Lucas 3:9 - Tsimane

⁹ Atyuꞌ raꞌ tuiꞌ vaꞌtacdyeꞌ Jenꞌ, mọꞌ p̂aquidyeꞌ aty jäꞌmiiꞌtyiꞌ, jeñej yirity muntyiꞌ p̂ạiꞌ jam väshis cätidyeꞌ judyeyaꞌ jiꞌcoꞌshayeꞌ, meꞌdye raꞌ chimeꞌ Jenꞌ jịvaꞌchacsi muꞌin jam rụij bäꞌyity in, tsäquiꞌsis raꞌ vaꞌtacdyeꞌ cạiꞌ in —jéyacsi muꞌ Juan.

Lucas 3:9 Iomraidhean Croise

Mateos 3:10

Jenꞌ aty raꞌ tuiꞌ vaꞌtacdyeꞌ, jeñej yirity muntyiꞌ jịvaꞌchaiꞌ jam väshis cätidyeꞌ, meꞌdye raꞌ chimeꞌ Jenꞌ jịvaꞌchacsi muꞌin jam rụij bäꞌyity in, tsäquiꞌsis raꞌ vaꞌtacdyeꞌ vaꞌtyeyac in.

Mateos 7:19

Jụꞌñis chuc jam jämꞌsiꞌ cätidyeꞌ mọꞌ jam jämꞌsiꞌ jiꞌshupques väsh mọꞌ, mọꞌ tupuj p̂ạc judyeyaꞌ jiꞌcoꞌshayac tŝijĉan.

Lucas 13:6

Jesús yụꞌtyeyacsi jịꞌĉocdyes p̂eyacdyeꞌ, jéyacsi: —Muꞌyaꞌ jiquej yirity meꞌchuiꞌtyiꞌ ova. Mọꞌyaꞌ chimeꞌ cätidyeꞌĉan ovaĉan yocsiꞌ sacacdyeꞌ tịj mọꞌ higuera. Muꞌ aꞌtumtyiꞌ ĉọ́queꞌ mọꞌ higuera, mạꞌjeꞌ tsanꞌ jäcbiꞌ väsh mọꞌ, mijam qui namꞌ mọꞌyaꞌ yiris tibuꞌ dạcbiꞌ.

Lucas 13:7

Mọꞌdyes qui muꞌ aꞌ muꞌ ĉọcte muꞌ ĉọjcaiꞌtyiꞌ cätidyeꞌ, jéte: "Aty chibin yómodyeꞌ atsij tsanꞌ yụ ĉọ́quishan tsanꞌ ọij sacacdyeꞌ yụ, mijam yiris tibuꞌ väsh nạijbiꞌ yụ. Jemoñeꞌ yiristum p̂ạc, fibimꞌ meꞌ buꞌvaꞌjoiꞌ ọ́ĉan quịjodyeꞌĉan", yi jajiti.

Lucas 13:9

Väshiꞌ jụijyaꞌ paj mọꞌyaꞌ, jam raꞌ väshiꞌ jụijyaꞌ, chat qui raꞌ q̂uinꞌdyemꞌ tyejoiꞌ p̂ạc," yi muꞌ ĉọjcaiꞌtyiꞌ cätidyeꞌ.

Juan 15:6

Tyi chuc jam yejĉoij yụ́tum jụijyaꞌ in, muꞌin raꞌ vaꞌcac in, yojdyemꞌ tochtacsiꞌ dacaꞌ o meꞌjeyac raꞌ in. Aty chañej jụijyaꞌ chat qui dụriꞌjeyac judyeyaꞌ jiꞌcoꞌshayac.

Hebreodyes 10:28

Tyi chuc jam chiquepte Jenꞌsiꞌ yụꞌtacdyeꞌ jụijyaꞌ muꞌ, mọꞌ jasoꞌmitis Moisés jiquej, muꞌyaꞌ jụijyaꞌ päräꞌ judyeyaꞌ chibin cạveptety juchaj in yirity muntyis, muꞌ raꞌ jam junꞌ c̣honchuc, ijac raꞌ muꞌ.

Hebreodyes 12:29

ĉaĉaij na tsuntyiꞌ Jenꞌ anic där tsäquiꞌ buꞌyi, jeñej yiris tŝij furquevaꞌjoiꞌsiꞌ, meꞌ buꞌyi muꞌ.