1 Timɔte 1:1 - Cebaara Bible 2010

¹ Mii Pɔli i nyɛ Kirisi Zyezu pìituɔn n yɛlɛ ní tundunri ní dee wolo Syɔɔfɔw Kolocɔlɔɔ ní Kirisi Zyezu kaan mii ma lè, woro wee wi lè wolo sɔ̀ngumi tɛɛtaʔaga.

1 Timɔte 1:1 Iomraidhean Croise

Ŋúnuyi 106:21

Pe n fɛ̀ʔɛ Kolocɔlɔɔ na, wi lè be Syɔɔfɔw, woro wee wi da kakpoloyi kpéʔele Ezyipiti ni lè.

Ezayi 12:2

Ye mii syɔɔli Kolocɔlɔɔ wéle wee, mii sɔ̀ngumi n tɛ́ɛn, mii a ra fɛ̀ɛgí í. Níì cán Yawe, Yawe tiimaa wi nyɛ mii bárigaw, ní mii ŋúnugi. Woro wi nyɛ mii syɔɔli.»

Ezayi 43:11

Mii wii, mii wee wi nyɛ lè Yawe. Syɔɔfɔwaa nikwɔɔ ní o yaà n fàra mii na í.

Ezayi 43:3

Níì cán mii wi nyɛ Yawe mɔ Kolocɔlɔw, wi lè Isirayɛli Wojanw, ní mɔ Syɔɔfɔw. Mii n Ezyipiti kaan, woro í pye mɔ nyunzyɔɔ-lɔ́ri, n Etyopii ní Seba kaan mɔ sindɛɛgi ni.

Ezayi 45:15

Kányɛʔɛ na, mɔ i nyɛ Kolocɔlɔɔ, wee wi wiyɛɛ làriga lè, Isirayɛli Kolocɔlɔw, mɔ wi lè Syɔɔfɔw.

Ezayi 45:21

Ye yele wóri joo, yé kérigèle tɛ̀ɛn gele ge nyɛ yele ma lè! Alí ye caa pínɛ ye yeyɛɛ nyaa ye joo. Wìí wi da téè gee bee joo yaà gbɛnʔɛnɛ? Wìí wi ge tɛ̀ɛn yaà làridɔɔnnɔ ni? Mii Yawe ban ì? Kolocɔlɔwaa ní o yaà n fàra mii na í, Kolocɔlɔwee wi sín lè, ní i syɔɔn syoo, wi wàa ní o yaà kapye mii ban í.

Ezayi 49:26

Mii a mɔ wɔʔɔfɔbèle yaʔa paa be tiimaa céri káa. Pe a ra peyɛɛ sìsyaanw gbo mɔ a jo dùvɛɛnfɔɔn wii bàā be yɛ́ɛyi wóo. Sìi yáriri myɛ a gi cán mii Yawe wi nyɛ mɔ Syɔɔfɔw, ní mɔ Nyunzyɔɔw, ní i nyɛ Zyakɔbi Séew Myɛ Kàfɔlɔ.»

Ezayi 60:16

Mɔ a syɛɛnfeleyi nɔ́nɔ syɔɔnri, mɔ a fànʔafɔbèle yíregéle syɔɔnri. Mɔ a gi cán bi cán mii wi nyɛ Yawe mɔ Syɔɔfɔw, bi cán Zyakɔbi Séew Fɔ́lɔ wi nyɛ mɔ Nyunzyɔɔw.

Ezayi 63:8

Wi maa jo: «Kányɛʔɛ na, pe i nyɛ mii syɛ̀ɛnnɛ, pe i nyɛ jaafɔɔlɔ, bele be lè pe o syɔɔn jànváa í!» Wi maa pye be ma syɔɔfɔlɔ.

Oze sɛ́bɛw 13:4

«Mii si na, mii wi nyɛ Yawe mɔ Kolocɔlɔw, n séli yaà Ezyipiti tári ni. Mɔ ga kolocɔlɔwaa nikwɔɔ cán kapye mii ban í, syɔɔfɔwaa ní o yaà mii kàdoʔo ma í.

Luki 1:47

Mii pǐli si i fundaanra kpéʔele mii Syɔɔfɔw kéele na, wi lè Kolocɔlɔɔ.

