèle 30:11

Syɛ́ɛnbèle pèle félege i yaà, bele be syɛɛnpeeri nyuu ni wáa be tóobèle na lè, pe o kacànga faala nyuu ni kaangi pe nɔ́ɔbèle ma í.

Kàseegèle 30:17

Nyapilee li liyɛɛ nyɛ́nɛ tofɔlɔ na lè, níì cée li o lúro nafɔlɔ ma í, lòcoologi kàanriya a li fùru, nyɔɔ̀ pìifaliya si li jɔ́ɔ.

Zyeremii 23:11

Kanyaajoobèle ní sáriga-wòlobèle n kálagi. Alí mii n be péemi nyaa mii kpáagi ni,» Yawe wi jo nya.

Ezekyɛli 21:25

Mɔ a kologo wòlo jàngó ŋɔséew í sa nan Araba na, ki lè Amɔn ye kěgi, ki fala Zyuda tári ma bi sa nan Zyerusalɛmi na ki lè kènirigi.

Levii ye sáriga-wòlori 20:9

Syɔ́ɔnwee faala wi ga dánga syɛ́ɛnrɛ joo n wáa wi toò wàlá wi nɔɔ̀ na lè, pe a wi kpóo. Amɛɛ wi dánga syɛ́ɛnri joo n wáa wi tóow, wàlá wi nɔ́ɔw na lè, wi sìsyaanw wolo kapeele a lúru kòro wi na.

Matye 10:21

Syɔɔn a ba ra wi senyɛnnɛ kaangi kùúw ma, tofɔlɔ í da wi pyà kaangi kùúw ma, pìíbèle si wɔ́ɔ ba yìri be seefɔbèle kurugo sáā be kúu.

Wɔrɔmi ye 1:30

ní mɛ́ɛkalagibéle, ní Kolocɔlɔɔ nígoobéle, ní syɛɛn-tɛʔɛlɛbéle, ní ní i nyɛ nɛ̀ɛnyɛnɛgɛ fɔɔlɔ, ní joogbɔɔmɔ fɔɔlɔ, ní i kanmaa caa wovɔnmɔ bàā kérigèle kpéʔele, gele ge pee n sɔ̀lɔ lè, pe wɔ́ɔ o lúro pe seefɔbèle ma í,

Wɔrɔmi ye 4:13

Kolocɔlɔɔ maa wi nyɔ́ɔgi fàli Abirahami ma ní wi yòdaʔayi ní níì jo wi a ba pye dulunyanw kɔriliio, Kolocɔlɔɔ ga nyɔɔfaligi bee kpéʔele Abirahami ma Mowizi làlwaw báriga ni í, wi n gi kpéʔele wi ma sínni báriga ni, lee wi córo wi ma lè wi tágali kéele na.

Wɔrɔmi ye 5:20

Mowizi làlwaw si n pan jàngó kolomi í da nɛʔɛgi. Kàjáa tɛ́ɛgee ni kapeebyeri ga nɛʔɛ lè, Kolocɔlɔɔ kpɔ́ʔɔri n wɔ́ɔ̀ pye nɛɛ bee wonɛʔɛrɛ ní n sɔ̀lɔ,

Wɔrɔmi ye 6:14

Kapeebyeri a ní fànʔa taa yele na í, níì cán yele o nyɛ Mowizi làlwaw fànʔa ni í, fwɔɔ kpɔ́ʔɔri fànʔa ni yele nyɛ.

Galasi ye 3:19

Nyàʔá gi nyɛ Mowizi làlwaw tɛ́ʔɛlɛ nyúngo? Làlwaw tɛ́ʔɛlɛ nyúngo gi nyɛ Kolocɔlɔɔ maa wi fàra nyɔɔfaligi na kakolobyeri kéele na, bi taa yòdaʔagi í pan, gee kéele na nyɔɔfaligi da kpéʔele lè. Làlwaw n baa tɛ́ʔɛ nyɛ̀ʔɛni tundunbéle báriga ni kùsuluwaa sábabu ni.

Galasi ye 5:18

Kàjáa Pìicǎnni ga pye yele yɛɛ̀kiniw, ye gi cán yele o nyɛ Mowizi làlwaw fànʔa ni í.

