1 Timɔte 1:17 - Cebaara Bible 2010

¹⁷ Bàngwɔɔ Fànʔafɔw, woro wee wi nyɛ lè wi a kùu bi nyaa í, syɔɔn si o wi nyaagi í, woro nibin wi lè Kolocɔlɔɔ, woro na kpɔ̀ʔɔrɔli ní nìjangbɔɔri yɛlɛ làla o làla! Amiina!

1 Timɔte 1:17 Iomraidhean Croise

1 Cányi kèlē 29:11

Ee Yawe, kpɔ́ɔmi, ní fǎngi, ní gbɛ̀ɛ́nmi, ní bàngwɔɔw, ní nìjangbɔɔri i nyɛ mɔ wóro. Níì cán yáriri myɛ di nyɛ lè nyɛ̀ʔɛni, ní tári na, mɔ wóro dii. Fǎngi i nyɛ mɔ wóʔo Yawe. Mɔ wi nyɛ Kàfɔw yáriri myɛ nyúngo na.

Nehemii 9:5

Levii ye be lè Zyozuwe, ní Kadimyɛli, ní Banii, ní Hasyabinya, ní Syerebya, ní Hodiya, ní Syebanya, ní Petahiya, a poro gi joo níì jo: «Ye yìri ye yére yáā Yawe yele kwɔ́ɔmɔ fun Kolocɔlɔw kpɔ̀ʔɔrɔ́. «Mɔ nijangbɔɔri mɛ́ʔɛ n yɛlɛ kaa kpɔ̀ʔɔrɔ́, koro gee gi sɔ̀lɔ lè dùbaw myɛ, ní sòololi myɛ na.

Ŋúnuyi 10:16

Yawe i nyɛ fànʔafɔlɔ làla o làla kwɔ́ɔmɔ fun. Syɛɛnfeleyi n kálagi péw n yiri wi tári ni.

Ŋúnuyi 106:48

Yawe Isirayɛli Kolocɔlɔw n yɛlɛ waa wi kpɔ̀ʔɔrɔ́ làrigèle myɛ ni, kwɔ́ɔmɔ fun! Syɛ́ɛnbèle myɛ n yɛlɛ be jo: «Amiina!» Aleluya!

Ŋúnuyi 145:13

Mɔ fangi i nyɛ bàngwɔɔ fànʔa, mɔ kundigiri a kòro bàā syée yaà yìrigèle myɛ syɛ̀ɛnnɛ nyúngo na. Yawe i nyɛ tágala syɔ́ɔn wi nyɔɔfaliyi forolo na, gee myɛ wi kpéʔele lè, ki i wi funjǎngi tèé.

Ŋúnuyi 41:13

Mɔ si n tɔ̀nɔ n mii tɔʔɔ n yérige mii sínvoroli ni, mɔ n mii tɛ́ʔɛ mii í kòro mɔ yɛ́ʔɛ ma làla o làla.

Ŋúnuyi 45:1

Ŋúnuŋùúbèle kùndigi wóʔo, nyàáfyɛɛnri na. Kore jáabèle wóʔo. Tamana ŋúnugo. Tàmagi kéele ŋúnugo.

Ŋúnuyi 45:6

Pe n mɔ ŋáayi fìrige, syɛɛnfeleyi a ra tuun mɔ láari ni. Yi a ra jǐn fànʔafɔw nigoolo zɔnbéle ni.

Ŋúnuyi 57:11

Níì cán mɔ funjǎngi n kári fwɔɔ n sáà nan nyɛ̀ʔɛgèle na, a mɔ kányɛɛgi kári fwɔɔ n sáà nan fàfaanyi na.

Ŋúnuyi 90:2

Sáni nyanbeleyi í see lè, n tári ní dulunyanw yaʔa mɔ da kɔ́ɔ̀ di sámaga í, nlaa yaà làrigèle myɛ ni kwɔ́ɔmɔ fun, mɔ wi nyɛ Kolocɔlɔɔ.

