Lucas 7:8 - Tsimane

⁸ Yụ chimeꞌ chịj yụꞌtyeꞌ mọꞌ p̂eyacdyeꞌ, ĉaĉaij na yụty chimeꞌ muꞌyaꞌ ayoꞌ, judyeyaꞌ chimeꞌ yụ ayoꞌbuꞌyi väc̣häꞌtyitydyes in. Jéte jụijyaꞌ yụ yirity: Muꞌve raꞌ mi, muꞌve jịjcaij, yoctyiꞌ qui na jéteyaꞌ yụ: Atsiva mi, atsij muꞌ, judyeyaꞌ úñity yụ chimeꞌdye jutaqui jụijyaij paj qui jämꞌtyeꞌ yiris jedyeꞌ, muꞌ jämꞌtyeꞌ, meꞌdye mi chimeꞌ tupuj raꞌ p̂eyacdyeꞌ juteꞌ mi paj qui chäĉän úñity yụ", yi ayoꞌ —jéte in Jesús.

Lucas 7:8 Iomraidhean Croise

Colosasĉantyidyes 3:22

Miꞌin úñity räjĉan chiquemac jacchety ayoꞌ miꞌin. Jam raꞌ doijrodyeꞌĉan mọmoꞌ carijtaqui miꞌin paj qui maꞌjotyinac, meꞌ tsanꞌ jam muꞌ doijroij, ĉojtyiꞌĉan qui na ramꞌ dyijtutinte miꞌin ĉaĉaij na Jenꞌcheꞌ irijyi miꞌin.

Uñedye' 23:17

Aty seꞌvepte p̂eyacdyeꞌ muꞌ, chat qui muꞌ Pablo fayete yirity ĉọjcacsity väc̣häꞌtyity, jéte: —Cạme uts nanaty ayoꞌyaꞌ paj qui muꞌ jéte yiris jedyeꞌ.

Uñedye' 25:26

Meꞌ tsanꞌ meꞌ itŝiꞌ qui namꞌ juchaj muꞌ dạcbite yụ, mijam chimeꞌ mọꞌyaꞌ p̂eyacdyeꞌ yụ paj qui yụ jịꞌchiqueyete muꞌ ayoꞌ sánacdyeꞌcheꞌ. Mọꞌdyes yụ yụꞌte miꞌinsiꞌyaꞌ vej, paj qui mi ayoꞌ Agripa, cọdyetyete p̂eyacdyeꞌ mi, vátyequej raꞌ mi dạcbite juchaj muꞌ, paj qui aty ujaijyaꞌ cọdyete p̂eyacdyeꞌ mi tupuj yụ mọꞌjetedye ayoꞌ sánacdyeꞌcheꞌ.

Uñedye' 24:23

Chat jéte muꞌ ĉọjcacsity väc̣häꞌtyity in paj qui yejĉoij ĉärꞌ buꞌyi muꞌ Pablo. Meꞌ tsanꞌ meꞌ yi muꞌ paj jịꞌjutyejcate in judyeyaꞌ muꞌindye mọmoꞌ jiꞌsisbite in penꞌdyeꞌ muꞌ Pabloty paj qui muꞌin nọ́tyete in jedyeꞌ jedyeꞌ chuc jemoñeꞌ muꞌ, meꞌ meꞌ soꞌmete in.

Uñedye' 23:26

"Yụ nash Claudio Lisias, yụ sáñeꞌ ọij mídyes, mi nash mujuꞌchaty ayoꞌ tsun, yụ vorjeye.

Uñedye' 23:23

Väc̣häꞌtyitytyiꞌ ayoꞌ muꞌin fayacsi päräꞌ ĉọjcacsity väc̣häꞌtyity in, jéyacsi: —Jämꞌ yụꞌtacsejamꞌ väc̣häꞌtyity in paj qui miꞌi in, arajtacyaꞌ raꞌ tsedyedyeꞌ sacjetiñeꞌ miꞌin, Cesareaĉan raꞌ jịjcaij miꞌin. Päräꞌ quiꞌ cien raꞌ yujyaty väc̣häꞌtyity cạcsi miꞌin, judyeyaꞌ raꞌ yävätidyeꞌ quiꞌtac cavayochety väc̣häꞌtyity in, muꞌin na raꞌ coc̣hinotumtyiꞌ in, päräꞌ quiꞌ cien raꞌ muꞌin rụiꞌcuꞌ in.

Lucas 7:7

mijam chimeꞌ tupuj cạveye vejyaꞌ mi. Paj tsanꞌ p̂eyacdyeꞌ mọmoꞌ juteꞌ mi, tupuj raꞌ joꞌmesyaꞌ chäĉän úñity yụ.

Lucas 7:9

Jesús äjjepte p̂eyacdyeꞌ muꞌ, chat camanꞌyi cạvacsi jéyacsi muꞌin cäc̣häꞌchutety in: —Yụ raꞌ rụij jéyac, itŝij yirity Israelĉantyiꞌ vóshiꞌ muꞌin meꞌ dạcbite yụ anicyedyeꞌ muꞌ, yojdyemꞌ uts u Romaĉantyiꞌ muntyiꞌ.

Uñedye' 23:31

Sacti qui muꞌin väc̣häꞌtyity in, yoj jeyacsidyemꞌ ayoꞌ u, cạte in muꞌ Pablo tsedyedyeꞌ Antípatrisĉan.