Galasi ye 5:21

ní paragi, ní singbaadinri, ní kakolobyeri ní, n fàra kérigèle kèle nikwɔɔlɔ na, gele ge nyɛ lè sèjira ní gele naa ní. Mii a gi joo yele ma àmɛɛ mii da sélì gi joo lè níì jo: Kérigèle bee kpéʔelefɔɔlɔ a gbǎn Kolocɔlɔɔ fǎngi kɔ́rigɔ lìi í.

Galasi ye 5:23

ní fûnnyingi, ní miyɛɛ-cǒmi ní. Làlwaw o túngu ní yasanri bee tàa ní í.

Làlwaw Kaanziin 27:16

‹Wee wi ga wi toò wàlá wi nɔɔ̀ faʔa lè, ki n yɛlɛ wi dánga!› Syɛ́ɛnbèle myɛ a gi joo si jo: Amiina!

2 Tesaloniki ye 2:8

Lǎli bee ni Kapeegèle Syɔ́ɔn a wiyɛɛ dɛ̀ɛn, woro wee Zyezu a ba kpóo lè ní wi nyɔ́ɔgi káfalaga ní, si wi kálagi péw woro panni nìjanra darigala báriga ni.

1 Timɔte 4:7

Kàjáa mi Kolocɔlɔɔ yɛ́ʔɛnaa-sìnvyaabèle kèlē ní celɛɛbèle tánlɛɛyɛ cée, mí miyɛɛ dama mi tàli Kolocɔlɔɔ yɛ́ɛgi fyáara kele na.

1 Timɔte 6:20

Ee Timɔte, kàlifawee wi nyɛ mɔ ma lè, maa wi kɔ̀rɔsíi, kàjáa Kolocɔlɔɔ yɛ́ʔɛnaa-sìnvyaari gbanzan syɛ́ɛnrɛ, ní kàkabalayi yi taagi lè sícili-váanami ni, mi toro yaʔa,

2 Timɔte 2:16

Léeli Kolocɔlɔɔ yɛ́ʔɛnaa-sìnvyaari gbanzan syɛ́ɛnrɛ na, níì cán bele be di nyuu lè, poro a ra syée yɛʔɛ̀ ma làla o làla Kolocɔlɔɔ yɛ́ʔɛnaa-sìnvyaari ni.

2 Timɔte 3:2

Níì cán syɛ́ɛnbèle a ba ra peyɛɛ nyɔɔmi yagana caa, pe a ba peyɛɛ daʔa wáliw na, sáā joogbɔɔmi nyuu, sáā peyɛɛ nyɛ́nɛ, si wɔ́ɔ ra Kolocɔlɔɔ mɛ́ɛgi kálagi, pe a ra pe seefɔbèle cèʔé, si pye sɔ̀ngumɔ-fùnvɔɔlɔ, si wɔ́ɔ pye Kolocɔlɔɔ yɛ́ʔɛnaa-sìnvyaabéle,

Tiiti 1:10

Níì cán syɛɛnjamabèle n nɛʔɛ, poro bele be nyùngo fun syɛ́ɛnri nyuu lè ní i syɛ́ɛnbèle fáana ni pùuní, bele be koro kpéʔele lè, pe saamaw i nyɛ kɛ́nɛw fɔ̀ɔlɔ.

Tiiti 1:16

Pe i gi nyuu níì jo pe n Kolocɔlɔɔ cán, bi gi taa pe kapyegèle i gi tèé pe n wi cée. Pe n tɔ̀nɔ n pee ní i nyɛ sìnloʔobéle, pe fanʔa o gi na bi gbǎn kacànnaa faala kpéʔele í.

Tiiti 1:6

wee mɔ ga nyaa lè kajoolo fun syɔ́ɔn wi si i nyɛ cɔlɔɔ nibin fɔ́lɔ, wi pìíbèle si i nyɛ tágafɔɔlɔ, syɛ́ɛnbèle si o be kéeli nyuu ni máari níì jo pe i nyɛ kanɔnʔɔbyebèlē, wàlá pìijamabéle í.

