1 Timɔte 1:5 - Cebaara Bible 2010

⁵ Joogbanni naa nyúngo i nyɛ tàmagi, gee gi yìri lè zɔ̀njǎnw, ní funviiri, ní tágadeeli ma.

1 Timɔte 1:5 Iomraidhean Croise

Ŋúnuyi 24:4

Wee kɔ́yɔ yi lè yi ga nɔ́nʔɔ í, a wi fúngi fílige, wi si ga wɔ́ɔ̀ wi sɔ̀ngumi taʔa nyùngo fun yáriri na í, wi si wɔ́ɔ o kɛ̀ɛ́ jànvaa kéele na í.

Ŋúnuyi 51:10

Ki yaʔa mii í mugurumɔ, ní fundaanra kéele lóʔo, koro ga pye kaceleyi mɔ kabagi lè, yoro a ra muguri.

Zyeremii 4:14

Péemi pɛ́ɛ mi yirige mɔ fúngi ni, Zyerusalɛmi, koro ga pye mɔ í syɔɔ! Làla jòorí mɔ a kwɔ́ɔ nya wodɛ́ɛɔn ní mɔ fúngi sɔ̀ngubeere ni?

Sofonii 3:7

Mii maa ni gi nyuu níì jo: Mɔ mi tɛ́nɛ maa fɛ̀ɛgí mii na, mí fɔ̀lɔ kpúmɔn-mí-kàrigali na! Kánmi bee na kérigèle myɛ mii tɛ́ʔɛ n wi sàmi lè, mii màko a dée pye bi wi kálagi í. Kàjáa a be sèʔê tɔlɔyɔ wári be kálagimi kapyere kurugo.

Matye 12:35

Syɛɛncaɔn i yacanri yirigi wi lɔjanri ni, dee wi kɔn lè. Syɛɛnpeeo si i yapeeri yirigi wi lɔbeeri ni, dee wi kɔn lè.

Matye 5:8

Bele fúnyo yi fílige lè, bele bee i nyɛ dùba pìibēle, níì cán pe a ba Kolocɔlɔɔ nyaa!

Kapyegèle 15:9

Wi ga wolo wàli syɛɛnfeleyi na kanmaa faala na í, níì cán wi n be fúnyi jée n mùnu tágali báriga ni.

Kapyegèle 23:1

A Pɔli nyapiigèle le Sanedirɛnw ni ni wéle níì jo: «Ni senyɛ̀nnɛ, mii maa ni mii kérigèle myɛ kpéʔele ní funjànga ní Kolocɔlɔɔ yɛ́ʔɛ ma fwɔɔ n baa nan níjanʔa na.»

Kapyegèle 24:16

Koro na mii wɔ́ɔ i ŋàʔaná làrigèle myɛ ni koro ga pye mii fúngi í fílige Kolocɔlɔɔ ní syɛ́ɛnbèle yɛ́ʔɛ ma.

Wɔrɔmi ye 10:4

Níì cán Kirisi n baa pye Mowizi làlwaw kwɔ́ɔfɔlɔ, koro ga pye bele myɛ be tága woro na lè, poro í sínni taa.

Wɔrɔmi ye 12:9

Tàmagi ga yɛlɛ kaa kpéʔele ní syɛɛnjóotɛɛyɛ siin joolo ní í. Ki n yɛlɛ ye kapeegèle yaʔa ke yele bɛɛn yé tan kacǎngèle na.

Wɔrɔmi ye 14:15

Mɔ yaliiri kéele ga pye sábabu n funbɛɛnrɛ lége mɔ senyɛnw ni, mi gi cán mɔ ní o táanri tàmagi kólogo ni lǎli bee ni í. Wee kéele na Kirisi kùu lè, ki ga yɛlɛ mɔ í kɔ́ mɔ yaliiri kéele yaʔa li pye sábabu bi wi kálagi í.

Wɔrɔmi ye 9:1

Kányɛɛgi mii nyuu Kirisi ni, mii o finɛ í, mii fúngi tiimaa i nyɛ mii séera Pìicǎnni báriga ni.

1 Korɛnti ye 13:1

Alí mii ga ni nyuu syɛ́ɛnbèle syɛ́ɛnrɛ ni, ní wɔ́ɔ i nyuu nyɛ̀ʔɛni tundunbéle wóro ni n gi yaʔa tàmaga o nyɛ mii fúngi ni í, mii i nyɛ mɔ a jo kanyɛɛnrɛ be kpúmɔn, wàlá wèlege be tìngí.

