Romanos 3:3 - Manitanati Tuparrü

³ Aboma bama eanama chicocotapüma tücañe, pero arrti Tuparrü chüpuerurrüpü atacüru nibuenucurrti uirri.

Manityanati Tupax

³ ¿Kausane kaɨma? ¿Ensapɨ axti Tupax takɨrusu ñakionkoxti, ityopikimia axɨbama chɨmakokonaumpɨma?

Romanos 3:3 Iomraidhean Croise

San Mateo 24:35

Arrüna cürrü y napese tiene que amiñarri, pero nisura tiene que acoco.

San Juan 1:16

Namanaiña oñü basutio arrüba omirria macumanataca mecuquiti ui nucua ümoti.

Romanos 10:16

Pero champürrtü namanaiña rranrrüma oncoimia arrüna urriampae manitacarrü. Arrti profetarrü Isaías nanti sane tücañe: “Señor, ¿quitipü rranrrü aicoco arrüna suburapoi?”

Romanos 11:29

Arrüba ñacumanatarrti ümoma chücarübopü tato uiti. Tasuruma uiti, chüpuerurrüpü nauqui chüvaleoquipü nurarrti.

Romanos 9:6

¿Aensapü chücumplibotipü Tuparrü aübu nurarrti ümo bama israelitarrü? No, chüsanempü. Pero nurarrti valeo solamenterrü ümo bama ñemanauncurratoe israelitarrü, itopiqui champürrtü namanaiña bama israelitarrü tonema bama nesarrti genterrü Tuparrü.

2 Corintios 3:18

Así que usaca tacanarrtü chürruburriopü nusu, tacanarrtü cuara nanentacarrti Tuparrü usu. Ui arrüna sane masamuña campiabo nusaca tacana nacarrti, y tusio ito au nosüboriqui arrüna nanentacarrti Tuparrü. Nanaiña arrüna sane pasabo uiti Espíritu Santo, naqui esaquiti Cristo.

2 Tesalonicenses 1:3

Masaruquitaiqui, tiene que supachampienca nantarrtai ümoti Tuparrü autacu. Urria arrtü sopisamute arrüna sane, itopiqui chauqui tütusio nurria arrüna napacoconauncu ümoti Tuparrü y tacane ito naucuasürücü aumeampatoe.

2 Timoteo 2:13

Arrtü uiñocota numacoconauncu ümoti, pero arrti chüpuerurrüpü aiñoconoti oñü. Bayuraratiqui oemo, itopiqui chiñapanrrtipü.

Hebreos 4:2

Arroñü oñoncoi arrüna manitacarrü que puerurrü uiñanai esati Tuparrü y macansa. Isiatai arrübama macrirrtianuca eana rroense tücañe oncoimia ito, pero arrüma champü nümoche uimia. Oncoimia, pero chicocotapüma.