1 Timɔte 1:10 - Cebaara Bible 2010

¹⁰ ní cecaabèle, ní nànjaabèle, ní nànjaananbèle, ní bele be syɛ́ɛnbèle yúu ni pára lè, ní jànvaafɔbèle, ní bele be kɛ̀ɛ́ lè jànvaaw na, ní kérigèle myɛ ní gele ke a gbǎn tamajanni kábala lè.

1 Timɔte 1:10 Iomraidhean Croise

Sélimɛ 19:5

A be baa Lɔti yeri níì wi pye: «Nǎnbèle be pan mɔ ma lè níjanʔa yébiligi ni, sán be nyɛ? Ki n yɛlɛ mi be yirige naa koro ga pye wolo í ba sínɛ ní be ní.»

Sélimɛ 37:27

Ye tíi wo wi pára Isimayɛli ye ma. Wolo a kɔ́ kɔlɔ̀ taʔa wi na í, níì cán wolo senyɛnnɛ wii. Wi ní wolo i nyɛ cenijanra.» A Zyuda senyɛnzanbèle wi syɛ́ɛnri lóʔo.

Sélimɛ 40:15

Níì cán fànʔa na pe mii cò n yirige Heburubèle tára ni, àlí mii ga caa wɔ́ɔ̀ kàso kalele kpéʔele nɛɛ naa í.»

Yirile 20:7

Mii Yawe wi lè mɔ Kolocɔlɔw, mɔ a kɔ́ ra mii mɛ́ɛgi yeri gbanzan í. Níì cán wee wi ga mii Yawe mɛ́ɛgi yeri lè gbanzan, mii a wi córo kolomɔ-funvɔlɔ í.

Yirile 21:16

Syɔɔn ga syɔɔnwaa yùu n pára, wàlá n wi yaʔa wiyɛɛ kɔ́lɔ na, á be tɛ́nɛ̀ wi nyaa wi ma, syɔ́ɔnw bee a kpóo wii.

Oze sɛ́bɛw 10:4

Pe i syɛɛnrɛ nyuu, ní i jànvaa kàliyi kɛ̀ɛ́, ní i joogaanna kpéʔele. Kútiiw i fún àmɛɛ nyàápeʔe nyɛ lè séyi sɔ̀nyɔ ni.

Levii ye sáriga-wòlori 18:22

Mɔ a kɔ́ sínɛ ní nàɔn ní àmɛɛ be sìnɛ́ ní cɔlɔɔ ní lè í, gee bee i nyɛ kapeekpɔʔɔ.

Levii ye sáriga-wòlori 20:13

Nàɔn ga sínɛ ní nàɔn ní àmɛɛ be sìnɛ́ ní cɔlɔɔ ní lè, pe myɛ siinw n kapeekpɔʔɔ pye. Pe a be kpóo. Pe sìsyaanw wolo kapeele a lúru kòro be na.

Zakarii 5:4

Mii a wi cariga,» Yawe wi lè Nyɛ̀ʔɛni Sùlasiibéle Kafɔlɔ, woro wi jo nya, «Wi a sa jée kàyuuw kpaʔa ni, ní wee wi jànvaaw kàliya kɛ̀ɛ́ mii mɛ́ɛgi na lè, woro kpáagi ni, koro ga pye wi tɛ́ɛn yaà bi gi sórigo ní gi yatɔnri, ní gi kàdɛnɛri myɛ ní.»

Zakarii 8:17

Wàa faala a kɔ́ ra kapeʔe sɔ̀ngí wi fúngi ni wi syɛɛnnyɛnnɛ kánma na í. Jànvaa kàliga a kɔ́ yele dɛ́nɛ í. Níì cán toro di nyɛ yáriri myɛ, dee di mii bɛɛn lè,» Yawe wi jo nya.

Malasyii 3:5

«Mii a nùuni yele na kútiiw kéele na, mii a séera kpéʔele kelekele dɛ̀ɛ́bèle ní kanɔnʔɔbyebèle kánma na, ní bele be jànvaaw kàliya kɛ̀ɛ́ lè, ní bele be fǎngi gbàngí sàra-na-falipyeo, ní lɔgucaa ní círio na lè, ní wɔ́ɔ i kolomɔ kútiiw nyuu nibɔɔn na, pe si o fɛ̀ɛgí mii na í.» Yawe wi lè Nyɛ̀ʔɛni Sùlasiibéle Kafɔlɔ, woro wi jo nya.

Zyan 8:44

Màdebèle kàfɔlɔ wi nyɛ yele tóow, gee bee na yele sɔ̀ngí bàā yele tóow nyɛ́nɛ kèlē kpéʔele. Nlaa gi sélimi na woro wi syɛ́ɛnbèle kúu, wi o téē yèré kányɛʔɛ ni í, níì cán wi o nyɛ kányɛʔɛfɔlɔ í. Wi ga ni jà finɛ lǎlee ni lè, wi n ni wi tiimaa fúngi syɛ́ɛnrɛ nyuu. Wi i nyɛ jànvaafɔlɔ, ní wɔ́ɔ i nyɛ jànvaaw sélimafɔlɔ.

