Lucas 7:2 - Tsimane

² Muꞌĉan yirity bäꞌyity Romaĉantyiꞌ väc̣häꞌtyity ayoꞌ muꞌ. Chimeꞌdye muꞌĉan úñity muꞌ, mạꞌjeyacdyety muꞌ. Anic fer japacjoij, aty mạꞌjeꞌ säñi.

Lucas 7:2 Iomraidhean Croise

Génesis 24:27

yi: "Yụ timaꞌquete Ayoꞌ, Abrahamtyiꞌ Jenꞌ muꞌ ayoty yụ. Muꞌ jịꞌcätseꞌ p̂eyacdyeꞌ jasoꞌmitis Abraham jiquej ayoꞌ yụ. Muꞌ nash rụij tun yụ paj qui rụij tyeij venchuij yụ úyaꞌ Abrahamtyiꞌyaꞌ chätidyeꞌ muꞌ", yi muꞌ muntyiꞌ.

Génesis 35:8

Mọꞌĉan mọꞌ säñiꞌ Débora, mọꞌ jaĉujcataques jiquej mọꞌ Rebeca. Mọꞌyaꞌdye nạiꞌ in sonyaꞌ c̣hẹiꞌyaꞌ mọꞌ bäꞌyedyeꞌ Betel. Jacob yụꞌtyeyeꞌ tịj mọꞌ dyäquedyes, "Son táredyes", jeꞌ.

Mateos 27:54

Muꞌin väc̣häꞌtyity in ayoꞌtumdye in, muꞌin ĉọjcatety jiquej in muꞌ Jesús, aty cạveꞌ in bubaquiꞌ jac judyeyaꞌ yocsiꞌ jedyeꞌ jiꞌcavitiꞌ in, chat qui tyumꞌ tyeij ĉojtyiꞌĉan muꞌin, yi in: —¡Rụijdye jiquej meꞌ anictyity Jenꞌtyiꞌ Ạvaꞌ muꞌ uts muntyiꞌ!

Lucas 23:47

Muꞌ väc̣häꞌtyitytyiꞌ ayoꞌ muꞌin Romaĉantyiꞌ in aty cạvepte sänꞌdyeꞌ muꞌ, chat muꞌ q̂uinꞌdyemꞌ timaꞌquete Jenꞌ, yi: —Anic rụijtyity uts muntyiꞌ jiquej.

Lucas 7:1

Aty meꞌsiꞌ ijaij jịꞌchiyacsi muntyiꞌ in, chat qui roiꞌjeꞌ Capernaumĉan jịjcaij.

Lucas 7:3

Muꞌ ayoꞌ seꞌvaqui mọꞌ p̂eyacdyeꞌ junꞌ chuc muꞌ Jesús, chat qui muꞌ jutacsi tashcheꞌ buꞌyity judío in paj qui jäcte in, paj qui muꞌ jiꞌchäqueshbibajte úñity muꞌ.

Lucas 8:42

ĉaĉaij na mọꞌĉan yirissis ạvaꞌ muꞌ Jairos, fer japacjoiꞌ mọꞌ, cändyety mọꞌ mạꞌjeꞌ säñiꞌ. Mọꞌ ạvaꞌ muꞌ yiriꞌtac päräꞌ jiyis yómodyeꞌ. Chat qui muꞌ Jesús sacjeꞌ jịjcate muꞌ. Anic shach muntyiꞌ in penꞌdyetute in, anic quec̣heꞌ tyeij Jesúsyaꞌ in.

Uñedye' 10:1

Muꞌyaꞌ jiquej yirity muntyiꞌ Romaĉantyiꞌ, Cesareaĉan bäꞌyity, Cornelio tịj muꞌ, ayoꞌ yiritytyity ñuruꞌ väc̣häꞌtyity Romaĉantyiꞌ in. Italiaĉantyiꞌ in, jéyacsi in.

Uñedye' 10:7

Jọban qui muꞌ anjer jap̂iyitity. Cornelio fayaqui päräꞌ úñity muꞌ judyeyaꞌ yirity väc̣häꞌtyity muꞌ, muꞌ chị́yetety judyeyaꞌ chiqueptety p̂eyacdyeꞌ, judyeyaꞌ dyijyity tsanꞌ Jenꞌcheꞌ chimeꞌ.

Uñedye' 22:26

Muꞌ ĉọjcacsity aty seꞌvaqui Romaĉantyiꞌ muꞌ Pablo, cavin ĉọcte muꞌ väc̣häꞌtyitytyiꞌ ayoꞌ in jéte: —¿Chịj mi u jedyeꞌ chuc junꞌtaqui mi? Muꞌ muntyiꞌ anictyity Romaĉantyiꞌ —jéte.

Uñedye' 23:17

Aty seꞌvepte p̂eyacdyeꞌ muꞌ, chat qui muꞌ Pablo fayete yirity ĉọjcacsity väc̣häꞌtyity, jéte: —Cạme uts nanaty ayoꞌyaꞌ paj qui muꞌ jéte yiris jedyeꞌ.

Uñedye' 27:1

Aty yíyaꞌ in paj qui Italiave jịjcaij tsun. Pablo judyeyaꞌ yoctyiꞌ ĉärꞌtactyiꞌ in soꞌmac väc̣häꞌtyitytyiꞌyaꞌ ayoꞌ in, Julio tịj muꞌ, paj qui muꞌ ĉọjcacsi. Väc̣häꞌtyitysiꞌ ñurumꞌ muꞌsimꞌ Julio tịj mọꞌ: ayoꞌsiꞌ mujuꞌchatysimꞌ, meꞌ jịꞌtiꞌeꞌ mọꞌ.

Uñedye' 27:3

Nojno mạyedyeꞌ Sidónyaꞌ venjoij tsun, muꞌyaꞌ sojquiti tsun. Muꞌ väc̣häꞌtyitytyiꞌ ayoꞌ Julio anic jämꞌjajiti muꞌ Pablotum, yi muꞌ paj qui sóbaqui penꞌdyeꞌyaꞌ muꞌ. Muꞌin nọ́tyete in jedyeꞌ jedyeꞌ chuc jemoñeꞌ muꞌ.

Uñedye' 27:43

Muꞌ na väc̣häꞌtyitytyiꞌ ayoꞌ muꞌin mijam muꞌ meꞌ mạꞌjeꞌ, dyijtute muꞌ Pablo paj qui jam muꞌmun ijac. Muꞌ na ayoꞌ jéyacsi: "Tyi chuc chịj naiꞌquity in, paj muꞌin chum tashi p̂aiꞌjoij ojñiꞌĉan in, nopej jịjcaij in.

Colosasĉantyidyes 3:22

Miꞌin úñity räjĉan chiquemac jacchety ayoꞌ miꞌin. Jam raꞌ doijrodyeꞌĉan mọmoꞌ carijtaqui miꞌin paj qui maꞌjotyinac, meꞌ tsanꞌ jam muꞌ doijroij, ĉojtyiꞌĉan qui na ramꞌ dyijtutinte miꞌin ĉaĉaij na Jenꞌcheꞌ irijyi miꞌin.