Tito 3:15 - Manitanati Tuparrü

¹⁵ Namanaiña bama aboma auna ichepeñü ñaquioncorrüma tanu aemo. Supaquionco ito tanu ümo bama aquionoma somü, bama icocoromati Tuparrü. Tari icunusüancanati año Tuparrü. Amén.

Manityanati Tupax

¹⁵ Namanaiña axɨbama aboma auna chepeñɨ ñakionkoxɨma tanu aemo. Urasoi supakionko tanu ɨmo axɨbama suichurapa axɨbama ikokoromati Jesús. Tari axti Tupax aukurusɨka uiti namanaiña.

Tito 3:15 Iomraidhean Croise

San Mateo 5:47

Arrtü apanquiquia nurria solamenterrü ümo bama aubaruqui o ümo bama apisuputacama, ¿napaquionco urria arrüna apisamute sane? Arrübama ito chisuputaramatipü Tuparrü isamutema ito sane.

Hechos 20:34

Tusiatai aume, nantarrtai rratrabacaca itobo rrutuburibo, y itobo na ito utuburibo bama isumpañeru.

1 Corintios 16:23

Tari icunusüancanati año Señor Jesús.

Gálatas 5:6

Uicococati Jesucristo. Champü nümoche arrtü ane osoi manu circuncisión, o arrtü champü. Arrüna manrrü cuasürü ümoti Cristo es, arrtü oñoncatü ümoti aübu nanaiña nuyausasü, y arrtü ocuasürüca oemoantoe.

Colosenses 4:18

Auna caüma rraconomoca nirraquionco tanu aume ui niñeantoe. Apaquionsaño iyoñü, ta yaca au preso. Tari icunusüancanati año Tuparrü.

1 Timoteo 1:2

Rraconomoca tanu aemo Timoteo. Sobi aicococati Jesús. Tari icunusüancantiyü Tuparrü, naqui uyaü y arrti Jesucristo. Tari pucürurati atacucü y taiquiana urria naca.

1 Timoteo 1:5

Ucanü ümoma tari ñanunecanama nauqui acuama ümomantoe, y tapü mapensarama ümo arrüba chomirriampü. Tari isamutema urria auqui nausasürrüma, y tari oncomatü ümoti Jesús aübu narucurrü ümoma.

2 Timoteo 4:22

Tari anati Señor Jesucristo achepecü. Tari icunusüancanati año Bae Tuparrü. Amén.

Filemón 1:5

itopiqui tiñoncoi arrüna coñorrtai oncatü ümoti Señor, y arrüna nacumananauncu ümo bama maquiataca icocoromati.

Hebreos 13:25

Tari icunusüancanati año Tuparrü.

3 Juan 1:1

Arrüñü mayor ñü eana bama icocoromati Jesús. Rraconomoca ümoti Gayo, naqui tarucu nicuarrti iñemo. Süro tanu nirraquionco aemo, saruqui.