Zyeremii 10:10

Kàjáa Yawe i nyɛ Kolocɔlɔɔ kányɛʔɛ na, woro wi nyɛ Kolocɔlɔɔ woweew, ní bàngwɔɔ fànʔafɔw. Tári i cɛ̀lɛ́ wi fundanʔari yɛ́ʔɛ ma, wi fundanʔagbɔɔri o kúngu syɛɛnfeleyi ni í.

Danyɛli 2:44

Fànʔafɔbèle bee làla ni, nyɛ̀ʔɛni Kolocɔlɔɔ a fàngaa télege, gee gi lè ki a tée kálagi í, fǎngi bee a tée jée syɛɛnfelegaa fànʔa kɔ́yɔ ni í. Ki a fǎnyi bee myɛ tɔ́nʔɔnɔ bi kwɔ́ɔ, koro tiimaa si kòro beè kwɔ́ɔmɔ fun.

Danyɛli 4:34

Tɔ́ɔliw ni, mii Nebukadinezari, mii i nyɛ̀ʔɛni Fànʔafɔlɔ sòoló, mii i wi kpɔ̀ʔɔrɔ́, mii i wi kpɔ́ʔɔgi, àmɛɛ wi kapyegèle myɛ nyɛ lè kányɛʔɛ wòʔolo, á wi kóloyi wɔ́ɔ̀ sín, wee wi a gbǎn be tìrige, bele be táanri nɛ̀ɛnyɛnɛgɛ ni lè.

Danyɛli 7:14

A be kùndigiri, ní kpɔ́ʔɔri, ní fǎngi kaan wi ma. A syɛ́ɛnbèle myɛ, ní syɛɛnfeleyi, ní syɛɛnfeleri myɛ joofɔɔlɔ i báara wi ma. Wi kùndigiri i nyɛ bàngwɔɔ kùndigire, ti a tée kwɔ́ɔ í, wi fǎngi si a tée kálagi í.

Misye 5:2

Koro na wi a be wáa yaʔa fwɔɔ bi taa ba nan lǎli na, lee ni céw yɛlɛ ba pìíw see lè, wee wi yɛlɛ bi see lè, wi senyɛnnǎnbèle wozanbèlē si lúru pan Isirayɛli pìíbèle ma.

Malasyii 1:14

«Námarafɔwee má yaweepɔlɔ nyɛ lè wi yaweeri gboolo ni, á wi nyɔɔfaliga kpéʔele Kàfɔw ma, níì gi wòlo ní tɛɛ̀kalagila yaweele ní, wi n yɛlɛ wi dánga. Níì cán mii i nyɛ fànʔafɔgbɔɔɔ.» Yawe wi lè Nyɛ̀ʔɛni Sùlasiibéle Kafɔlɔ woro wi jo nya, «mii mɛ́ɛgi i nyɛ fyáara yáriga syɛɛnfeleyi nínge ni.

Matye 25:34

Lǎli bee ni fànʔafɔw a gi joo wi kàliige wóbèle ma: ‹Yaa maa, mii Tóow dùba pìibēle, ye ba fǎngi kɔ́rigɔ lìi, gee gi sámaga yele kéeli na lè nlaa yaà dulunyanw sélimɛ na.

Matye 28:20

yáā be tama paa kérigèle myɛ kpéʔele gele mii joo n gbàn yele ma lè. Ye wéle, mii i nyɛ ní yele ní canʔa o canʔa bi taa sa nan gi kwɔ́ɔmi na.»

Matye 6:13

Ki ga yɛlɛ mɔ í yarigaa yaʔa gi wolo kárima bi lége kapeele ni í. Ki n yɛlɛ mɔ í wolo syɔɔ Wobeew ma. [Níì cán fǎngi, ní séew, ní nìjangbɔɔri myɛ i nyɛ mɔ wóro làla o làla. Amiina!]›

Zyan 1:18

Syɔɔn ga tɔ̀nɔ n kɔ́ɔ̀ Kolocɔlɔɔ nyaa í, fwɔɔ Jaafɔw nibin wi nyɛ lè Kolocɔlɔɔ, ní i nyɛ ní Tofɔw ní làla o làla, woro wi Kolocɔlɔɔ kánmi tɛ̀ɛn wo na n fílige.