Luki 2:11

toro di nyɛ pe n syɔɔfɔlɔ see yele ma níjanʔa Davidi kěgi ni, woro wi nyɛ Kirisi wi lè Kàfɔw.

Kapyegèle 9:15

A Kàfɔw si wi pye: «Da syée, níì cán mii n nǎnw bee nyɛ́nɛ n wòlo wi pye mii falipye-yariga waa mii mɛ́ɛgi kéele nyuu syɛɛnfeleyi ma, ní fànʔafɔbèle, ní Isirayɛli ye yòdaʔayi myɛ ma.

Wɔrɔmi ye 1:1

Mii Pɔli, wi lè Kirisi Zyezu púlo, Kolocɔlɔɔ n mii yeri mii í pye woro pìituɔn àmɛɛ wi mii nyɛ́nɛ n wòlo lè mii í da woro Syɛɛnjóocǎnri nyuu.

1 Korɛnti ye 1:1

Mii Pɔli Kolocɔlɔɔ yeri lè mii í pye Kirisi Zyezu pìituɔn n yɛlɛ ní woro nyɛ́nɛ kéeli ní, mii ní Sɔsitɛni ní, wi lè wolo senyɛnw,

1 Korɛnti ye 9:17

Kapye mii tiimaa wi da fáliw bee nyɛ́nɛ n wòlo bàā wi kpéʔele, mii mǎà dée ra sɔ̀ngí sàra na. Kàjáa kapye ki o nyɛ mii nyɛ́nɛ kéele í á mii si i di kpéʔele, lǎli bee ni ŋàʔanaga tundunro Kàfɔw kàlifáa mii ma.

2 Korɛnti ye 1:1

Mii Pɔli, wi lè Kirisi Zyezu pìitunwaa n yɛlɛ ní Kolocɔlɔɔ kínidɛnɛgi ní, mii ní wolo senyɛnw Timɔte ní, wolo a sɛ́bɛw naa tórigo Kolocɔlɔɔ Egiliziw ma wi lè Korɛnti ni, n fàra Kolocɔlɔɔ syɛɛncanbèle myɛ na be nyɛ lè Akayi tári myɛ ni.

Galasi ye 1:1

Mii Pɔli wi lè pìituɔn, kàjáa syɛ̀ɛnnɛ ban pe mii tun í, mii o nyɛ pìituɔn syɔɔn báriga ni í, fwɔɔ Zyezu Kirisi, ní Tofɔw Kolocɔlɔɔ bárigaw ni, wee wi Zyezu nyán n yirige lè kúbèle nínge ni,

Galasi ye 1:11

Ni senyɛ̀nnɛ, mii a gi joo yele ma, Syɛɛnjóocǎnri mii joo yele ma lè, syɔɔn wóro ban í,

Kɔlɔsi ye 1:27

bele na wi da ni caa lè bi kalarali bee nìjanra kpɔ́ʔɔrɔ tɛ̀ɛn lè syɛɛnfeleyi nínge ni, kalarali bee li nyɛ àmɛɛ Kirisi nyɛ lè yele fúnyi ni, koro gi nyɛ nìjangbɔɔri sɔ̀ngumɔ tɛɛtaʔaga.

2 Tesaloniki ye 2:16

Wolo Kàfɔw Zyezu Kirisi tiimaa, ní wolo Tóow Kolocɔlɔɔ, woro wee wi tàmaga le ní wolo ní lè, níì bàngwɔɔ fûnnyingi kaan wo ma n fàra sɔ̀ngumi tɛɛtaʔajanga na wi kpɔ́ʔɔri báriga ni,

1 Timɔte 1:12

Mii i bariga kaangi wolo Kàfɔw Kirisi Zyezu ma, woro wee wi fǎngi kaangi mii ma lè níì mii córo tágala syɔ́ɔn, níì mii lége wi fáliw ni,

1 Timɔte 2:3

Gee bee n nyɔɔ wolo Syɔɔfɔw Kolocɔlɔɔ ma, níì wi dɛ́nɛ.

1 Timɔte 2:7

Gee bee na Kolocɔlɔɔ mii télege mii í pye wi kanyaajooo, ní wi pìituɔn mii i kányɛɛgi nyuu, mii o finɛ í, mii i nyɛ syɛɛnfeleyi wozanya tamafɔlɔ tágali, ní kányɛɛgi ni.

