Hebreos 11:11 - Manitanati Tuparrü

¹¹ Ui arrüna oncotitü ümoti Tuparrü yasutiuti icusüubuti, nauqui puerurrü aübositi, panaca chauqui tüpomati. Y arrüna nicüpostoti nürirri Sara isiatai tüpoma, chüpuerurrüpü aübosi. Pero arrti Abraham oncotitü ümoti Tuparrü, nauqui acoco nurarrti uiti.

Manityanati Tupax

¹¹ Auki ñakokonaunkuxti, sane naukiche Sara nikɨpostoti champɨ tɨtane nipiaɨmakax axti Abraham chauki tiñatai niyarusɨrɨkɨxti, ui noñemaxti Tupax anati aɨtoxti, tyopiki ikokotati ta axti Tupax isamutentiki ñana axɨna ɨriotɨ uiti.

Hebreos 11:11 Iomraidhean Croise

San Lucas 1:36

Suraboira ito asucarücü, arrüna napariente Saberarrü tütane seirri panca tanati ipiaümacarrü cütüpü au nipocorrü. Abu namatü tücañe que chüpuerurrüpü aübosi.

Romanos 9:8

Arrübama maquiataca aütorrti Abraham chitonempüma bama curusüoma uiti Tuparrü, ta arrti Isaac y bama aütorrti, itopiqui arrti anati icu cürrü ui nurarri Tuparrü ümoti Abraham.

Gálatas 4:23

Arrti maniqui auqui nicumanacatarrti anati icu cürrü tacanati cualquierarrtai. Pero arrti maniqui quiatarrü anati icu cürrü auqui propiorrü nicüpostoti Abraham, tonenti naqui samamecana uiti Tuparrü, tacana arrüna turapoiticaü tücañe.

Hebreos 10:23

Tapü uiñocota arrüna urria manunecatarrü, arrüna tuicocota. Tapü campiabo numapensaca, itopiqui arrti Tuparrü cumpliboti nurria aübu nurarrti oemo.