1 Timɔte 1:14 - Cebaara Bible 2010

¹⁴ Wolo Kàfɔw n tɔ̀nɔ n kpɔʔɔrɔ kaan mii ma saʔa, n fàra tágali, ní tàmagi na, dee wo taagi lè Kirisi Zyezu ni.

1 Timɔte 1:14 Iomraidhean Croise

Yirile 34:6

A Yawe sɔ̀lɔ wi yɛʔɛ̀ ma níì jo: «Mii Yawe, mii Yawe wi nyɛ nyinidaari Kolocɔlɔɔ, wee wi nyɔɔgi syɔɔn na lè, mii fúngi o wári taanri í. Mii i nyɛ funjàngafɔlɔ ní tágala syɔ́ɔn, dee bee i nyɛ mii ma saʔa,

Matye 20:9

A gbaa ziinw làla wòolo ga pan, a be taa toko toko.

Kapyegèle 15:11

Wolo si n tága gi na àmɛɛ wolo syɔɔ Kàfɔw Zyezu kpɔ́ʔɔri báriga ni lè, kánmi bee na be wɔ́ɔ̀ syɔɔ.»

Wɔrɔmi ye 16:20

Kolocɔlɔɔ wi nyɛ lè fûnnyingi kaanfɔlɔ, cɛɛri ga pye wi a Sutanaw cáan bi tɔ́nʔɔnɔ yele tɔ́lɔyi láara ni. Ki n yɛlɛ wo Kàfɔw Zyezu í wi kpɔ́ʔɔri kaan yele ma!

1 Korɛnti ye 15:10

Kolocɔlɔɔ kpɔ́ʔɔri báriga ni si mii baa pye kánmi naa na mii nyɛ lè níjanʔa, kpɔ́ʔɔri bee wi kaan mii ma lè, ti ga yiri gbanzan í. Níì cán mii n báara n sɔ̀lɔ pe myɛ na. Koro ní ki myɛ ní mii séew báriga ni ban koro kpéʔele í, Kolocɔlɔɔ kpɔ́ʔɔri di nyɛ mii ma.

1 Korɛnti ye 3:10

Mii i nyɛ àmɛɛ kpaafaan-sícilio nyɛ lè níì kpáagi kàpɔɔn le n yɛlɛ ní kpɔ́ʔɔri ní Kolocɔlɔɔ kaan mii ma lè, wàa nikwɔɔ si i faanri wi na. Kàjáa syɔɔn o syɔɔn n yɛlɛ waa kɔ̀rɔsíi àmɛɛ wi faanri lè wi na.

2 Korɛnti ye 4:15

Gee bee myɛ i kpéʔele wolo na yele kéeli na, jàngó àmɛɛ kpɔ́ʔɔri nɛʔɛgi ni syée yɛʔɛ̀ ma lè syɛɛnnɛʔɛmi báriga ni, bariga kaanni í wɔ́ɔ ra nɛʔɛgi da syée yɛʔɛ̀ ma, nìjanri sáā taari Kolocɔlɔɔ na.

2 Korɛnti ye 8:9

Níì cán yele n wolo Kàfɔw Zyezu Kirisi kpɔ́ʔɔri kéele cán, woro wee wi da pye lè lɔrɔfɔlɔ, á wi baa wiyɛɛ gbéʔele foomɔfɔlɔ yele kéeli na, jàngó yele í ba pye lɔrɔfɔɔlɔ woro fóomi báriga ni.

Galasi ye 1:13

Yele n gi lóʔo àmɛɛ mii da ni Zyefubèle sérikologo táanri lè booma ni, lǎli bee ni mii maa ni Kolocɔlɔɔ Egiliziw wɔʔɔ gbanʔama ní i wi kálagi.

