1 Timɔte 1:7 - Cebaara Bible 2010

⁷ Pe i caa bàā syɛ́ɛnbèle tama Mowizi làlwaw na, bi si gi taa dee be nyuu lè, ní gee be joo poro n fílige n cán lè, pe ga dee bee kɔ́rɔ cán í.

1 Timɔte 1:7 Iomraidhean Croise

Matye 15:14

Ye be yaʔa yaà, fúunbéle be nyɛ, ní i fúunbèle pèle tala. Fúuɔn ga ni wi fúunnyɛnnɛ tala, pe myɛ siinw a pínɛ too weʔe ni.»

Matye 21:27

Lǎli bee ni a be Zyezu yari: «Wolo ga cán í.» A Zyezu wɔ́ɔ̀ be pye: «Fǎngee báriga ni mii kérigèle naa kpéʔele lè, mii a wɔ́ɔ gi tɛɛtaagi tɛ̀ɛn yele na í.

Luki 2:46

A canya siin ga kwɔ́ɔ, candaanri wógi na, a be sáà wi nyaa kpɔ̀ʔɔrɔli kpaʔa ni wodɛ́ɛɔn ní syɛ́ɛnbèle tamafɔɔlɔ nínge ni, a wi i be syɛ́ɛnri lúro, ní i be yíbe.

Kapyegèle 15:1

Nǎnbèle pèle maa yìri Zyude ma n ba ni senyɛnbèle tama níì jo: «Kapye yele ga kɛ́nɛw kpéʔele n yɛlɛ ní Mowizi kalɛɛli ní í, yele a gbǎn syɔɔ í.»

Wɔrɔmi ye 1:22

Pe maa ni peyɛɛ yiri kacanbèlē, kàjáa pe n baa pye nilabalabéle.

Galasi ye 3:2

Mii i caa bi kéeli naa nibin cán yele ma, Mowizi làlwaw kapyegèlē báriga ni lé yele Pìicǎnni taa láà, ba fwɔɔ àmɛɛ yele syɛ́ɛnri lóʔo lè níì tága di na gee bee báriga ni yele li taa?

Galasi ye 3:5

Wee wi Pìicǎnni kaangi yele ma lè ní i kakpoloyi kpéʔele yele níngi ni lè, a wi i gi kpéʔele lé Mowizi làlwaw kapyegèlē báriga ni láà, ba fwɔɔ àmɛɛ yele syɛ́ɛnri lóʔo lè níì tága di na?

Galasi ye 4:21

Yele bele ye caa lè bi pye Mowizi làlwaw kôdanʔabéle, gee làlwaw joo lè yele ga gi lóʔo wii ì?

1 Timɔte 6:4

syɔ́ɔnw bee n nyìn wi tiimaa kpɔ́ɔmi na, wi i nyɛ kanaa-sìnjáɔn. Nyùngo fun yíbeyi ní kàkabalayi syɛɛnjóonɛʔɛrɛ n wi yákiriw kálagi. Kérigèle bee ge maa ní nyabɛɛnni ní n fàra kàsiiw, ní tɛʔɛlɛyi syɛ́ɛnrɛ, ní sɔ̀ngubeeri na.

2 Timɔte 3:7

Pe i tama làrigèle myɛ ni, pe si a tée gbǎn kányɛɛgi fílige cán í.

Zyaki 3:1

Ni senyɛ̀nnɛ, ki ga yɛlɛ yele saamaw í kɔ́ yeyɛɛ bye tamafɔɔlɔ í, níì cán yele n gi cán, wolo bele wo syɛ́ɛnbèle tama lè, wolo kútiiw a ba gbàn bi sɔ̀lɔ wozanbèle wóo na.

2 Pyɛri 2:12

Nǎnbèle bee si i nyɛ àmɛɛ yaweeri nyɛ lè sícilimɛ fun, toro dee di sii cò-mí-kpóoli kánma na lè, kérigèle ge nyɛ lè pe ga ge cán í, gele bee be faari. Pe a ba kálagi àmɛɛ yaweere nyɛ lè,