Lucas 3:8 - Tsimane

⁸ Jemoñeꞌ tashcheꞌ jäꞌmij rụij bäꞌyi miꞌin, mọꞌ raꞌ jịꞌĉoiꞌ aty dyijyi juchajcheꞌ miꞌin. Jam raꞌ ĉụiꞌ dyijtuti miꞌin mijam raꞌ yi miꞌin: "Tsun nash vóshiꞌ Abrahamvuntyiꞌ, mọꞌtum tupuj c̣hoñi tsun", jam raꞌ yi miꞌin. Yụ jéyac Jenꞌ tupuj mij jiꞌmunacsi uts in Abrahamtyiꞌ vóshiꞌ muꞌ.

Lucas 3:8 Iomraidhean Croise

Mateos 21:43

Mọꞌdyes yụ jéyac miꞌin, meꞌ tsanꞌ muꞌ Jenꞌ dyijtunac jiquej miꞌin paj qui Jenꞌsiꞌĉan ayoꞌbuꞌyedyeꞌ muꞌ siti miꞌin, muꞌ qui na ramꞌ vaꞌquicnac miꞌin, yoctyiꞌ qui raꞌ yụꞌtacsi, muꞌin qui raꞌ siti in ayoꞌbuꞌyedyeꞌĉan muꞌ, tyi chuc chiquetety in junꞌ chuc mạꞌjeꞌ muꞌ.

Mateos 3:8

Damꞌdye jämꞌ tashcheꞌ jäꞌmij rụij bäꞌyi miꞌin, mọꞌ raꞌ jịꞌĉoiꞌ anic dyijyi juchajcheꞌ miꞌin.

Mateos 3:9

Jam raꞌ ĉụiꞌ dyijtuti miꞌin mijam raꞌ yi miꞌin: "Tsun nash vóshiꞌ Abrahamvuntyiꞌ muꞌ." Yụ jéyac Jenꞌ tupuj mij jiꞌmunacsi uts in Abrahamtyiꞌ vóshiꞌ muꞌ.

Lucas 13:25

Jeñej yirity muntyiꞌ acaꞌtumtyiꞌ meꞌdye raꞌ yụ, ĉärꞌjeꞌ raij chụiꞌdyeꞌ pạrej raꞌ jorojyaꞌ miꞌin muꞌyaꞌ raꞌ tacyaty miꞌin. Meꞌ raꞌ tsanꞌ fayi miꞌin faijtiĉaꞌ yụ miꞌin: "Ayoꞌ tsun, vanacjiyitiĉamꞌ chụiꞌdyeꞌ mi." Yụ qui na ramꞌ vorjeyac miꞌin: "Yụ jam chị́yeyac miꞌin junaty raꞌ atsij miꞌin."

Lucas 13:26

Meꞌ raꞌ tsanꞌ daiꞌ quiꞌ jiꞌvaꞌtiĉaꞌ yụ miꞌin: "Tsun nash säcsi jiquej mítum, judyeyaꞌ chimeꞌ jiꞌchäyitiĉaꞌ tsun jiquej ĉụiꞌsiꞌĉan bäꞌyedyeꞌ tsun", yi raꞌ miꞌin.

Lucas 14:9

vatyquej raꞌ muꞌ jiꞌvorvinactyiꞌ jin: "Meijyeva úcheꞌ mi, paj muꞌcheꞌ uts bäꞌyi yoctyiꞌ." Meꞌ yi jin jụijyaꞌ, jiꞌtsicayin raꞌ muꞌ, chat jäquiꞌvescheꞌ qui raꞌ jịjcaij bäꞌyaquis mi.

Lucas 19:40

Jesús vorjeyacsi: —Yụ jéyac, tyäpi jụijyaꞌ uts in, mij qui raꞌ äjyi in timaꞌquin yụ in —jéyacsi muꞌ Jesús.

Lucas 19:9

Jesús jaseꞌvibuti p̂eyacdyeꞌ muꞌ chat qui yi muꞌ jéte: —Ọij q̂uinꞌ mạyedyeꞌ uts acaꞌtumtyiꞌ in aty c̣hoñi in, aty c̣hoñi mi, mi nash Abrahamvuntyiꞌ vóshiꞌ muꞌ.