1 Tesaloniki ye 1:3

Wolo i sɔ̀ngí ni taagi yele kéeli na làla o làla wolo Tóow Kolocɔlɔɔ nyɛ́nɛ na, àmɛɛ yele báara lè tágali ní tàmagi báriga ni, ní àmɛɛ yele kpàracogi kpéʔele lè yele sɔ̀ngumi taʔala báriga ni wo Kàfɔw Zyezu Kirisi na.

1 Tesaloniki ye 5:8

Kàjáa wolo bele si wo nyɛ lè cángi wòolo, ki n yɛlɛ wo woyɛɛ cǒmi cán, wó kapɛɛnkpumɔn-búrogi le, ki lè tágali ní tàmagi, wó wɔ́ɔ kapɛɛnkpumɔn-ǹdɔnni tɔ́n, li lè sɔ̀ngumi tɛɛtaʔaga syɔɔli kéele na.

1 Timɔte 2:15

Koro ní ki myɛ ní cɔlɔɔ a syɔɔ pìiseeri báriga ni, ní wi ga tɛ́nɛ̀ kòro tágali, ní tàmagi ni, ní wɔ́ɔ̀ kòro funviire na, ní i màama kpéʔele.

1 Timɔte 4:12

Ki ga yɛlɛ mɔ í kɔ́ syɔɔnwaa faala yaʔa wi mɔ faʔa si pwɔɔ mɔ piimi na í. Fwɔɔ mɔ í pye fɛ̀ɛ tágafɔbèle ma mɔ nyɔɔsyɛɛnri ni, ní mɔ tánʔaganmi, ní mɔ tamagi, ní mɔ tágali ni n fàra kasingèle myɛ na.

1 Timɔte 6:11

Mɔ wee si wi nyɛ lè Kolocɔlɔɔ syɔ́ɔn, ki n yɛlɛ maa fé kérigèle bee na, mí miyɛɛ daʔa sínni na, ní Kolocɔlɔɔ yɛ́ɛgi fyáara ní, n fàra tágali, ní tàmagi, ní kpàracogi, ní funjǎngi na.

2 Timɔte 1:13

Syɛɛncanri mɔ lóʔo mii ma lè, mi miyɛɛ gaan di ma, tágali, ní tàmagi ni, dee wo taagi lè Kirisi Zyezu ni.

2 Timɔte 2:22

Tɔ́ɔliw ni ki n yɛlɛ maa fé nìgɔpii-kérigèle ki laànitaʔa kele yɛ́ʔɛ na, bele be Kàfɔw mɛ́ʔɛ yiri lè ní funviire ní, maa táanri bele bee tánʔaganma na, sínni, ní tágali, ní tàmagi, ní bɛ̀ɛ́li na.

Tiiti 2:2

Ki joo nànlɛɛbèle ma pe peyɛɛ cǒmi cán páā síngi paa táanri, si pye yákirifɔɔlɔ, pé wɔ́ɔ cólogo tágali, ní tàmagi, ní kpàracogi kàbaan na.

1 Pyɛri 1:3

Wolo Kàfɔw Zyezu Kirisi Kolocɔlɔw wi yɛlɛ ní kpɔ̀ʔɔrɔli ní, wi lè wi Tóow, woro wee wi wolo séli n see lè kavɔn Zyezu Kirisi nyán-yirili báriga ni kúbèle nínge ni n yɛlɛ ní wi nyininɛʔɛmi ní, jàngó wolo í sɔ̀ngumɔ tɛɛtaʔaga woweʔe taa,

1 Zyan 4:10

Gee naa gi nyɛ tàmagi, ki o náā nyɛ mɔ a jo wolo bɛɛ wo tàmaga le ní Kolocɔlɔɔ ní í, woro wi tàmagi le ní wolo ní níì wi Jáaw tórigo naa. A wi baa pye wolo kapeegèle kùsulugo sáriga.

Tɛ̀ɛnnɛ 22:21

Ki n yɛlɛ Kàfɔw Zyezu í wi kpɔ́ʔɔri kaan syɛ́ɛnbèle myɛ ma!