Lucas 9:2 - Tsimane

² Chat qui jutacsi paj qui voroꞌtacsi muntyiꞌ in mọꞌ p̂eyacdyeꞌ p̂eyeꞌ ayoꞌbuꞌyidyes Jenꞌsiꞌ muꞌ, judyeyaꞌ paj qui chimeꞌ muꞌin jiꞌchäcacseban japacjoijtyiꞌ muntyiꞌ in.

Lucas 9:2 Iomraidhean Croise

Mateos 10:5

Jesús jutacsi muꞌin yiriꞌtac päräꞌ jiyity in, yi muꞌ jéyacsi: —Jam raꞌ muꞌĉan jịjcaij yútacsebi miꞌin bäꞌyedyeꞌ jam judíos muꞌin, mijam raꞌ Samariaĉansiꞌ bäꞌyedyeꞌ yútyetiñeꞌ miꞌin chimeꞌ.

Mateos 13:19

Muꞌin seꞌveꞌtyiꞌ in p̂eyacdyeꞌ yiꞌsiꞌ junꞌ chuc ayoꞌbuꞌyi Jenꞌ, jam qui namꞌ chicacsi in, muꞌin jeñej buꞌyi in majmiĉan tŝọiꞌsiꞌ vej, mọꞌyaꞌdye mọꞌ shupquiꞌ Sọyoꞌ jäctyetacsiꞌ p̂eyacdyeꞌ ĉojtyiꞌĉansiꞌ muꞌin.

Mateos 24:14

Paiꞌ bäꞌyity jacchety muntyiꞌ in, räj raꞌ muꞌin seꞌveꞌ in mọꞌ p̂eyacdyeꞌ Jenꞌsiꞌ muꞌ, mọꞌ p̂eyeꞌ aty raꞌ ayoꞌbuꞌyi Jenꞌ, chat aty raꞌ meꞌsiꞌ q̂uinꞌdyemꞌ raꞌ ayij jadyiquis tupudyeꞌ.

Mateos 3:2

Yi muꞌ: —Dyijyevac juchajcheꞌ miꞌin, aty c̣hẹiꞌyaꞌ ayoꞌbuꞌyi raꞌ muꞌ Jenꞌ.

Marcos 16:15

Chat qui jéyacsi: —Tạij miꞌin, paiꞌ ọij jac jịjcajamꞌ, voroꞌtacsejamꞌ räj jacchety muntyiꞌ in, jéyacsejamꞌ jämꞌsiꞌ p̂eyacdyeꞌ Jenꞌsiꞌ muꞌ.

Marcos 6:12

Chat qui jịꞌchiyactyiꞌ muꞌ shupqui in voroꞌtacsequi muntyiꞌ in, jéyacsi in paj qui dyijyi juchajcheꞌ in.

Lucas 10:1

Aty meꞌsiꞌ muꞌ Ayoꞌ tsun tsimꞌtacsi yävätidyeꞌ quiꞌtac päräꞌ jiyi in, muꞌin jutacsi paj qui tashi räj socorꞌjeyacsi bäꞌyedyeꞌ in, yóĉandyemꞌ ramꞌ jịjcaij Jesús u, cäts päräꞌ päräꞌ jịjcaij jutacsi.

Lucas 10:11

"Paj tsanꞌ mọꞌ jac yujches tsun ọijsiꞌ bäꞌyedyes mọꞌ, chischisjeyactaqui raꞌ tsun, jịꞌĉocdyes anic vaꞌcac bäꞌyi miꞌin. Chịj qui na ramꞌ miꞌin aty c̣hẹiꞌyaꞌ ayoꞌbuꞌyi Jenꞌ miꞌindyes", meꞌ raꞌ jéyacsi miꞌin.

Lucas 10:9

Chimeꞌ raꞌ jiꞌchäcacseban miꞌin areꞌreijtyiꞌ bäꞌyedyeꞌĉantyiꞌ in judyeyaꞌ raꞌ voroꞌtacsi miꞌin jéyacsi miꞌin: "Jenꞌ aty raꞌ ayoꞌbuꞌyi miꞌindyes", meꞌ raꞌ jéyacsi miꞌin.

Lucas 16:16

Mọꞌ tashches sánacdyeꞌ Jenꞌsiꞌ yụꞌtacdyeꞌ muꞌ judyeyaꞌ yocsiꞌ sánacdyeꞌ muꞌ jasoꞌmititysiꞌ p̂eyacdyeꞌ Jenꞌ in, räj mọꞌ yụꞌtaqui Jenꞌ paj qui fer buꞌyiꞌ junꞌ quiꞌ chuc naꞌiyaꞌ muꞌ Juan chojtacsity jiquej. Aty meꞌsiꞌ tiyacchuti voroꞌtacsi yocsiꞌ p̂eyacdyeꞌ p̂eyeꞌ ayoꞌbuꞌyedyeꞌ raꞌ Jenꞌsiꞌ muꞌ, chat qui muntyiꞌ in anic fer mạꞌjeꞌ siti Jenꞌyaꞌ in ayoꞌbuꞌyedyeꞌyaꞌ muꞌ.

Lucas 9:11

Muꞌin na yoctyiꞌ in chị́qui in, cäꞌc̣häijdye muꞌin jäquiꞌ cäc̣häꞌchute in. Jesús tiĉunacsi, voroꞌtacsi mọꞌ p̂eyacdyeꞌ p̂eyeꞌ ayoꞌbuꞌyidyes raꞌ Jenꞌsiꞌ muꞌ, judyeyaꞌ jiꞌchäcacseban muꞌin japacjoijtyiꞌ in.