1 Timɔte 1:15 - Cebaara Bible 2010

¹⁵ Syɛ́ɛnri naa mii a joo lè ti i nyɛ kányɛʔɛ syɛ́ɛnrɛ, syɛ́ɛnbèle myɛ n yɛlɛ pe di cò, toro di nyɛ Kirisi Zyezu n pan dulunyanw ni bi ba kapeebyebèle syɔɔ, mii si wi nyɛ pe myɛ yɛ́ʔɛ na kapeebyeri ni.

1 Timɔte 1:15 Iomraidhean Croise

Zyɔbi 42:6

Koro na mii n kolomɔ kaan niyɛɛ ma, níì kàdoʔo wáa mii kapeegèle ma, níì tɛ́ɛn támiigi, ní cɔ́ɔngi ni.»

Ezekyɛli 16:63

koro ga pye mɔ í sɔ̀ngí taa gee na gi sɔ̀lɔ lè, fɛ̀ɛrɛ si mɔ taa. Koro ga pye mɔ a ní kɔ́ nyɔɔ múgu í, mɔ fɛɛri kéele na, lǎli ni mii ga mɔ kapeegèle kùsulugo fáli kpéʔele lè kérigèle myɛ kéele na mɔ kpéʔele lè,› » Kàfɔw Yawe wi jo nya.

Matye 1:21

Wi a pyà see nàɔn. Mɔ si a ra wi mɛ́ɛgi yiri Zyezu, níì cán woro wi a ba wi syɛ́ɛnbèle syɔɔ pe kapeebyeri ma.»

Matye 18:10

«Yaa kɔ̀rɔsíi, yele a kɔ́ pìipiigèle naa làa nibin faʔa í, níì cán mii a gi joo yele ma kányɛʔɛ ni, pe nyɛ̀ʔɛni tundunbéle i yaà ni mii Tóow yɛ́ʔɛ nyaagi làla o làla, wi lè nyɛ̀ʔɛni na. [

Matye 18:11

Níì cán wee wi pùuni lè, Syɔɔn-pya n pan ba wi syɔɔ.]

Matye 20:28

Kánmi bee na Syɔɔn-pya wɔ́ɔ̀ pan, wi ga pan syɔɔn í ba ra báara wi ma í. Kàjáa wi n pan bi ba ra báara syɛ́ɛnbèle ma si wi sìíw kaan syɛ̀ɛnnɛ saʔa nyunzyɔɔrɔ kéele na.»

Matye 9:13

Ki n yɛlɛ ye sa syɛ́ɛnri naa kɔ́rɔ sɛʔɛ ye wéle àmɛɛ gi joo lè: ‹Nyinimɛ mii caa. Mii o sáriga caa í.› Níì cán mii ga pan ba syɛɛnsinbèle yeri í, fwɔɔ kapeebyebèle.»

Mariki 2:17

A Zyezu ga gee bee lóʔo, a wi be pye: «Bele be cólogo lè, pe màko o nyɛ lɔ̀ʔɔtɔrɔ na í, fwɔɔ bele be yáa lè. Mii ga pan ba syɛɛnsinbèle yeri í, fwɔɔ kapeebyebèle.»

Luki 15:2

A Farisibèle ní làlwaw sɛ́bɛwelebéle i wi sànʔá níì jo: «Nǎnw naa i kapeebyebèle sámagi ni có, ní wɔ́ɔ i líi ní be ní.»

Luki 19:10

Níì cán bele be pùuni lè Syɔɔn-pya n pan ba be caa syɔɔ.»

Luki 5:32

Mii ga pan ba syɛɛnsinbèle yeri be kàdoʔo wáa be kapeegèle ma í, fwɔɔ kapeebyebèle.»

Zyan 1:12

Koro ní ki myɛ ní bele be fɔ̀lɔ wi na lè níì tága wi mɛ́ɛgi na, a wi séew kaan bele bee myɛ ma, poro í náa pye Kolocɔlɔɔ pìibēle.

Zyan 1:29

Koro nyǐndaligi na a Zyan ga Zyezu nyaa wi i maa woro ma, a wi jo: «Ye wéle, Kolocɔlɔɔ Bàpili li maa lee, loro li nyɛ kapeegèle láʔafɔlɔ dulunyanw syɛ̀ɛnnɛ na.