Zyan 5:44

Yele bele ye fɔ̀lɔ lè yeyɛɛ kpɔ́ɔmi na, bi gi taa wee nibin wi nyɛ lè Kolocɔlɔɔ, kpɔ́ɔmee wi kaangi lè, yele o bee bee caa í, mɛ̀ɛ́ yele a gbǎn tága bi sɛ́ɛ?

Wɔrɔmi ye 1:20

Níì cán nlaa wi dulunyanw faan lè, wi kánmi bi lè syɔɔn o bi nyaagi í, syɛ́ɛnbèle i bee bee nyaagi gbanʔama wi yafaanri báriga ni, ki kɔ́rɔw wi nyɛ wi bàngwɔɔ fǎngi, ní wi kolocɔlɔmi, kérigèle bee i cángi wi yafaanri báriga ni. Gee bee na tànʔa ní o nyɛ be ma í,

Wɔrɔmi ye 1:23

Nìjangbɔɔri di nyɛ lè bànguu Kolocɔlɔw ma, pe ga fɔ̀lɔ ni dee bee córo í, ní i syɛ́ɛnbèle kɔ́yɔ yasamagara kpɔ̀ʔɔrɔ́ ti sìndɛɛgi ni, yasamagari bee i nyɛ syɔɔn niwirige wi lè yakuugo, ní féjɛɛnri, ní tɔlɔyɔ sicɛrɛ-jɛrɛ yaweeri niwiriye n fàra dee na di fulolo lè.

Wɔrɔmi ye 11:36

Níì cán woro má yáriri myɛ yìri, ti myɛ i nyɛ wi bárigaw ni, ti myɛ i nyɛ wi worò. Woro na nìjangbɔɔri yɛlɛ làla o làla. Amiina!

Wɔrɔmi ye 16:27

woro Kolocɔlɔwee nibin má sícilimi nyɛ lè, woro na nìjangbɔɔri yɛlɛ làla o làla kwɔ́ɔmɔ fun Zyezu Kirisi bárigaw ni! Amiina!

Wɔrɔmi ye 2:10

Kàjáa bele myɛ be nyɛ lè kasinbyebèle, nìjanri, ní sòololi, ní yɛɛ̀nyingi a ba pye bele bee ma, ki si a séli Zyefubèle na gbɛnʔɛnɛ, si naa nan syɛɛnfeleyi wozanya na.

Wɔrɔmi ye 2:7

Bele si be kòro ni kasingèle kpéʔele lè ní lòmaana ní, ní i nìjanri caa, n fàra sòololi, ní cénaa-sìnvɔnʔɔri na, bele bee má wi a sìibangwɔɔw kaan.

Kɔlɔsi ye 1:15

Kolocɔlɔɔ wi lè syɔɔn o wi nyaagi í, wi Jáaw wi nyɛ wi niwiriw, woro wi nyɛ Kolocɔlɔɔ pìiseliw wi yakpéʔeleri myɛ yɛ́ʔɛ na.

Heburubèle 11:27

Tágali báriga ni wi da yiri Ezyipiti ni, wi ga fyáa fànʔafɔw fundanʔara na í. Níì cán wi maa ni kpàracogo kpéʔele, mɔ a jo wi i Kolocɔlɔɔ nyaagi, woro wee wi lè syɔɔn o wi nyaagi í.

Heburubèle 2:7

Mɔ maa wi cɛ́rɛ n sɔ̀lɔ nyɛ̀ʔɛni tundunbéle na n làla cɛɛri kwɔ́ɔ, koro kàdoʔo ma a mɔ nijanri ní kpɔ́ɔmi pye wi fànʔafɔ-nyùndɔnni.

1 Pyɛri 5:11

Woro na séekpɔɔw yɛlɛ làla o làla kwɔ́ɔmɔ fun! Amiina!