1 Timɔte 4:10

Kolocɔlɔɔ woweew wi nyɛ wolo sɔ̀ngumi tɛɛtaʔaga, woro wee wi nyɛ lè syɛ́ɛnbèle myɛ syɔɔfɔlɔ n náa kɔ́ɔ̀ yére tágafɔbèle na, gee bee na wolo báara ní i kapɛɛnni kpúmɔn.

Tiiti 1:3

Lǎlee wi da nyɛ́nɛ n wòlo lè, a li ga baa nan, a wi sìíw bee kéele tɛ̀ɛn wi syɛ́ɛnri báriga ni, dee wolo Syɔɔfɔw Kolocɔlɔɔ kàlifáa mii ma lè níì jo mii í da di nyuu.

Tiiti 2:10

koro ga jáa bàā yúu be ma í, fwɔɔ be peyɛɛ dɛ̀ɛn tágala syɛɛnnɛ kányɛʔɛ ni, koro ga pye pe kapyegèle myɛ í da kpɔʔɔrɔ taari wolo Syɔɔfɔw Kolocɔlɔɔ tamani na.

Tiiti 2:13

àmɛɛ wolo wo sɔ̀ngumi tɛɛtaʔajanga sige lè, gi lè Zyezu Kirisi lúrubanni àmɛɛ wi a ba wiyɛɛ dɛ̀ɛn lè wi nìjangbɔɔri ni, woro wee wi lè Kolocɔlɔɔ Wogbɔɔw ní wolo Syɔɔfɔw.

Tiiti 3:4

Kàjáa lǎli ni wolo Syɔɔfɔw Kolocɔlɔɔ baa wi funjǎngi ní wi tàmagi tɛ̀ɛn syɛ́ɛnbèle na lè,

Tiiti 3:6

Wi n Pìicǎnni tìrige n píli wo na saʔa wolo Syɔɔfɔw Zyezu Kirisi bárigaw ni,

1 Pyɛri 1:21

Woro bárigaw ni yele tága Kolocɔlɔɔ na, woro wee wi wi nyán n yirige kúbèle nínge ni lè, níì nìjangbɔɔri taʔa wi na, a koro gi kaan a yele tága Kolocɔlɔɔ na níì yele sɔ̀ngumi taʔa wi na.

1 Pyɛri 1:3

Wolo Kàfɔw Zyezu Kirisi Kolocɔlɔw wi yɛlɛ ní kpɔ̀ʔɔrɔli ní, wi lè wi Tóow, woro wee wi wolo séli n see lè kavɔn Zyezu Kirisi nyán-yirili báriga ni kúbèle nínge ni n yɛlɛ ní wi nyininɛʔɛmi ní, jàngó wolo í sɔ̀ngumɔ tɛɛtaʔaga woweʔe taa,

2 Pyɛri 1:1

Mii Siimɔn Pyɛri wi lè Zyezu Kirisi púlo, ní wɔ́ɔ i nyɛ wi pìituɔn, mii a sɛ́bɛw naa tórigo yele ma, yele bele ye tágali taa Zyezu Kirisi sínni báriga ni lè, wi lè wolo Kolocɔlɔw ní wolo Syɔɔfɔw, tágali bee n nyɔɔ n sɔ̀lɔ yáriri myɛ na, loro wonijanni li wɔ́ɔ̄ nyɛ wolo ma.

1 Zyan 4:14

Wolo tiimaa n gi nyaa ní wɔ́ɔ̀ gi séeraw kpéʔele níì jo Tofɔw maa Jaafɔw tórigo naa wi ba pye dulunyanw Syɔɔfɔlɔ.

Zyudi 1:25

woro wee wi nyɛ lè Kolocɔlɔɔ nibin, ní i nyɛ wolo Syɔɔfɔw, wolo Kàfɔw Zyezu Kirisi bárigaw ni, woro na nìjangbɔɔri, ní kpɔ́ɔmi, ní fǎngi, ní séew yɛlɛ làrigèle myɛ ni, booma wógèle yoo, tɔ́ɔliw ni yoo, fwɔɔ làla o làla! Amiina!