1 Timɔte 1:16 - Cebaara Bible 2010

¹⁶ Kàjáa wi n nyinimɛ taa mii na, koro ga pye mii wee wi nyɛ lè pe myɛ yɛ́ʔɛ na kapeebyeri ni, mii kéeli í pye fɛ̀ɛ jàngó bele pe a tága lè Zyezu Kirisi na bi sìibangwɔɔw taa lè, bele bee í gi cán wi kpàracogi n nɛʔɛ.

1 Timɔte 1:16 Iomraidhean Croise

2 Cányi kèlē 33:19

Wi nyɛ́ɛrigi, ní kánmee na gi lóʔo wi ma lè, ní wi kapeeli, ní wi kolomi, ní tɛ́ɛyee ni wi sáriga-wòlo-tɛ́ɛyɛ sámaga lè, níì Asyera tiikóriyo yérige n fàra ǹdedanyi na sáni wi wiyɛɛ jɛ́rɛ lè, gee bee n sɛ́bɛ Hozayi sɛ́bɛw ni.

Ŋúnuyi 25:11

Ee Yawe, mii sìnzinmi kùsulugo syɔɔ mɔ mɛ́ɛgi kéele na, níì cán pi n pee n baa sɔ̀lɔ.

Yirile 34:8

A Mowizi fala n wi nyúngi jùngu kelekele n tìgi n too tári na n Yawe kpɔ̀ʔɔrɔ.

Ezayi 1:18

«Yaa maa wo ba joo.» Yawe wi jo nya. «Alí yele kapeegèle ga nyɛ́nɛgɛ, ke a ba fílige àmɛɛ lànɛɛzyiw nyɛ lè, àlí ke ga nyɛ́nɛgɛ n baa wɔ́ɔ, ke a ba fílige àmɛɛ bàsiire nyɛ lè.

Ezayi 43:25

Mii wii, mii wee wi mɔ kapeeyi kurugu ni láari yaà niyɛɛ kéeli na lè, mii a ní sɔ̀ngi bi taa mɔ kapeegèle kéele na í.

Ezayi 55:7

Syɛɛnpeew n yɛlɛ wi wi kólogi yaʔa, syɛɛnnaa-sìnzinw n yɛlɛ wi wi sɔ̀ngubeeri yaʔa, wi lúru Yawe ma, woro wee wi a nyinimɛ taa wi na lè, wi lúru wolo Kolocɔlɔw ma, woro wee wi kùsulugi syoo lè saʔa.

Córolo 23:3

A Balaami gi joo Balaki ma níì wi pye: «Yére mɔ sáriga-sórigow taana, mii si léeli. Dɔ̀ʔɔ́ Yawe a pan ba mii fàra, syɛ́ɛnree wi ga sáà tɛ̀ɛn mii na lè, mii a ba di joo mɔ ma.» A wi sáà lúgu tiire fun dandama-tɔ́nɔgɔ njoʔo ni.

Luki 15:10

Mii a gi joo yele ma, kánmi bee na gi wɔ́ɔ i nyɛ kapye kapeebyeo nibin n kàdoʔo wáa wi kapeegèle ma, fundaanra a pye Kolocɔlɔɔ tundunbèle ma nyɛ̀ʔɛni na.»

Luki 23:43

A Zyezu wi pye: «Mii a gi joo mɔ ma kányɛʔɛ ni, níjanʔa mɔ a pye ní mii ní kúsegi tɛɛcànga ni.»

Luki 7:47

Gee bee na mii a gi joo mɔ ma, wee naa tàmaga n kpɔ́ʔɔ wi kapeenɛʔɛgèle kùsulugo syɔɔlɔ báriga ni. Kàjáa syɔ́ɔnwee má kapeegèlē cɛɛri kusulugo syɔɔ lè, wee bee tàmaga n cɛ́rɛ.»

Zyan 20:31

Kàjáa kérigèle naa n sɛ́bɛ koro ga pye yele í tága gi na, bi cán Zyezu wi nyɛ Kirisi, Kolocɔlɔɔ Jáaw, jàngó yele ga tága kánmi bee na, yele í sìi taa wi mɛ́ɛgi na.

Zyan 3:36

Syɔ́ɔnwee wi tága lè Jaafɔw na, sìibangwɔɔw i nyɛ wee bee ma. Wee si wi lè wi ga tága wi na í, woro a sìíw bee nyaa í, kàjáa Kolocɔlɔɔ fundanʔari n kòro wi na.»

Zyan 5:24

Mii si a tɔ̀nɔ́ gi joo yele ma kányɛʔɛ ni, syɔ́ɔnwee faala wi ga ni mii syɛ́ɛnri lúro lè níì tága mii Tunvɔw na, sìibangwɔɔw i nyɛ wee bee ma, wi tɔlɔgɔ a ní pye kútiiw ni í, ncan wi n yiri kùúw ni n kwɔ́ɔ n jée sìíw ni.

Zyan 6:37

Bele Tofɔw kaangi mii ma lè, bele bee myɛ a ra maa mii ma, syɔ́ɔnwee wi ga pan mii ma lè, mii a tée wee bee nɛnɛ yirige kàfugi na í.

Zyan 6:40

Gee gi nyɛ lè mii Tóow nyɛ́nɛ kéele, koro gi nyɛ syɔ́ɔnwee faala ga Jaafɔw nyaa lè níì tága wi na, wee bee í sìibangwɔɔw taa. Mii si a ba wee bee nyán yirige dulunyanw cângwɔʔɔ canʔa na.»

