Lucas 8:2 - Tsimane

² P̂enmun chimeꞌ jiꞌchäcacsebansiꞌ jiquej muꞌ Jesús, judyeyaꞌ meijjetyetacsiꞌ sọyoꞌ in. Mọꞌ na yiris María, judyeyaꞌ tịj mọꞌ Magdalena, sọyoꞌtumsiꞌ mọꞌ jiquej, yävätidyeꞌ jiquej sọyoꞌ meꞌchuiꞌ mọꞌ.

Lucas 8:2 Iomraidhean Croise

Mateos 4:24

Paiꞌ buꞌyiꞌ jac seꞌveꞌ in junꞌ chuc muꞌ Jesús, Siriaĉantyiꞌ chimeꞌ seꞌveꞌ in. Mọꞌdyes tuyete in räj muꞌin areꞌreijtyiꞌ in, japacjoijtyiꞌ in, judyeyaꞌ ñeꞌity in, judyeyaꞌ puñichjoijtyiꞌ in, judyeyaꞌ sọyoꞌtumtyiꞌ in, räj meꞌ meꞌ jiꞌchäcacseban muꞌ Jesús judyeyaꞌ meijjetyetacseban sọyoꞌ chimeꞌ.

Marcos 16:1

Aty meꞌsiꞌ mọꞌ mạyedyeꞌ jịꞌjutyitidyes, chat qui María Magdalena judyeyaꞌ Salomé judyeyaꞌ yocsiꞌ María tseꞌ muꞌ Santiagos, mọꞌin yaꞌiꞌ tsanꞌ in taiꞌtacdyes jẹrejres paj qui taꞌyecbibajte in aꞌ muꞌ Jesússiꞌ.

Marcos 16:9

Aty raꞌ nạijjoiꞌyaꞌ mạyedyeꞌ mọꞌ dọmico muꞌ Jesús vañinyeban. Tashi muꞌ jiꞌcavibun Maríayaꞌ Magdalenayaꞌ, mọꞌdye meijjetyebanꞌsiꞌ yävätidyeꞌyis sọyoꞌ jiquej.

Lucas 23:27

Shach muntyiꞌ cäc̣häꞌchute in. Chimeꞌ daiꞌ p̂en in fer táriꞌ in tárete Jesús in ñịbeꞌ ĉọ́te in.

Lucas 23:49

Muꞌin chị́yetety Jesús in tacyaꞌdye muꞌin in jiꞌyajcabun in, moch buꞌyi muꞌin in meij cạvevaꞌjoij in. Chimeꞌdye mọꞌin p̂en Galileaĉan ayijsiꞌ in cäc̣häꞌchutes Jesús in, mọꞌin chimeꞌ tacyaꞌ jiꞌyajcabunꞌ in.

Lucas 23:55

Mọꞌin na p̂en Galileaĉan ayijsiꞌ in cäc̣häꞌchutes in muꞌ Jesús, mọꞌin jịjcate José in cạvepte in aꞌ muꞌ, junꞌ buꞌyiꞌ chuc muꞌ yụꞌtac toꞌĉan muꞌ.

Lucas 8:30

Chat qui muꞌ Jesús jéte: —¿Tyi tịj u mi? Vorjete: —Yụ́siꞌ nash tịj Daiꞌtyiꞌ. Meꞌ yi muꞌ ĉaĉaij na daiꞌ sọyoꞌ meꞌchute in.

Juan 19:25

Mọꞌyaꞌ chimeꞌ tseꞌ muꞌ Jesússiꞌ croshyaꞌ, judyeyaꞌ vojiꞌ mọꞌ, judyeyaꞌ yocsiꞌ chimeꞌ p̂en María tịj mọꞌ, Cleofassiꞌ p̂en muꞌ, judyeyaꞌ chimeꞌ María Magdalena.

Uñedye' 1:14

Pucmun tsudyujñiti in cọdyete Jenꞌ in, Jesústyiꞌtum vojity in judyeyaꞌ tseꞌ muꞌ, judyeyaꞌ yocsiꞌ p̂en chimeꞌ in, meꞌ meꞌ tsudyujñiti in vajmuꞌyaꞌ in.