Lucas 4:8 - Tsimane

⁸ Vorjeꞌ Jesús: —Yiꞌ sánacdyeꞌ: "Jenꞌ Ayoꞌ mi muꞌ mọmoꞌ timaꞌqueme, mumꞌ yirity cọdyeme" —yi jeꞌ muꞌ Jesús Sọyoꞌ.

Lucas 4:8 Iomraidhean Croise

Mateos 16:23

Jesús camanꞌyi jajiti Pedro: —Meijyeva mi Pedro, atyuꞌ u mi jeñej buꞌyi Satanás, ĉaĉaij na mi mạꞌjeꞌ ñucjitim, mijam aty Jenꞌsiꞌ dyijyedyeꞌ cäc̣häꞌchupte mi, muntyis qui mọmoꞌ dyijyedyeꞌ cäc̣häꞌchucsebi mi.

Mateos 4:10

Jesús vorjeꞌ: —Tạij jọbada Satanás, yiꞌ nash sánacdyeꞌ: "Jenꞌ Ayoꞌ mi muꞌ timaꞌqueme, mumꞌ yirity cọdyeme."

Lucas 4:4

Vorjeꞌ Jesús: —Jam, ĉaĉaij nash yiꞌ sánacdyeꞌ: "Jam nash raꞌ säcsedyemꞌ jạtsaꞌchuti muntyiꞌ in."

Lucas 4:7

Yụ raꞌ räj soꞌmeye ọij cạves q̂uinꞌ mi, meꞌ dyụtsyi jụijyaꞌ yụ́yam judyeyaꞌ timaꞌquitim —yiꞌ mọꞌ Sọyoꞌ jéte Jesús.

Santiagos 4:7

Mọꞌdyes chiquemac Jenꞌ, fer buꞌjamꞌ dyich buꞌjaꞌ Sọyoꞌyaꞌ, mijam raꞌ damꞌ jụjbitiñeꞌ dyijyedyeꞌ mọꞌ, meꞌ jụijyaꞌ bäꞌyi miꞌin, yacchunac raꞌ mọꞌ.

Tashches Pedros 5:9

Fer buꞌjamꞌ anicyejamꞌ Jenꞌcheꞌ, jam ĉa yäcänyi Sọyoꞌtum miꞌin. Chịj tyuꞌ u miꞌin, muꞌin vojity miꞌin anicjetety Jenꞌ in, paiꞌ bäꞌyity úcheꞌ jaccheꞌ in, meꞌdye muꞌin chimeꞌ jịꞌĉojtyeꞌ in, yojdyemꞌ miꞌin u.

Jị'cavacdye' 19:10

Dyụtsyi tsanꞌ yụ anjersiꞌyaꞌ vej muꞌ, timaꞌquete tsanꞌ raꞌ ĉúti yụ. Muꞌ qui yi jin yụ: —Jam raꞌ dyụtsyim ĉaĉaij nash yụ chimeꞌ Jenꞌtyiꞌ úñity muꞌ, yojdyemꞌ mi u judyeyaꞌ vojity mi, muꞌin rụij cäc̣häꞌchuptety p̂eyacdyeꞌ in, mọꞌ p̂eyes muꞌ Jesús. Jenꞌ ram timaꞌquetem. Anicdye meꞌ, muꞌin jasoꞌmitity p̂eyacdyeꞌ Jenꞌ in mọꞌdyemꞌ muꞌin voroꞌtacsi in mọꞌ rụijsis p̂eyacdyeꞌ p̂eyes Jesús.

Jị'cavacdye' 22:9

Muꞌ na yi jin yụ: —Jam raꞌ meꞌ mi ĉaĉaij nash yụ úñity Jenꞌtyiꞌ muꞌ chimeꞌ, yojdyemꞌ mi u judyeyaꞌ vojity mi, muꞌin jasoꞌmitity p̂eyacdyeꞌ Jenꞌ in judyeyaꞌ muꞌin chiqueꞌtyiꞌ ọij sánacdyeꞌ in, meꞌdye yụ chimeꞌ. Jenꞌ mọmoꞌ timaꞌqueme —yi jin yụ.