Zyan 12:47

Syɔ́ɔnwee ga ni mii syɛ́ɛnri lúro lè, wi si o gi kpéʔele àmɛɛ mii jo lè í, wee bee a kɔ́ jo mii wi a kútiiw kúun woro na í. Mii ga pan ba kútii kúun dulunyanw syɛ̀ɛnnɛ na í, a mii pan ba dulunyanw syɛ̀ɛnnɛ syɔɔ wii.

Zyan 3:36

Syɔ́ɔnwee wi tága lè Jaafɔw na, sìibangwɔɔw i nyɛ wee bee ma. Wee si wi lè wi ga tága wi na í, woro a sìíw bee nyaa í, kàjáa Kolocɔlɔɔ fundanʔari n kòro wi na.»

Kapyegèle 11:1

Pìitunbèle ní senyɛnbèle be pye lè Zyude ni, a poro gi lóʔo syɛɛnfeleyaa n wɔ́ɔ̀ Kolocɔlɔɔ syɛ́ɛnri lóʔo níì di cò.

Kapyegèle 11:18

Lǎli ni pe syɛ́ɛnri bee lóʔo lè, a be fúnyi nyíngi be na, a be i Kolocɔlɔɔ kpɔ̀ʔɔrɔ́ níì jo: «Jàʔá Kolocɔlɔɔ n gi yaʔa syɛɛnfeleyi í wɔ́ɔ ra kàdoʔo wáa yi kapeegèle ma koro ga pye yi sìíw taa.»

Kapyegèle 3:26

Yele má Kolocɔlɔɔ da sélì wi falipyew tun, wee wi da nyɛ́nɛ n wòlo lè, koro ga pye wi ba dùbaw kpéʔele yele ma, si yele myɛ nibin nibin kàriga bi yirige yele kakolobyeri ni.»

Wɔrɔmi ye 11:14

koro ga pye bi kayaʔa lége mii felegefɔ-nyɛ́nbèle ni, jàngó poro pèle í taa syɔɔ.

Wɔrɔmi ye 5:6

Kányɛʔɛ na lǎli ni wolo da sèʔê pye lè báriga fun, a lǎli ga baa nan, lee Kolocɔlɔɔ da kɔ̀rirɔ n tɛ́ʔɛ lè, a Kirisi baa kùu Kolocɔlɔɔ yɛ́ʔɛnaa-sìnvyaabèle kéele na.

1 Korɛnti ye 15:9

Níì cán mii wi cɛ́rɛ pìitunbèle myɛ na, mii da caà yɛlɛ paa mii yiri pìituɔn í, níì cán mii maa ni Kolocɔlɔɔ Egiliziw wɔʔɔ.

Efɛzi ye 3:8

Wi n kpɔ́ʔɔri bee kaan mii ma, mii wi lè Kolocɔlɔɔ syɛɛncanbèle myɛ wobile, koro ga pye mii í da Kirisi córomɔ fun lɔnɛʔɛri syɛɛnjóocànra nyuu syɛɛnfeleyi wozanya ma,

1 Timɔte 1:13

mii wee wi pye lè Kolocɔlɔɔ mɛ́ɛkalagiɔ booma ni, níì pye syɛɛnwɔʔɔɔ, ní wɔ́ɔ̀ pye kateerefɔlɔ. Kàjáa Kolocɔlɔɔ n nyinimɛ taa mii na, níì cán mii maa ni gee bee kpéʔele kateemɛ na mii sìndagali làla ni.

1 Timɔte 1:19

mí tágali cò ní funviire ní. Syɛ́ɛnbèle pèle n funviiri bee cée níì pùuni tágali kàbaan na, mɔ a jo àmɛɛ kɔ́rɔ gáà kéle lɔ̀ʔɔ ni lè.

1 Timɔte 3:1

Syɛ́ɛnri naa i nyɛ kányɛʔɛ syɛ́ɛnrɛ àmɛɛ di joo lè syɔɔnwaa ga ni caa bi pye yɛɛ̀kinio, wi i falicaɔn caa.

