Lucas 3:7 - Tsimane

⁷ Daiꞌ muntyiꞌ in ĉọshte in muꞌ Juan mạꞌjeꞌ tsanꞌ muꞌyaꞌ jiꞌchojti in. Juan jéĉunacsi: —¡Där ac̣hiꞌtyity miꞌin jeñejtyity nas miꞌin! Jeñej aty raꞌ mọꞌ jiꞌchojtidyeꞌ tupuj jiꞌc̣honnac ĉúti u miꞌin därsiꞌyaꞌ vaꞌtacdyeꞌ Jenꞌsiꞌ muꞌ, meꞌ aty ĉúti u miꞌin.

Lucas 3:7 Iomraidhean Croise

Mateos 23:33

¡Jeñejtyity nas, meꞌtyity nash miꞌin! Jenꞌ raꞌ jam junꞌ c̣honchunac, aty tŝijĉandyety yụꞌtac miꞌin.

Tashches Tesalonicaĉantyidyes 1:10

Chimeꞌdye muꞌin seꞌveꞌ in junꞌ chuc miꞌin bisbitinte Jenꞌtyiꞌ Ạvaꞌ muꞌ, muꞌ Jesús, muꞌ jajiꞌtsaꞌibuntyiꞌ Jenꞌ, mạyedyeꞌchety raꞌ jijtuban. Muꞌ Jiꞌc̣honsinꞌtyiꞌ tsun paj qui jam tsuncheꞌ tŝọiꞌ mọꞌ tsäquiꞌsis vaꞌtacdyeꞌ Jenꞌsiꞌ muꞌ, meꞌ meꞌ jin tsun muntyiꞌ in, muꞌin seꞌveptety in Jenꞌsiꞌ p̂eyacdyeꞌ muꞌ.

Mateos 12:34

¡Miꞌin jeñej nas! Jam junꞌ rụij p̂eyaqui miꞌin ĉaĉaij na anic ac̣hiꞌyacñity miꞌin. Jụꞌñis chuc meꞌchutiñeꞌ ĉojtyiꞌĉan miꞌin, mọꞌdyemꞌ jiꞌshuptiñeꞌ p̂eyacdyeꞌ miꞌin.

Génesis 3:15

Yụ raꞌ soꞌmacsi quijnacdyeꞌ p̂entum judyeyaꞌ vóshiꞌtum mọꞌ, mítyiꞌ raꞌ vóshiꞌ in quijñiti raꞌ in mọꞌtyiꞌtum vóshiꞌ mọꞌ. P̂entyiꞌ raꞌ vóshiꞌ mọꞌ yútyibun raꞌ joꞌnoꞌ mi, mi qui raꞌ caravꞌjete tribityve —yi Jenꞌ jéte muꞌ nas.

Tashches Juansi' 3:8

Tyi chuc meꞌchuiꞌtyiꞌ juchaj, muꞌ nash Sọyoty ĉaĉaij na mọꞌ Sọyoꞌ tạꞌcas juchajtumsiꞌ. Muꞌ na Jenꞌtyiꞌ Ạvaꞌ muꞌ atsij paj qui meijjeshbiꞌ Sọyos carijtacdyeꞌ mọꞌ.

Hebreodyes 6:18

Mọꞌdyes qui muꞌ Jenꞌ soꞌmisinꞌ päräꞌ räjĉan buꞌyis jedyeꞌ, ĉụiꞌsiꞌ p̂eyacdyeꞌ muꞌ judyeyaꞌ ĉụiꞌsiꞌ tịj muꞌ. Ọij päräꞌ jedyeꞌ Jenꞌsiꞌ muꞌ jiꞌĉuyisinꞌ junꞌ chuc aty jam junꞌ yoc yụꞌtac dyijyedyeꞌ muꞌ, ĉaĉaij na muꞌ jam chịj väñäij, räjĉan rụij p̂eyaqui judyeyaꞌ jịꞌcätsaqui. P̂eyacdyeꞌyaꞌ muꞌ soꞌmisinꞌ sóñiꞌyedyes tsun yódyetycheꞌdyemꞌ ĉútiĉaꞌcheꞌ u, paj qui muꞌ ñutsjityisinꞌ, mijam farajjejaꞌ bisacdyeꞌ Jenꞌdyes.

Uñedye' 13:10

—Där ac̣hiꞌc̣hity mi, väväjñity mi, Sọyoty buꞌyi ạvaꞌ mi, anic fạ́queꞌ mi räj rụijsis dyijyedyeꞌ. Camanꞌ buꞌyiꞌ mạꞌjeꞌ yụꞌtyem Jenꞌsiꞌ p̂eyacdyeꞌ muꞌ paj qui väñädyeꞌ buꞌyiꞌ jiꞌshupbitem. ¿Junꞌsiꞌ bu raꞌ farajjem joꞌmes dyijyedyeꞌ aꞌc̣his?

Juan 8:44

Sọyoty ayoꞌ, muꞌ Satanás, muꞌ nash jenꞌ miꞌin, meꞌ meꞌ qui meꞌ Satanássiꞌ dyijyedyeꞌ meꞌchubitinte miꞌin, junꞌ chuc muꞌ mạꞌjeꞌ meꞌ jämꞌtaqui miꞌin. Muꞌ yacchutidyeꞌ jiquej tạꞌcatydye ujacsity, judyeyaꞌ väväjñity chimeꞌ, fạ́quety rụijsis p̂eyacdyeꞌ. Mọꞌ mọmoꞌ meꞌchuiꞌ räjĉan väñädyeꞌ ĉaĉaij na mọꞌ mọmoꞌ ĉojtyiꞌĉan muꞌ. Mumꞌ jiꞌshupquety väñädyeꞌ ĉaĉaij na meꞌtyitydye. Tyi chuc väñäijtyiꞌ in, muꞌin ạvaꞌ muꞌ,

Mateos 3:6

Muꞌin p̂eyaqui juchaj muꞌin chat qui muꞌ Juan chojtacsi cojiro Jordánĉan.