San Juan 6:35 - Manitanati Tuparrü

³⁵ Arrti Jesús iñumutati nurarrüma, nanti: —Ichepecacañü tacana manu pan bachebo ausüboriquibo. Arrti naqui cuati yesañü chüpuerurrüpü acürüpüti, y arrti naqui icocoroñü chüperurrüpü atosüti.

Manityanati Tupax

³⁵ Nanti Jesús ɨmoma: –Axɨñɨ tyone axɨmanu pan uiche ane sɨborikixh. Axti naki kuatati yesañɨ, chɨkɨrɨpɨotipɨ. Axtityo naki ikokoroñɨ, chanantopɨ atosɨti.

San Juan 6:35 Iomraidhean Croise

San Mateo 11:28

Ausiapata tauna yesañü namanaiña bama batachebo ui tarucu penarrü aboi, y ui napacoconauncu ümo bacüpucuca. Apacansa.

San Lucas 6:25

‛Autaquisürücatai bama champü faltabo aume y ababecatai, itopiqui ñana aucürüpüca. ‛Autaquisürücatai ito bama pucünuña caüma, itopiqui ñana ausucheca y abareoca.

San Juan 4:15

—Señor, ache iñemo manu turrü —nantü manu paürrü—, tapü ananto ichosü tato, nauqui tapü yasiquia isetato ñarrüquia auqui na noria.

San Juan 5:40

Pero arraño chaurriancapü abetü yesañü, nauqui yache ausüboriquibo.

San Juan 6:37

Namanaiña bama cuamatü yesañü ui yacüpucurrti naqui Iyaü, yasuquiucama. Chipenecapüma.

San Juan 6:41

Auqui arrübama israelitarrü tüboricoma ümoti Jesús ui manu nurarrti, itopiqui nanti: “Arrüñü arrümanu pan cuatü auqui napese”.

San Juan 6:65

Auqui nanti tatito ümoma: —Sane nauquiche surapoi one ausucarü, champüti naqui puerurrü aicocoroñü, arrtü chübacüpucurrüpü uiti Iyaü ümoti.

Apocalipsis 22:17

Arrti Espíritu Santo ichepe nicüpostoti Jesús, arrübama icocoromati, namatü: —Ariacu. Arrti naqui oncoiti nurarrti Tuparrü, tari nantito sane: —Ariacu. Y arrti naqui tosüco, tari yebati, arrtü rranrrti, tari chabati manu turrü bachebo süboriquirri, macumanatarrtai ümoti.

Apocalipsis 7:16

Chanantopü tato acürüpüma ni atosüpüma, ni ataquisürüpüma ui nipequi surrü.