Wɔrɔmi ye 1:26

Gee bee si na Kolocɔlɔɔ be yaʔa pe fundaayi fɛ̀ɛfɔnmɔ kèlē ni, níì cán àmɛɛ cébèle yɛlɛ bàā sìnɛ́ ní pe nǎnbèle ní lè, a be gee bee yaʔa níì gi kàriga kanmaa na ni kpéʔele pe céri na, gee gi nyɛ lè ki ga yɛlɛ gi kpéʔele í.

Làlwaw Kaanziin 24:7

«Nànwaa ga nyaa, wee wi wi senyɛnnɛ̀ yùu lè Isirayɛli ye ni n wi pye puloo wàlá n wi pára, pe a kàyuuw bee kpóo. Kánmi bee na mɔ a kapeegi kwɔ́ɔ bi yirige yele níngi ni.

1 Timɔte 4:6

Mɔ ga ni wo senyɛnbèle tama kérigèle bee na, mɔ a pye Kirisi Zyezu falipyecàɔn, àmɛɛ mɔ fànʔa taagi lè tágali, ní tamajanni syɛ́ɛnrɛ báriga ni, dee na mɔ taʔa lè.

1 Timɔte 6:3

Syɔɔnwaa ga ni syɛ́ɛnbèle tama tamalaa nikwɔɔ ni, lee li fàli wolo Kàfɔw Zyezu Kirisi tamajanni na lè, ní wɔ́ɔ̀ fàli Kolocɔlɔɔ yɛ́ɛgi fyáara tamana na,

2 Timɔte 1:13

Syɛɛncanri mɔ lóʔo mii ma lè, mi miyɛɛ gaan di ma, tágali, ní tàmagi ni, dee wo taagi lè Kirisi Zyezu ni.

2 Timɔte 4:3

Níì cán làla a kɔ́ ba pye, lee ni lè syɛ́ɛnbèle a gbǎn tamajanni kpàraco í. Kàjáa pe a ra pe nyɛnɛ tamafɔbèle saʔa caa bi yɛlɛ ní be céri ki laànitaʔa kele ní, jàngó paa poro fundaan-syɛ́ɛnri nyuu poro ma.

Tiiti 1:13

Séeraw bee i nyɛ kányɛʔɛ. Koro na gi yɛlɛ mɔ í fúlo be na gbanʔama, koro ga pye be cólogo tágali kàbaan na,

Tiiti 1:9

wí wɔ́ɔ syɛɛnjóofiiri sámaga cò di yɛlɛ lè ní tamani ní, koro ga pye wi gbǎn ra syɛ́ɛnbèle kɛɛlɛ ní tamajanni bee ní, sáā kàkabalayi fɔ̀ɔlɔ nyɔ́ɔyɔ tɔ́ngi.

Heburubèle 13:4

Ki n yɛlɛ cèpɔrigi kéele í kpɔ́ʔɔ yele myɛ ma, ki yasinɛgi si pye fɔɔnrɔ fun. Níì cán Kolocɔlɔɔ a ba kútiiw kúun kanɔnʔɔbyebèle, ní ceyuubèle, ní nànyuubèle na.

Zyudi 1:7

Kánmee na bele bee da cée lè, kánmi bee na Sodɔmi, ní Gomɔri, ní yi taana kěyi syɛ̀ɛnnɛ da baa cée níì peyɛɛ gaan kanɔnʔɔri ma, níì kòro fɛ̀ɛfɔnmi kèlē na ni kpéʔele ní peyɛɛ ní. Amɛɛ be wɔʔɔ lè bànvigi náagi ni, pe i nyɛ fɛ̀ɛ syɛ́ɛnbèle myɛ ma.

Tɛ̀ɛnnɛ 18:13

ní nùndaanni yasuuro be yiri lè kanɛli, ní episi, n fàra nùndaanni míige, ní miiri, ní làtikɔliw na, ní dùvɛɛnw, ní sǐnmi, ní búrumiigi, ní yaliiri, ní nǐyi, ní bǎbèle, ní syɔ́ɔnyi, ní wòtorobèle, ní púlobèle ní, àlí n fàra syɛ́ɛnbèle sìi na.

Tɛ̀ɛnnɛ 21:27

Yanɔnʔɔgaa faala si a gbǎn jée yaà gi ni nyáana í, bele be Kolocɔlɔɔ kanibɛɛngèle kpéʔele lè, wàlá bele be finɛ lè, bele bee wàa faala a tée jée yaà gi ni í, kawolo bele mɛ́ɛyɛ yi sɛ́bɛ lè Bàpili sìi sɛ́bɛ ni.

Tɛ̀ɛnnɛ 21:8

Kàjáa fyáari fɔ̀ɔlɔ, ní sìndagabèle, ní syɛɛn-nɔ́nʔɔbèle, ní syɛɛnkpoobèle, ní kanɔnʔɔbyebèle, ní dɛ̀ɛ́bèle, ní yasunzunbèle, ní jànvaafɔbèle myɛ tɛɛkòrogo a pye naakpɔɔgi ni, gee ni dìrigíw sóori lè, gee bee gi nyɛ kùu siin wów.»

Tɛ̀ɛnnɛ 22:15

Bele si be kòro lè kàfugi na, poro be nyɛ pɔ́nbèle, ní dɛ̀ɛ́bèle, ní kanɔnʔɔbyebèle, ní syɛɛnkpoobèle, ní yasunzunbèle ní, n fàra bele myɛ na jànvaaw dɛ́nɛ lè, a be i finɛ.