2 Korɛnti ye 1:12

Gee gi nyɛ lè wolo kpɔ́ɔmi nyúngo, koro gi nyɛ àmɛɛ wolo fúnyi gi fílige n tɛ̀ɛn wolo na lè ncan wolo i táanri dulunyanw ni funjànya ní funviire na Kolocɔlɔɔ yɛ́ʔɛ ma, àlí tánʔaganmi bee na wolo da ni táanri yele níngi ni, syɔɔn sícilimɛ báriga ni ban wolo táanri í, Kolocɔlɔɔ kpɔ́ʔɔri báriga ni wolo táanri.

Galasi ye 5:22

Kàjáa gee Pìicǎnni sangi lè, koro gi nyɛ: tàmagi, ní fundaanri, ní bɛ̀ɛ́li, ní kpàracogi, ní tánʔaganjǎnmi, ní funjǎngi, ní mɔ í pye tágala syɔ́ɔn,

Galasi ye 5:6

Níì cán syɔɔnwaa ga pye Kirisi Zyezu ni, kɛ́nɛkpeʔeleri yoo, kɛ́nɛnaa-sìngbeʔeleri yoo, tàa faala o nyɛ ní tɔ̀nɔ ní í, fwɔɔ tágali li báara lè tàmagi báriga ni.

Làlwaw Kaanziin 10:12

«Tɔ́ɔliw ni, Isirayɛli, nyàʔá Yawe mɔ Kolocɔlɔw caa mɔ ma n sɔ̀lɔ gee naa na? Koro gi nyɛ mɔ í da fɛ̀ɛgí Yawe mɔ Kolocɔlɔw na, sáā wi kóloyi myɛ táanri si tàmaga le ní wi ní, sáā báara Yawe mɔ Kolocɔlɔw ma ní mɔ zɔnw myɛ, ní mɔ fúngi myɛ ní.

1 Timɔte 1:18

Mii pìíw Timɔte, mii n tundunri naa kàlifáa mɔ ma n yɛlɛ ní syɛ́ɛnri ní dee pe da sélì joo mɔ kéeli na lè, koro ga pye mɔ í da kapɛɛnjǎnni kpúmɔn ti bárigaw ni,

1 Timɔte 1:19

mí tágali cò ní funviire ní. Syɛ́ɛnbèle pèle n funviiri bee cée níì pùuni tágali kàbaan na, mɔ a jo àmɛɛ kɔ́rɔ gáà kéle lɔ̀ʔɔ ni lè.

1 Timɔte 3:9

pé tágali kalarala cò ní funviire ní.

2 Timɔte 1:3

Mii i bariga kaangi Kolocɔlɔɔ ma, woro wee má mii tóolɛɛbèle da ni báara lè, á mii wɔ́ɔ ba ni báara wi ma ní funviire ní, mii i mɔ kéeli nyuu mii làrinyɛɛrigèle ni Kolocɔlɔɔ ma canʔa ní yébilige.

2 Timɔte 1:5

Mii wɔ́ɔ i mɔ tágadeeli kéele sɔ̀ngí ni taagi, lee li da pye lè mɔ nɔɔlɛɛgi Lowizi ma, ní mɔ nafɔw Unisi ma lè, mii n wɔ́ɔ̀ tága gi na ncan tágali bee wonijanna li nyɛ mɔ ma.

2 Timɔte 2:22

Tɔ́ɔliw ni ki n yɛlɛ maa fé nìgɔpii-kérigèle ki laànitaʔa kele yɛ́ʔɛ na, bele be Kàfɔw mɛ́ʔɛ yiri lè ní funviire ní, maa táanri bele bee tánʔaganma na, sínni, ní tágali, ní tàmagi, ní bɛ̀ɛ́li na.

Tiiti 1:15

Bele be nyɔɔ lè yáriri myɛ n nyɔɔ bele bee ma, kàjáa bele be nɔ́nʔɔ lè pe lè sìndagabèle, yafyɛn ga nyɔɔ bele bee ma í. Pe n be sɔ̀nguri ní be fúnyi nɔ́nʔɔ.