1 Timɔte 4:9

Syɛ́ɛnri naa mii a joo lè di i nyɛ kányɛʔɛ, ti myɛ n yɛlɛ pe di cò, toro di nyɛ:

1 Timɔte 6:13

Kolocɔlɔɔ wi yáriri myɛ wéege lè, ní Kirisi Zyezu wi séeracǎnw kpéʔele lè Pɔnsi Pilati yɛ́ʔɛ ma, mii a gi joo bi gbàn mɔ ma poro nyɛ́nɛ na si jo,

2 Timɔte 2:11

Syɛ́ɛnri naa mii a joo lè, ti i nyɛ kányɛʔɛ, àmɛɛ gi jo lè: «Kapye wolo n pínɛ n kùu ní wi ní, wolo a wɔ́ɔ pínɛ pye ní wi ní sìi na.

Tiiti 3:8

Syɛ́ɛnri bee i nyɛ kányɛʔɛ, mii i caa mɔ í da di nyuu da gbàngí bele ma be tága lè Kolocɔlɔɔ na, koro ga pye paa sɔ̀ngí da taagi kacǎngèle kpéʔelele na. Gee bee gi nyɔɔ ní i nyɛ ní tɔ̀nɔ ní syɛ́ɛnbèle ma!

Heburubèle 7:25

Gee bee na bele be nùuní lè Kolocɔlɔɔ na wi bárigaw ni, wi a tɔ̀nɔ́ gbǎn be syɔɔ foro péw, níì cán wi i nyɛ sìi na làla o làla jàngó bàā nyɛ́ɛri be kéeli na.

1 Zyan 3:5

Yele si n gi cán Kirisi n baa wiyɛɛ dɛ̀ɛn koro ga pye bi kapeegèle láʔa syɛ́ɛnbèle na. Kapeele si o nyɛ wi fúngi ni í.

1 Zyan 3:8

Wee si wi kòro ni kapeegèle kpéʔele lè, wee bee i nyɛ Dàzɔɔnw wóo, níì cán Dazɔɔnw i kapeegèle kpéʔele nlaa yaà gi sélimi na. Gee bee gi gi kaan a Kolocɔlɔɔ Jáaw baa wiyɛɛ dɛ̀ɛn koro ga pye bi Dazɔɔnw kapyegèlē kálagi.

1 Zyan 5:11

Ye séeraw bee wéle wee, wi n jo, Kolocɔlɔɔ n sìibangwɔɔw kaan wolo ma, sìíw bee si i nyɛ wi Jáaw ni.

Tɛ̀ɛnnɛ 21:5

Wee wi da tɛ́ɛn lè fàngoli ni, a woro jo: «Wéle, mii i yáriri myɛ sámagi wovɔnrɔ ní.» A wi jo: «Mi gi sɛ́bɛ, níì cán syɛ́ɛnri naa i nyɛ kányɛʔɛ, syɔɔn n yɛlɛ wi tága di na.»

Tɛ̀ɛnnɛ 22:6

A nyɛ̀ʔɛni tunduɔn gi joo mii ma níì jo: «Syɛ́ɛnri naa i nyɛ kányɛʔɛ, syɔɔn n yɛlɛ wi tága di na. Kàfɔw Kolocɔlɔɔ wi kanyaajoobèle pìigēle kàragí lè, woro wi wi tundunw tun wi ba kérigèle naa tɛ̀ɛn woro púlobèle na, gele ge lè ke a ní mɔn si kpéʔele í.»

Tɛ̀ɛnnɛ 5:9

A be i ŋúnuvɔngɔ ŋúu níì jo: «Mɔ wi nyɔɔ n yɛlɛ bi sɛ́bɛw syɔɔ, si wi fɛ̀ɛ́bèle múgu, níì cán pe maa mɔ kpóo, á mɔ syɛ́ɛnbèle syɔɔ n yaʔa Kolocɔlɔɔ ma mɔ sisyaanw wolo báriga ni, poro bele be yiri lè syɛ́ɛnbèle yòdaʔaya myɛ ni, ní syɛɛnfeleri joofɔɔlɔ myɛ, ní dulunyanw syɛ̀ɛnnɛ myɛ, ní syɛɛnfeleyi wozanya myɛ ni.