Lucas 8:1 - Tsimane

¹ Aty meꞌsiꞌ muꞌ Jesús paiꞌ qui sococorꞌjeyacsi bäꞌyedyeꞌ in, cạiꞌ Jämꞌsiꞌ P̂eyacdyeꞌ, p̂eyeꞌ ayoꞌbuꞌyedyeꞌ Jenꞌsiꞌ muꞌ, cäc̣häꞌchute in muꞌin jịꞌchiyactyiꞌ muꞌ yiriꞌtac päräꞌ jiyi muꞌin rụiꞌcuꞌ in.

Lucas 8:1 Iomraidhean Croise

Mateos 11:1

Aty meꞌsiꞌ yụꞌtyeyacsi p̂eyacdyeꞌ muꞌ muꞌin yiriꞌtac päräꞌ jiyity jịꞌchiyactyiꞌ muꞌ, chat qui muꞌ Jesús sacti, voroꞌtacsequi muꞌĉan bäꞌyedyeꞌĉantyiꞌ in.

Mateos 13:19

Muꞌin seꞌveꞌtyiꞌ in p̂eyacdyeꞌ yiꞌsiꞌ junꞌ chuc ayoꞌbuꞌyi Jenꞌ, jam qui namꞌ chicacsi in, muꞌin jeñej buꞌyi in majmiĉan tŝọiꞌsiꞌ vej, mọꞌyaꞌdye mọꞌ shupquiꞌ Sọyoꞌ jäctyetacsiꞌ p̂eyacdyeꞌ ĉojtyiꞌĉansiꞌ muꞌin.

Mateos 4:23

Jesús räj socorꞌjeꞌ mọꞌĉansiꞌ bäꞌyedyeꞌ in Galileaĉansiꞌ, muꞌ jịꞌchiyacsi vajmuꞌyadyeꞌĉan judío in, muꞌĉan voroꞌtacsi Jenꞌsiꞌ p̂eyacdyeꞌ muꞌ, p̂eyeꞌ aty c̣hẹiꞌyaꞌ ayoꞌbuꞌyi raꞌ Jenꞌ. Chimeꞌdye jiꞌchäcacseban japacjoijtyiꞌ in, räj muꞌin areꞌreijtyiꞌ in.

Mateos 9:35

Jesús räj socorꞌjeꞌ mọꞌĉansiꞌ bäꞌyedyeꞌ in. Muꞌĉan vajmuꞌyadyeꞌĉan judío in jịꞌchiyacsi muꞌ, judyeyaꞌ voroꞌtacsi Jenꞌsiꞌ p̂eyacdyeꞌ muꞌ, p̂eyeꞌ aty c̣hẹiꞌyaꞌ ayoꞌbuꞌyi raꞌ Jenꞌ. Chimeꞌdye muꞌ jiꞌchäcacseban muntyiꞌ, yịjyi areꞌredyeꞌ muntyis in judyeyaꞌ japacjodyeꞌtumtyiꞌ in, meꞌ meꞌ jiꞌchäcacseban.

Marcos 1:39

Anicdye meꞌ, yocve jịjcaij muꞌ Jesús, räj socorꞌjeꞌ Galileaĉansiꞌ bäꞌyedyeꞌ, voroꞌtacsequi vajmuꞌyadyeꞌĉan judíos muꞌin jéyacsi Jenꞌsiꞌ p̂eyacdyeꞌ muꞌ. Chimeꞌdye muꞌ meijjetyetacseban sọyoꞌ in muꞌin sọyoꞌtumtyiꞌ in.

Lucas 1:80

Muꞌ ạvaꞌ muꞌ p̂añi, anic ferdyeꞌ cạiꞌ ĉojtyiꞌĉan muꞌ. Muꞌ bäꞌyi cäjyasĉan jac junꞌ quiꞌ chuc chaꞌsheꞌ tupudyeꞌ muꞌ, chat qui jiꞌcaviti Israeltyidyes vóshiꞌ in tiyacchuiꞌ voroꞌtacsi.

Lucas 20:1

Yirisĉan mạyedyeꞌ muꞌ Jesús Jenꞌsiꞌĉan acaꞌ muꞌ jịꞌchiyacsevaꞌjoij muntyiꞌ in, voroꞌtacsevaꞌjoij jämꞌsiꞌ p̂eyacdyeꞌ muꞌ Jenꞌsiꞌ. Atsij in muꞌin tashchety cudyitity Jenꞌcheꞌ in, judyeyaꞌ muꞌin jịꞌchiyacsity yụꞌtacdyeꞌ in, judyeyaꞌ tashchety ĉọjcacsity in, ĉọshte Jesús in,

Lucas 4:18

"Tŝútyin yụ Ayoꞌsiꞌ Ạꞌedyeꞌ muꞌ, muꞌ tsimꞌtyin yụ paj qui jämꞌsiꞌ p̂eyacdyeꞌ voroꞌtacsi yụ muntyiꞌ in, jéyacsi yụ muꞌin ñịbety in. Chimeꞌdye jutin yụ paj qui yụ jéyacsi muꞌin ĉärꞌtactyiꞌ in, paj qui c̣hoñi in, judyeyaꞌ muꞌin tofety in, paj qui naijbunve in, judyeyaꞌ muꞌin ñịbeꞌtactyiꞌ in paj qui c̣hoñi chimeꞌ in.

Lucas 9:6

Chat qui muꞌin jịꞌchiyactyiꞌ muꞌ sacti in, räj socorꞌjeyacsi in bäꞌyedyeꞌ in, paiꞌ voroꞌtacsi in Jenꞌsiꞌ p̂eyacdyeꞌ muꞌ judyeyaꞌ jiꞌchäcacseban japacjoijtyiꞌ muntyiꞌ in.

Uñedye' 10:38

Chịj miꞌin junꞌ chuc muꞌ Jenꞌ jasoꞌmiti Jenꞌsiꞌ ĉụiꞌsiꞌ Ạꞌedyeꞌ muꞌ, jajiꞌtŝuti ferdyeꞌ muꞌ. Muꞌdye Jesús Nazaretĉantyiꞌ paiꞌ nati nọ́tacsi muntyiꞌ in judyeyaꞌ jiꞌchäcacseban muꞌin jameꞌtity sọyoꞌ in. Meꞌ tupuj muꞌ ĉaĉaij na Jenꞌdye japenꞌdyetuti.

Uñedye' 13:32

Mọꞌdyes atsij tsun úyaꞌ, jämꞌsiꞌ p̂eyacdyeꞌ tuiꞌ tsun miꞌindyes, ĉaĉaij na mọꞌ p̂eyacdyeꞌ Jenꞌ yụꞌtyeyacsis vóshiꞌvun tsun jiquej, p̂eijtes muꞌ Jiꞌc̣honacsity Muntyiꞌ.

Romaĉantyidyes 10:15

¿Junꞌ bu raꞌ tupuj voroꞌtacsi in, jam tyi jutacsi jụijyaꞌ muꞌin voroꞌtacsity in? Muꞌindye p̂eyacsiꞌ mọꞌ sánacdyeꞌ yiꞌ: "Där maꞌjodyeꞌtum tiĉunac in muꞌin tuiꞌtyiꞌ in jämꞌsiꞌ p̂eyacdyeꞌ Jenꞌsiꞌ muꞌ", yiꞌ.