Lucas 4:2 - Tsimane

² Vạjpedyeꞌ quiꞌtac mạyedyeꞌ meꞌquiꞌ jameꞌti Sọyoꞌ, mạꞌjeꞌ tsanꞌ jiꞌpente aꞌc̣hisyaꞌ dyijyedyeꞌ, jam méquiꞌ damꞌjeꞌ säcsedyeꞌ meꞌsiꞌ mạyedyeꞌ, mọꞌdyes qui aty meꞌsiꞌ chiqueꞌ dáquis muꞌ.

Lucas 4:2 Iomraidhean Croise

Génesis 3:15

Yụ raꞌ soꞌmacsi quijnacdyeꞌ p̂entum judyeyaꞌ vóshiꞌtum mọꞌ, mítyiꞌ raꞌ vóshiꞌ in quijñiti raꞌ in mọꞌtyiꞌtum vóshiꞌ mọꞌ. P̂entyiꞌ raꞌ vóshiꞌ mọꞌ yútyibun raꞌ joꞌnoꞌ mi, mi qui raꞌ caravꞌjete tribityve —yi Jenꞌ jéte muꞌ nas.

Exodo 24:18

Muꞌ qui muꞌcheꞌ jịjcaij, úĉan jịjcaij dyicbaꞌbadyeꞌĉan, muꞌĉan jịjcaij siti. Vạjpedyeꞌ quiꞌtac mạyedyeꞌ meꞌ buꞌyequi mụcuꞌcheꞌ muꞌ Moisés.

Exodo 34:28

Taccheꞌ mụcuꞌcheꞌ muꞌ Moisés Ayoꞌtum, vạjpedyeꞌ quiꞌtac mạyedyeꞌ, mijam jedyeꞌ damꞌjeꞌ muꞌcheꞌ. Muꞌ sáñeꞌ mijcheꞌ mọꞌ yụꞌtacdyes p̂eyacdyeꞌ Jenꞌsiꞌ muꞌ, mọꞌ yiriꞌtac yụꞌtacdyeꞌ Jenꞌsiꞌ muꞌ.

Mateos 21:18

Nojno mạyedyeꞌ pamꞌ muꞌ Jesús Jerusalénve jijtuban, dáquistum miꞌeban.

Mateos 4:2

Vạjpedyeꞌ quiꞌtac mạyedyeꞌ meꞌquiꞌ muꞌĉan jam damꞌ säcsi, mọꞌdyes qui aty meꞌsiꞌ chiqueꞌ dáquis muꞌ.

Lucas 4:3

Mọꞌ Sọyoꞌ yiꞌ jajiti tsanꞌ muꞌ Jesús: —Mi Jenꞌtyiꞌ Ạvaꞌ jụijyam, jeshaꞌ uts mij jiꞌmunme pan.

Juan 4:6

Chimeꞌdye noria mọꞌyaꞌ Jacobvunsiꞌ jiquej muꞌ. Quichĉan tsun venjoij muꞌyaꞌ in. Muꞌyaꞌ noriayaꞌ p̂utsquenꞌyi muꞌ Jesús jịꞌjutyiti ĉaĉaij na fer noꞌbi miꞌi.

Hebreodyes 2:18

Q̂uinꞌ aty tupuj ñútyisinꞌ tsun, jedyeꞌ chuc jịꞌĉojtacdyeꞌ jụijyaꞌ tsun, ĉaĉaij na meꞌdye muꞌ chimeꞌ jiquej jịꞌĉojtyeꞌ tsanꞌ mọꞌ jiꞌpenacdyeꞌ jiquej, anic ñịbeꞌ cạveꞌ muꞌ chimeꞌ.

Hebreodyes 4:15

Muꞌ chäyibusinꞌ dyijyedyeꞌ tsun, itŝiꞌ ferdyeꞌ tsun. Muꞌ chimeꞌ jịꞌĉojtac jiquej, junꞌ junꞌ chuc jịꞌĉojtac q̂uinꞌ tsun, meꞌ meꞌdye muꞌ jịꞌĉojtac chimeꞌ jiquej, muꞌsiꞌ qui namꞌ itŝiꞌ méquis juchaj muꞌ, mijam méquiꞌ peñi muꞌ.