Lucas 5:21

Muꞌyaty na fariseo in judyeyaꞌ muꞌin jịꞌchiyacsity yụꞌtacdyeꞌ Jenꞌsiꞌ in, meꞌ dyijyi muꞌin in, yi ĉojtyiꞌĉan in: "¿Junꞌ buty meꞌ yi uts muntyiꞌ? Anic ñinacdyeꞌ Jenꞌdyes shupquiꞌ mọꞌ p̂eyacdyeꞌ muꞌ, jeñej Jenꞌ yuꞌti muꞌ, ĉaĉaij na yirity mọmoꞌ muꞌyaꞌ Jenꞌ muꞌ tupuj vayacjibusinꞌtyiꞌ juchaj muntyis tsun."

Juan 8:33

Vorjete in: —Tsun vóshiꞌ muꞌ Abrahamvuntyiꞌ, jam tsun junꞌdyeyaꞌ úñity buꞌyi. ¿Junꞌ dash mi yi "c̣hoñi raꞌ miꞌin" jítiĉaꞌ tsun miꞌin? —jéte in.

Juan 8:39

Vorjete in: —Tsun nash vóshiꞌ muꞌ Abrahamvuntyiꞌ, muꞌ nash jenꞌ buꞌyi tsun —jéte in. Vorjeyacsi Jesús: —Jam nash meꞌ miꞌin, Abrahamtyiꞌ ạvaꞌ jụijyaꞌ miꞌin, a vuty cäc̣häꞌchubibajtinte u dyijyedyeꞌvun muꞌ jiquej.

Uñedye' 26:20

Tashcheꞌ yụ voroꞌtacsi Damascoĉantyiꞌ in, jäquiꞌve qui Jerusalénĉantyiꞌ jéyacsi yụ, judyeyaꞌ räj mọꞌ jac Judea voroꞌtacsi yụ, jéyacsi yụ chimeꞌ muꞌin jam judío in. Meꞌ jéyacsi yụ: "Dyijyejamꞌ juchajcheꞌ, camanꞌ anicjebajmac Jenꞌ. Rụijyebajshamꞌ, mọꞌ raꞌ jịꞌĉoiꞌ aty dyijyi juchajcheꞌ miꞌin", jéyacsi yụ.

Romaĉantyidyes 4:16

Mọꞌdyes muꞌ Jenꞌ dyijyi paj qui anicyedyeꞌyaꞌ muꞌ raꞌ ñịbeꞌjeyacsi Abrahamtyiꞌ vóshiꞌ muꞌ, anicyedyeꞌyaꞌ raꞌ muꞌ jịꞌcätseꞌ p̂eyacdyeꞌ muꞌ räjdyes muꞌin in. Jam raꞌ muꞌindyes mọmoꞌ in chiqueꞌtyiꞌ yụꞌtacdyeꞌ ñịbeꞌjeyac in, Jenꞌ raꞌ fibiꞌyaꞌ ñịbeꞌjeyacsi räj muꞌin anicjetety in, yódyemꞌ muꞌ tashcheꞌ Abraham anicjete jiquej u. Meꞌdyes qui muꞌ Abraham jenꞌ buꞌyi shupqui tsun.

Romaĉantyidyes 9:7

Meꞌ tsanꞌ Abrahamtyiꞌ vóshiꞌ in, jam qui namꞌ räj anictyity vóshiꞌ muꞌ, mọꞌdye muꞌ p̂eyeꞌ Jenꞌ, jajiti jiquej muꞌ Abraham: "Yụ nash yụꞌte uts Isaac, muꞌĉandye raꞌ shupqui mítyiꞌ vóshiꞌ in, muꞌin raꞌ anictyity vóshiꞌ mi", jajiti.

Filiposĉantyidyes 1:11

Meꞌ jụijyaꞌ miꞌin mọjoꞌchas qui raꞌ damꞌdye jämꞌyedyeꞌ meꞌchutiñeꞌ q̂uinꞌ miꞌin, Jesucristosyaꞌ ferdyeꞌ muꞌ meꞌ raꞌ bäꞌyi miꞌin, chat qui raꞌ muntyiꞌ in timaꞌquete Jenꞌ in miꞌindyes.