Lucas 4:1 - Tsimane

¹ Jesús yạjquibajte muꞌ cojiro Jordán, Jenꞌsiꞌ qui Ạꞌedyeꞌ meꞌchupte muꞌ, mọꞌ jácati cäjyasĉan jac jịjcaij muꞌ.

Lucas 4:1 Iomraidhean Croise

Mateos 3:16

Aty jiꞌchojtiyaꞌ muꞌ Jesús aty chanamꞌcheꞌ jịjcabanyaꞌ, vanacyiꞌ vatyquej mạyedyeꞌcheꞌ. Cạvepte Jenꞌsiꞌ Ạꞌedyeꞌ muꞌ jeꞌñes ọꞌtoꞌ, joꞌmes chạiꞌ játŝuti muꞌ Jesús.

Lucas 2:27

Mọꞌ Jenꞌsiꞌ Ạꞌedyeꞌ muꞌ jajutiti muꞌ Simeón paj qui Jenꞌsiꞌĉan acaꞌ jịjcaij. Vátyequej atsij muꞌ José judyeyaꞌ María c̣hoboꞌ mọty joijnoꞌ Jesús, siti in Jenꞌsiꞌĉan acaꞌ muꞌ, paj qui jịꞌcätsepte in junꞌ chuc yiꞌ Jenꞌsiꞌ yụꞌtacdyeꞌ muꞌ.

Lucas 3:3

Muꞌve socorꞌjeꞌ mọꞌ jac c̣hẹiꞌyaꞌ muꞌ cojiro Jordán, paiꞌ voroꞌtacsi Jenꞌsiꞌ p̂eyacdyeꞌ muꞌ. Jéyacsi muntyiꞌ in: "Dyijyevac juchajcheꞌ miꞌin, jiꞌchojtiĉamꞌ, chat qui raꞌ muꞌ Jenꞌ vayacjibunac juchaj miꞌin."

Lucas 3:38

Muꞌ Cainán ạvaꞌ muꞌ Enóstyiꞌ, muꞌ Enós ạvaꞌ muꞌ Settyiꞌ, muꞌ Set ạvaꞌ muꞌ Adántyiꞌ, muꞌ Adán ạvaꞌ muꞌ Jenꞌtyiꞌ jiquej.

Lucas 4:14

Jesús Galileaĉan jijtuban muꞌ, anic ferdyeꞌtum muꞌ jasoꞌmiti Jenꞌsiꞌ Ạꞌedyeꞌ muꞌ. Muꞌĉantyiꞌdye paiꞌ bäꞌyity in seꞌvaqui in junꞌ chuc muꞌ Jesús.

Lucas 4:18

"Tŝútyin yụ Ayoꞌsiꞌ Ạꞌedyeꞌ muꞌ, muꞌ tsimꞌtyin yụ paj qui jämꞌsiꞌ p̂eyacdyeꞌ voroꞌtacsi yụ muntyiꞌ in, jéyacsi yụ muꞌin ñịbety in. Chimeꞌdye jutin yụ paj qui yụ jéyacsi muꞌin ĉärꞌtactyiꞌ in, paj qui c̣hoñi in, judyeyaꞌ muꞌin tofety in, paj qui naijbunve in, judyeyaꞌ muꞌin ñịbeꞌtactyiꞌ in paj qui c̣hoñi chimeꞌ in.

Juan 1:32

Chimeꞌdye yi jéyacsi: —Yụ jiquej cạvepte Jenꞌsiꞌ Ạꞌedyeꞌ muꞌ mạyedyeꞌcheꞌ jijtuiꞌ muꞌcheꞌ tŝọiꞌ taccheꞌ, jeꞌñes ọꞌtoꞌ, joꞌmes jiꞌcavitiꞌ.

Juan 3:34

Muꞌ anictyity Jutactyiꞌ Jenꞌtyiꞌ muꞌ, mọmꞌ p̂eyepte Jenꞌsiꞌ p̂eyacdyeꞌ muꞌ, ĉaĉaij na Jenꞌ jasoꞌmiti ĉụiꞌsiꞌ Ạꞌedyeꞌ muꞌ, anic mọjoꞌchaꞌ mọꞌcheꞌ soꞌmete.

Uñedye' 1:2

chat q̂uinꞌdyemꞌ mạyedyeꞌcheꞌ jácabun muꞌ Jenꞌ. Jambiꞌdyemꞌ muꞌcheꞌ jịjcaban muꞌ, tashcheꞌ jäꞌmij jịꞌchiqueyacsi tsimꞌtactyiꞌ muꞌ jutacdyety raꞌ muꞌ, Jenꞌsiꞌ Ạꞌedyeꞌ muꞌ meꞌ jañutyiti.

Uñedye' 10:38

Chịj miꞌin junꞌ chuc muꞌ Jenꞌ jasoꞌmiti Jenꞌsiꞌ ĉụiꞌsiꞌ Ạꞌedyeꞌ muꞌ, jajiꞌtŝuti ferdyeꞌ muꞌ. Muꞌdye Jesús Nazaretĉantyiꞌ paiꞌ nati nọ́tacsi muntyiꞌ in judyeyaꞌ jiꞌchäcacseban muꞌin jameꞌtity sọyoꞌ in. Meꞌ tupuj muꞌ ĉaĉaij na Jenꞌdye japenꞌdyetuti.

Uñedye' 8:39

Aty bojban chanamꞌcheꞌ in, Jenꞌsiꞌ qui Ạꞌedyeꞌ jácati muꞌ Felipe, meꞌquiꞌdye cạvete. Quivijyimꞌ miꞌi muntyiꞌ, maꞌjodyeꞌtum miꞌeban.