Lucas 3:2 - Tsimane

² Muꞌ na Anás judyeyaꞌ muꞌ Caifás, muꞌin tashchety cudyitity Jenꞌcheꞌ in. Aty meꞌsiꞌ muꞌ Juan, Zacaríaty ạvaꞌ muꞌ, cäjyasĉan muꞌ jac muꞌ jasoꞌmiti p̂eyacdyeꞌ Jenꞌ.

Lucas 3:2 Iomraidhean Croise

Jonás 1:1

Ayoꞌ jasoꞌmiti tsanꞌ p̂eyacdyeꞌ muꞌ Jonás, Amitaityiꞌ ạvaꞌ muꞌ. Jajiti:

Mateos 11:7

Aty jọbanyaꞌ in muꞌin jịꞌchiyactyiꞌ Juantyiꞌ muꞌ, Jesús p̂eijte muꞌ Juan, jéyacsi muꞌ daiꞌtyiꞌ muntyiꞌ in: —¿Jedyetuij caꞌ muꞌĉan miꞌin cäjyasĉan jac, cạvectinte muꞌ Juan? ¿Jeñej buty jedyeꞌ ĉọ́tinte miꞌin? ¿Jeñej shan jiꞌnashvaꞌques tyiꞌmu, meꞌ buty ĉọ́tinte miꞌin? Mijam meꞌ muꞌ.

Mateos 26:3

Muꞌin tashchety cudyitity Jenꞌcheꞌ in judyeyaꞌ muꞌin tashchety ĉọjcacsity in vajmuꞌyaij tsudyujñiti in ayosĉan acaꞌ, tashchetysiꞌ cudyitity Jenꞌcheꞌ, tịj muꞌ Caifás.

Lucas 1:80

Muꞌ ạvaꞌ muꞌ p̂añi, anic ferdyeꞌ cạiꞌ ĉojtyiꞌĉan muꞌ. Muꞌ bäꞌyi cäjyasĉan jac junꞌ quiꞌ chuc chaꞌsheꞌ tupudyeꞌ muꞌ, chat qui jiꞌcaviti Israeltyidyes vóshiꞌ in tiyacchuiꞌ voroꞌtacsi.

Juan 1:23

Vorjeyacsi muꞌ Juan: —Yụ nash p̂iyintyiꞌ muꞌ Isaías jiquej, jasoꞌmitity p̂eyacdyeꞌ Jenꞌ jiquej, yi muꞌ: "Cäjyasĉan raꞌ jac fer p̂eyaqui jéyacsi raꞌ muntyiꞌ in: Chụiꞌjevac jäꞌmij majmi paj qui muꞌĉan tyeij muꞌ Ayoꞌ —jéyacsi muꞌ Juan.

Juan 18:24

Chat qui muꞌ Anás jéyacsi muꞌin in paj qui Caifásyaꞌ cạte in muꞌ Jesús, yejĉoij sap buꞌyiꞌ un muꞌ. Caifás tashchety cudyitity Jenꞌcheꞌ.

Uñedye' 4:6

Muꞌyaꞌ muꞌ chimeꞌdye Anás, muꞌ tashchety cudyitity Jenꞌcheꞌ jiquej, judyeyaꞌ räj chätidyeꞌ muꞌ, Caifás, judyeyaꞌ Juan judyeyaꞌ Alejandro chimeꞌ.