Heburubèle 10:22

Ki n yɛlɛ wolo í nùuni Kolocɔlɔɔ na ní funjànya ní, bi fàra tágala na, lee li sámaga n kpɔ́ʔɔ lè, wo nùuni wi na ní fúnyi ní, yee Kàfɔw nyari nyari ní wi sìsyaanw ní lè n sɔ̀ngubeeri yirige yi ni, ní céri ní be jée n mùnu ní lòcànga ní lè.

Heburubèle 13:18

Ki n yɛlɛ yaa nyɛ́ɛri wolo kéeli na, níì cán wolo n tága gi na ncan wolo fúnyi n fílige, wolo i caa wolo tánʔaganmi í nyɔɔ kàbanyi myɛ na.

Heburubèle 9:14

ànbée Kirisi sìsyaanw a wɔ́ɔ gbǎn tɔ̀nɔ fun kapyegèle jée yirige wolo fúnyi ni bi sɔ̀lɔ, jàngó wolo í da Kolocɔlɔɔ woweew fáli kpéʔele, wi n wiyɛɛ gaan Kolocɔlɔɔ ma tɛɛlɛ fun sáriga, bàngwɔɔ Pìicǎnni báriga ni!

Zyaki 4:8

Ki n yɛlɛ ye nùuni Kolocɔlɔɔ na, wi a wɔ́ɔ nùuni yele na. Yele bele ye nyɛ lè kapeebyebèle, ye yele kɔ́yi jée ye yirige yele kapeegèle ni, yele bele ye nyɛ lè fúnyi siin-ziin fɔɔlɔ, ye yele fúnyi sámaga yi pye funviiye.

1 Pyɛri 1:22

Amɛɛ yele fɔ̀lɔ lè kányɛɛgi na níì yele fúnyi jée n mùnu koro ga pye senyɛnnɛgi tàmadelege í pye yele ni, ki n yɛlɛ ye wɔ́ɔ tàmaga le ní yeyɛɛ ní kányɛʔɛ na ní yele fúnyi myɛ ní.

1 Pyɛri 3:16

Ki si n yɛlɛ yaa gee bee kpéʔele ní fûnnyinge, ní kpɔʔɔrɔ ní, yé pye funviire fɔ̀ɔlɔ, koro ga pye, àlí pe ga wíre ni yele mɛ́ɛpɛɛnyi yiri, ní i yele nàʔajǎnmi faari, bee yele náari Kirisi ni lè, fɛ̀ɛrɛ í be taa.

1 Pyɛri 3:21

Gee fɛ̀ɛ lǒgi bee da tɛ̀ɛn lè, koro gi nyɛ batɛmiw, wee wi wɔ́ɔ̀ yele syɔɔ lè tɔ́ɔliw ni, wi o nyɛ bi fɔɔnrɔ láʔa céri na wii í, kàjáa wi i nyɛ bi yele fúnyi sámaga yi nyɔɔ Kolocɔlɔɔ ma, Zyezu Kirisi nyán-yirili báriga ni,

1 Pyɛri 4:8

Gee gi kpɔ́ʔɔ n sɔ̀lɔ kérigèle myɛ na lè, koro gi nyɛ yele í tàmaga le ní yeyɛɛ ní gbanʔama, níì cán tàmagi i kapeegèle saʔa tɔ́ngi.

2 Pyɛri 1:7

si senyɛnnɛgi tàmaga fàra Kolocɔlɔɔ yɛ́ɛgi fyáara na, si tàmagi fàra senyɛnnɛgi tàmaga na.

1 Zyan 3:10

Kánmi naa na Kolocɔlɔɔ pìíbèle ní Dazɔɔnw wòolo i cángi ni láʔala peyɛɛ na. Syɔ́ɔnwee faala wi nyɛ lè wi o kasingéle kpéʔele í, wàlá wee wi nyɛ lè wi ga tàmaga le ní wi senyɛnnɛ ní lè í, wee bee o nyɛ Kolocɔlɔɔ wóo í.

1 Zyan 3:23

Dee naa di nyɛ wi tundunri, wi n jo, ki n yɛlɛ wo tága woro Jáaw Zyezu Kirisi mɛ́ɛgi na, wó tàmaga le ní woyɛɛ ní àmɛɛ Kirisi da gi joo n gbàn wolo ma lè.

1 Zyan 3:3

Syɔ́ɔnwee faala wi wi sɔ̀ngumi taʔa Kirisi na kánmi bee na lè, wee bee a ra wiyɛɛ jé da mùú si pye tɛɛlɛ fun àmɛɛ woro nyɛ lè.