1 Timɔte 1:11 - Cebaara Bible 2010

¹¹ Tamajanni bee n yɛlɛ ní nìjanri syɛɛnjóocànra ní, ti nyɛ lè dùbaw Kolocɔlɔɔ wóri, dee wi kàlifáa mii ma lè.

1 Timɔte 1:11 Iomraidhean Croise

Ŋúnuyi 138:2

Mii a tìgí too bi mii yɛ́ɛgi wáa mɔ kpɔʔɔrɔli kpaacanga kabaan na, sáā mɔ mɛ́ɛgi kpɔ̀ʔɔrɔ́ mɔ funjǎngi ní mɔ kányɛɛgi kéele na, níì cán mɔ mɛ́ɛgi n yiri gbanʔama mɔ nyɔɔfaligi forolo báriga ni.

Luki 2:14

«Kolocɔlɔɔ na kpɔ̀ʔɔrɔli yɛlɛ wi lè ǹjoʔo ma tɛ́ɛyi myɛ ni, yɛɛ̀nyingi si pye tári na wi syɛɛn-nidaanmabèle ma.»

Wɔrɔmi ye 2:16

Gee bee si a ba yiri gbɛ̀ɛ́nmi na cángi bee na, gee ni Kolocɔlɔɔ a ba kútiiw joo lè kalaragèle myɛ kéele na ge nyɛ lè syɛ́ɛnbèle fúnyo ni, ki si a kpéʔele Zyezu Kirisi bárigaw ni bi yɛlɛ ní Syɛɛnjóocǎnri ní mii nyuu lè.

1 Korɛnti ye 9:17

Kapye mii tiimaa wi da fáliw bee nyɛ́nɛ n wòlo bàā wi kpéʔele, mii mǎà dée ra sɔ̀ngí sàra na. Kàjáa kapye ki o nyɛ mii nyɛ́nɛ kéele í á mii si i di kpéʔele, lǎli bee ni ŋàʔanaga tundunro Kàfɔw kàlifáa mii ma.

2 Korɛnti ye 4:4

Dulunyanw naa kolocɔlɔɔ n sìndagabèle sɔ̀ngurɔ tɔ́n, koro ga pye pe a kɔ́ Syɛɛnjóocǎnri gbɛ̀ɛnmɛ nyaa í, bee bi Kirisi nìjangbɔɔri tèé lè, woro wee wi nyɛ lè Kolocɔlɔɔ niwiriw.

2 Korɛnti ye 4:6

Níì cán Kolocɔlɔɔ wi gi joo lè níì jo: «Gbɛ̀ɛ́nmi í da nyín da yirigi yébilimi ni,» woro wonijanw wi wɔ́ɔ̀ gbɛ̀ɛ́nmi lége wolo fúnyi ni, jàngó woro nìjangbɔɔri cánna gbɛɛnmɛ í da nyín da yirigi Kirisi yɛ́ɛgi ni.

Galasi ye 2:7

Kàjáa pe maa gi nyaa Kolocɔlɔɔ wi Syɛɛnjóocǎnri kàlifáa mii ma mii í da di nyuu kɛ́nɛnaa-sìngbeʔelebèle ma, àmɛɛ Pyɛri yɛlɛ lè waa di nyuu kɛ́nɛw kpéʔelefɔɔlɔ ma.

Efɛzi ye 1:12

koro ga pye wolo í pye wi nìjangbɔɔri kpɔ̀ʔɔrɔlɔ kánma na, wolo bele wo sélì wo sɔ̀ngumi taʔa lè Kirisi na.

Efɛzi ye 1:6

jàngó wolo í da woro kpɔ̀ʔɔrɔ́ wi kpɔ́ʔɔri nìjangbɔɔrɔ kéele na, dee wi kaan wolo ma lè wi Syɛɛn-nidaanmaw ni, wi lè Kirisi.

Efɛzi ye 2:7

wi n wolo kpɔ́ʔɔ wi funjǎngi báriga ni, koro ga pye bi gi tɛ̀ɛn làrigèle gele ni ge maa lè, àmɛɛ woro kpɔ́ʔɔri nyɛ lè lɔnɛʔɛrɛ wóro Kirisi Zyezu ni.

Efɛzi ye 3:10

koro ga pye woro í ba wi síciligbɔɔmi tɛ̀ɛn tɔ́ɔliw ni nyɛ̀ʔɛni fànʔafɔɔlɔ, ní nyɛ̀ʔɛni séekpɔɔɔ fɔɔlɔ na Egiliziw báriga ni,

Kɔlɔsi ye 1:25

Mii n baa pye Egiliziw falipyeo n yɛlɛ ní fáliw ní, wee Kolocɔlɔɔ kàlifáa mii ma lè yele kéeli na. Fáliw bee wi nyɛ mii í da woro syɛ́ɛnri myɛ nyuu yele ma.

1 Tesaloniki ye 2:4

Kàjáa àmɛɛ Kolocɔlɔɔ wolo córo lè n gi nyaa wolo n nyɔɔ n yɛlɛ, koro na wi Syɛɛnjóocǎnri kàlifáa wolo ma, kánmi bee na si wolo wɔ́ɔ̄ di nyuu, wolo o di nyuu syɛ́ɛnbèle kínidɛnɛgɛ kéele na í, fwɔɔ Kolocɔlɔɔ kínidɛnɛgi kéele na, woro wee wi wolo fúnyi sɛʔɛ ni wéle lè.

1 Timɔte 2:7

Gee bee na Kolocɔlɔɔ mii télege mii í pye wi kanyaajooo, ní wi pìituɔn mii i kányɛɛgi nyuu, mii o finɛ í, mii i nyɛ syɛɛnfeleyi wozanya tamafɔlɔ tágali, ní kányɛɛgi ni.

1 Timɔte 6:15

wee Kolocɔlɔɔ a ba tɛ̀ɛn lè wi làridɛɛnni ni, woro wee nibin wi nyɛ lè dùbaw, ní séew myɛ Kàfɔlɔ, ní i nyɛ fànʔafɔbèle myɛ Fànʔafɔlɔ, ní wɔ́ɔ i nyɛ kàfɔbèle myɛ Kàfɔlɔ,

1 Timɔte 6:20

Ee Timɔte, kàlifawee wi nyɛ mɔ ma lè, maa wi kɔ̀rɔsíi, kàjáa Kolocɔlɔɔ yɛ́ʔɛnaa-sìnvyaari gbanzan syɛ́ɛnrɛ, ní kàkabalayi yi taagi lè sícili-váanami ni, mi toro yaʔa,

2 Timɔte 1:11

Syɛɛnjóocǎnri bee kéele na pe mii télege a mii pye di joofɔwaa, ní pìituɔn, ní tamafɔlɔ.

2 Timɔte 1:14

Yacanri be kàlifáa mɔ ma lè, mi dee bee kɔn Pìicǎnni báriga ni, loro lee li tɛ́ɛn wolo fúnyi ni lè.

2 Timɔte 2:2

Dee mɔ lóʔo mii ma lè séerafɔɔlɔ saʔa nyɛ́nɛ na, mi dee bee kàlifáa tágala syɛ́ɛnbèle pèle ma, poro bele pe a wɔ́ɔ gbǎn ra pèle nikwɔɔlɔ tama di na lè.

Tiiti 1:3

Lǎlee wi da nyɛ́nɛ n wòlo lè, a li ga baa nan, a wi sìíw bee kéele tɛ̀ɛn wi syɛ́ɛnri báriga ni, dee wolo Syɔɔfɔw Kolocɔlɔɔ kàlifáa mii ma lè níì jo mii í da di nyuu.