Zyan 6:54

Wee wi ga ni mii céri káa lè ní i mii sìsyaanw gbo, sìibangwɔɔw i nyɛ wee bee ma, mii a tɔ̀nɔ́ ba wee bee nyán yirige dulunyanw cângwɔʔɔ canʔa na.

Kapyegèle 13:39

syɔ́ɔnwee faala wi ga tága Zyezu na lè, wee bee a sínnɛ taa kérigèle bee myɛ ni wi bárigaw ni.

Wɔrɔmi ye 15:4

Syɛ́ɛnree myɛ si ti da sɛ́bɛ lè booma ni Kolocɔlɔɔ syɛɛnsɛbɛri ni, dee bee maa sɛ́bɛ wolo tamani kéele na, koro ga pye kpàracogi ní kɛɛlɛli wi syɛɛnsɛbɛri kaangi wolo ma lè, wolo í sɔ̀ngumɔ tɛɛtaʔaga taa dee bee báriga ni.

Wɔrɔmi ye 6:23

Níì cán kapeebyeri sàra wi nyɛ kùúw, kàjáa kpɔ́ʔɔri Kolocɔlɔɔ kaan wolo ma lè, toro di nyɛ sìibangwɔɔw wolo Kàfɔw Zyezu Kirisi bárigaw ni.

1 Korɛnti ye 7:25

Bele be nyɛ lè cèpɔrinaa-sìnbyebèle, Kàfɔw kajoolo o nyɛ mii ma bele bee kéele na í. Kàjáa mii a mii wóri joo, mii wee Kàfɔw kpéʔele lè tágala syɔ́ɔn wi nyínimi báriga ni.

2 Korɛnti ye 4:1

Amɛɛ Kolocɔlɔɔ nyinimɛ taa wolo na lè níì fáliw naa kaan wolo ma, koro na fɔ̀rɔyi o wolo fǎngi kwóo í.

Efɛzi ye 1:12

koro ga pye wolo í pye wi nìjangbɔɔri kpɔ̀ʔɔrɔlɔ kánma na, wolo bele wo sélì wo sɔ̀ngumi taʔa lè Kirisi na.

Efɛzi ye 1:6

jàngó wolo í da woro kpɔ̀ʔɔrɔ́ wi kpɔ́ʔɔri nìjangbɔɔrɔ kéele na, dee wi kaan wolo ma lè wi Syɛɛn-nidaanmaw ni, wi lè Kirisi.

Efɛzi ye 2:7

wi n wolo kpɔ́ʔɔ wi funjǎngi báriga ni, koro ga pye bi gi tɛ̀ɛn làrigèle gele ni ge maa lè, àmɛɛ woro kpɔ́ʔɔri nyɛ lè lɔnɛʔɛrɛ wóro Kirisi Zyezu ni.

2 Tesaloniki ye 1:10

lǎlee ni wi a pan ba kpɔ́ʔɔri taa wi syɛɛncanbèle kéele na lè, tágafɔbèle myɛ si ba ra káama wi na cángi bee. Yele wɔ́ɔ i nyɛ bele bee pèle, níì cán yele n tága wolo séeraw na.

1 Timɔte 1:13

mii wee wi pye lè Kolocɔlɔɔ mɛ́ɛkalagiɔ booma ni, níì pye syɛɛnwɔʔɔɔ, ní wɔ́ɔ̀ pye kateerefɔlɔ. Kàjáa Kolocɔlɔɔ n nyinimɛ taa mii na, níì cán mii maa ni gee bee kpéʔele kateemɛ na mii sìndagali làla ni.

Heburubèle 7:25

Gee bee na bele be nùuní lè Kolocɔlɔɔ na wi bárigaw ni, wi a tɔ̀nɔ́ gbǎn be syɔɔ foro péw, níì cán wi i nyɛ sìi na làla o làla jàngó bàā nyɛ́ɛri be kéeli na.

1 Pyɛri 3:20

Gee bee n jo booma nicéebèle pìigēle, bele be lè pe da ni lúro Kolocɔlɔɔ ma í, lǎli ni wi da ni be sige lè ní kpàracogo ní Nowe cányi ni, cányee ni wi da ni kɔ́rɔkpɔɔgi sámagi lè, syɛ̀ɛnnɛ cɛɛri pe da jée kɔ́rɔkpɔɔgi bee ni n syɔɔ lǒgi báriga ni, gee bee n jo syɛ̀ɛnnɛ kɔrɔtaanri.

2 Pyɛri 3:15

Ki n yɛlɛ yaa wolo Kàfɔw kpàracogo córo syɔɔli sábabu, àmɛɛ wolo senyɛn-nidaanmaw Pɔli da wɔ́ɔ̀ gi joo yele ma lè wi sɛ́bɛw ni n yɛlɛ ní sícilimi ní, bee Kolocɔlɔɔ kaan wi ma lè.

2 Pyɛri 3:9

Kàfɔw o mɔngi wi nyɔɔfaligi forolo na àmɛɛ pèle gi sɔ̀ngí lè í, kàjáa wi i kpàracogo kpéʔele yele kéeli na. Wi o caa wàa faala í kálagi í, níì cán wi i caa pe myɛ í ba kàdoʔo wáa be kapeegèle ma.