Tiiti 3:3

Níì cán wolo maa wɔ́ɔ̀ pye kanaa-sìnjánbéle ní sìnloʔobéle, ní wɔ́ɔ̀ pùuni, wolo maa pye céri ki laànitaʔa púloro ni, ni di kínidɛnɛgi kèlē féleye myɛ kpéʔele, wolo maa kòro kakolobyeri ní nyabɛɛnni na ni kpéʔele, wolo maa ni woyɛɛ kanibɛɛngèle kpéʔele níì woyɛɛ bara.

Heburubèle 11:31

Tágali báriga ni Arahabi da pínɛ n kùu ní sìnloʔobèle ní í, wi pye lè nànjaacew, níì cán wi maa tundunlarabèle sámaga n cò ní funjànga ní, poro bele pe da sáà Zyeriko saanri n wéle lè làrama ni.

Heburubèle 12:16

Yaa kɔ̀rɔsíi koro ga pye kanɔnʔɔbyeo, wàlá Kolocɔlɔɔ yɛ́ʔɛnaa-sìnvyaaɔ a kɔ́ pye yele níngi ni í, àmɛɛ Ezau da pye lè, woro wee wi wi tiimaa kɔ́rigi pára lè tɔlɔgɔ nibin lìile kéele na.

1 Pyɛri 2:7

Koro na yele bele ye tága lè, ki i nyɛ yele ma lɔgbanra wóʔo. Bele si be nyɛ lè pe ga tága í, ki i nyuu bele bee kéele na níì jo: «Kàdɛnɛgee kpaafaanbèle cée lè, gee bee ki baa pye kpáagi jɛ̀ɛnnɛ kadɛnɛzelige,»

1 Pyɛri 3:20

Gee bee n jo booma nicéebèle pìigēle, bele be lè pe da ni lúro Kolocɔlɔɔ ma í, lǎli ni wi da ni be sige lè ní kpàracogo ní Nowe cányi ni, cányee ni wi da ni kɔ́rɔkpɔɔgi sámagi lè, syɛ̀ɛnnɛ cɛɛri pe da jée kɔ́rɔkpɔɔgi bee ni n syɔɔ lǒgi báriga ni, gee bee n jo syɛ̀ɛnnɛ kɔrɔtaanri.

1 Pyɛri 4:18

Kapye syɛɛnsinbèle syɔɔganma n gbàn, mɛ̀ɛ́ si Kolocɔlɔɔ yɛ́ʔɛnaa-sìnvyaaw ní kapeebyew kéele a ba pye bi sɛ́ɛ?

Zyudi 1:15

bi ba wɔʔɔgi kútii cáan syɛ́ɛnbèle myɛ na, bele myɛ be nyɛ lè pe o fɛ̀ɛgí Kolocɔlɔɔ na í, wi a ba be yíbe be Kolocɔlɔɔ yɛ́ʔɛnaa-sìnvyaari kèlē myɛ na, gele pe da ni kpéʔele sìnvyaa ni wi na lè, bi fàra syɛɛngbanri myɛ na, dee kapeebyebèle bee da ni nyuu ni wáa wi na lè, be lè pe o fɛ̀ɛgí wi na í.»

Tɛ̀ɛnnɛ 21:8

Kàjáa fyáari fɔ̀ɔlɔ, ní sìndagabèle, ní syɛɛn-nɔ́nʔɔbèle, ní syɛɛnkpoobèle, ní kanɔnʔɔbyebèle, ní dɛ̀ɛ́bèle, ní yasunzunbèle, ní jànvaafɔbèle myɛ tɛɛkòrogo a pye naakpɔɔgi ni, gee ni dìrigíw sóori lè, gee bee gi nyɛ kùu siin wów.»

Tɛ̀ɛnnɛ 22:15

Bele si be kòro lè kàfugi na, poro be nyɛ pɔ́nbèle, ní dɛ̀ɛ́bèle, ní kanɔnʔɔbyebèle, ní syɛɛnkpoobèle, ní yasunzunbèle ní, n fàra bele myɛ na jànvaaw dɛ́nɛ lè, a be i finɛ.