Lucas 7:3 - Tsimane

³ Muꞌ ayoꞌ seꞌvaqui mọꞌ p̂eyacdyeꞌ junꞌ chuc muꞌ Jesús, chat qui muꞌ jutacsi tashcheꞌ buꞌyity judío in paj qui jäcte in, paj qui muꞌ jiꞌchäqueshbibajte úñity muꞌ.

Lucas 7:3 Iomraidhean Croise

Mateos 8:5

Jesús aty venjoijyaꞌ Capernaumĉan chat qui ĉọcte yirity ayoꞌ väc̣häꞌtyitytyiꞌ. Muꞌ cọdyete Jesús,

Lucas 7:2

Muꞌĉan yirity bäꞌyity Romaĉantyiꞌ väc̣häꞌtyity ayoꞌ muꞌ. Chimeꞌdye muꞌĉan úñity muꞌ, mạꞌjeyacdyety muꞌ. Anic fer japacjoij, aty mạꞌjeꞌ säñi.

Lucas 7:4

Meꞌdye ventyecte in judyeyaꞌ fer cudyiti muꞌcheꞌ in jéte in: —Anic nash jämꞌtyiꞌ muꞌ ayoꞌ nọ́tyecme,

Lucas 8:41

Atsij yirity muntyiꞌ, Jairo tịj muꞌ, muꞌ tashcheꞌ buꞌyity vajmuꞌyadyeꞌĉan judíos muꞌin. Muꞌ Jairo dyụtsyi Jesúsyaꞌ, fer cudyiti muꞌcheꞌ paj qui ĉụiꞌsiꞌyaꞌ acaꞌ jịjcaban muꞌtum,

Lucas 9:38

Yirity muntyiꞌ muꞌĉantyiꞌ fer jéte muꞌ Jesús: —Jịꞌchiyacsity, yụ cudyiti mícheꞌ, cavibutiꞌ ramꞌ ạvaꞌ yụ, muꞌ nash yiritytyity ạvaꞌ yụ.

Juan 4:47

Seꞌvaqui muꞌ ayoꞌ aty muꞌ atsijbadaque Jesús Judeaĉantyiꞌ, Galileaĉan jijtuban. Chat qui muꞌ ĉọcte Jesús, fercheꞌ cạte paj qui ĉọcbite ạvaꞌ muꞌ jiꞌchäquebibajte, ĉaĉaij na aty cändyety ạvaꞌ muꞌ.

Filemóndyes 1:10

mọꞌdyes yụ cọdyeye utsdyes Onésimodyes, muꞌ aty jeñej buꞌyi ạvaꞌ yụ, yụ jụj jaꞌyete Jenꞌdyes úĉan ĉärꞌtaquisĉan.