2 Pyɛri 3:18

Kàjáa ki n yɛlɛ ye gi yaʔa kàa í da taari yele na kpɔ́ʔɔri ni, ní Zyezu Kirisi cánni ni, wi lè wolo Kàfɔw ní wolo Syɔɔfɔw. Woro na nìjangbɔɔri yɛlɛ tɔ́ɔliw ni, ní làrigèle myɛ ni bi taa kwɔ́ɔmɔ fun cángi í ba nan!

1 Zyan 4:12

Syɔɔnwaa faala ga kɔ́ɔ̀ Kolocɔlɔɔ nyaa nyáana í. Kapye wolo n tàmaga le ní woyɛɛ ní, Kolocɔlɔɔ i nyɛ wolo fúnyi ni, a wi tàmagi wɔ́ɔ i nyɛ wolo ni n foro.

Zyudi 1:25

woro wee wi nyɛ lè Kolocɔlɔɔ nibin, ní i nyɛ wolo Syɔɔfɔw, wolo Kàfɔw Zyezu Kirisi bárigaw ni, woro na nìjangbɔɔri, ní kpɔ́ɔmi, ní fǎngi, ní séew yɛlɛ làrigèle myɛ ni, booma wógèle yoo, tɔ́ɔliw ni yoo, fwɔɔ làla o làla! Amiina!

Tɛ̀ɛnnɛ 15:3

Mowizi wi lè Kolocɔlɔɔ falipyew, a be i wi ŋúnugi ŋúu n fàra Bàpili wóʔo na, níì jo: «Kàfɔw Kolocɔlɔɔ, mɔ wi lè Séew Myɛ Kàfɔlɔ, mɔ kapyegèle n kpólo ní i nyɛ bìngaara woʔolo ní! Mɔ kóloyi n sín ní i nyɛ kányɛʔɛ, mɔ wi lè syɛɛnfeleyi myɛ Fànʔafɔlɔ!

Tɛ̀ɛnnɛ 17:14

Pe a sa kapɛɛnni kpúmɔn ní Bàpili ní, kàjáa Bàpili a be jáa, níì cán loro li nyɛ kàfɔbèle Kàfɔlɔ, ní wɔ́ɔ i nyɛ fànʔafɔbèle Fànʔafɔlɔ. Loro ní li pínɛnyɛnbèle be nyɛ lè Kolocɔlɔɔ syɛɛn-yeribèle, ní wi wonyɛnɛ-wòlobèle, ní tágala syɛ́ɛnbèle, poro a wɔ́ɔ fànʔa taa be na.»

Tɛ̀ɛnnɛ 19:1

Kérigèle bee nyaana kadoʔo ma a mii syɛɛnnɛʔɛmɛ yákpowáara lóʔo nyɛ̀ʔɛni ni, a bi pínɛ n gi joo níì jo: «Aleluya! Syɔɔli, ní nìjangbɔɔri, ní séew i nyɛ wolo Kolocɔlɔw ma,

Tɛ̀ɛnnɛ 19:16

Mɛ́ʔɛ maa pye wozɛbɛgɛ ní wi búrogi, ní wi cèsiinyungi na, pe i gi yiri: FANʔAFƆBELE FANʔAFƆLƆ, ní KAFƆBELE KAFƆLƆ.

Tɛ̀ɛnnɛ 19:6

A mii joomɔ lóʔo àmɛɛ syɛɛnnɛʔɛmɛ wómɔ nyɛ lè, ní àmɛɛ lònɛʔɛgɛ tinmɛ nyɛ lè, ní àmɛɛ nyɛ̀ʔɛvōlogèle tingbɔɔmɔ nyɛ lè, a bi jo: «Aleluya! Níì cán wolo Kàfɔw Kolocɔlɔɔ wi lè Séew Myɛ Kàfɔlɔ, wi n tɛ́ɛn wi fǎngi na.

Tɛ̀ɛnnɛ 7:12

ní i gi nyuu níì jo: «Amiina. Wolo Kolocɔlɔw na sòololi, ní nìjangbɔɔri, ní sícilimi, ní bariga kaanni, ní kpɔ̀ʔɔrɔli, ní séew, ní bárigaw yɛlɛ làla o làla kwɔ́ɔmɔ fun! Amiina.»