Lucas 3:1 - Tsimane

¹ Muꞌ Juan jasoꞌmiti p̂eyacdyeꞌ Jenꞌ jiquej yoquiꞌdyemꞌ muꞌ Tiberio ayoꞌbuꞌyi jiquej u, yiriꞌtac ĉanamꞌ jiyiꞌ yómodyeꞌ tyitiꞌ ayoꞌbuꞌyedyeꞌ muꞌ. Muꞌ Tiberio mujuꞌchaty jacchety ayoꞌ. Poncio Pilato Judeaĉan ayoꞌbuꞌyi, muꞌ na Herodes, Galileaĉan muꞌ ayoꞌbuꞌyi, muꞌ na Felipe, vojity muꞌ, päräꞌĉan bäꞌyedyeꞌ ayoꞌbuꞌyi, Itureaĉan judyeyaꞌ Traconiteĉan. Muꞌ Lisanias, Abiliniaĉan muꞌĉan muꞌ ayoꞌbuꞌyi.

Lucas 3:1 Iomraidhean Croise

Génesis 49:10

Judáty vóshiꞌ muꞌ ayoꞌbuꞌyi raꞌ pạrej in, muꞌin raꞌ jam farajjeꞌ ayoꞌbuꞌyedyeꞌ in junꞌ quiꞌ chuc atsijyaꞌ muꞌ anictyity Ayoꞌ, q̂uinꞌdyemꞌ raꞌ chiquete in jacchety muntyiꞌ in.

Mateos 14:1

Aty meꞌsiꞌ muꞌ Herodes, Galileaĉantyiꞌ ayoꞌ muꞌin muꞌ seꞌvaqui junꞌ chuc carijtaqui muꞌ Jesús.

Mateos 14:3

Meꞌ yi ĉaĉaij na muꞌdye Herodes jiꞌtapte muꞌ Juanvun jiquej judyeyaꞌ c̣họcoꞌ buꞌyi jiꞌĉärꞌte. Tashcheꞌ jiquej muꞌ Herodes vämi vojitysiꞌcheꞌ p̂en muꞌ, Felipe tịj vojitysiꞌ muꞌ. Muꞌ Juan fạraꞌjeĉunꞌte yejĉoij jéte: —Jam tupuj meꞌchuiꞌ mi ọij p̂en Erodías ĉaĉaij na vojitysiꞌ p̂en mi.

Mateos 14:6

Aty chaꞌsheꞌ naꞌedyeꞌ Herodessiꞌ, chat Erodíassiꞌ ạvaꞌ mọꞌ roꞌyaquiꞌ muꞌinsiꞌyaꞌ vej in muꞌin fayactyiꞌyaꞌ in Herodestyiꞌ. Anic maꞌjotyeꞌ muꞌ mọꞌ nanas.

Mateos 22:17

¿Jätäjyi tyuꞌ um, tupuj buty yụꞌtyeja querec̣ha jacchetydyety ayoꞌ mujuꞌchatydyety Romaĉantyidyety ayoꞌ? Jítiĉaꞌ raꞌ tsun miꞌin.

Mateos 27:2

Chat qui muꞌyaꞌdye c̣họcoꞌte in muꞌ Jesús, cạte in Pilatosyaꞌ vej muꞌ, muꞌ ayoꞌ Romaĉantyiꞌ.

Marcos 6:17

Muꞌdye Herodes jiquej jajiꞌĉärꞌtity muꞌ Juan jiquej ĉaĉaij na muꞌ Juan fạraꞌñeĉunꞌte, jéte jiquej: "Jam junꞌ tupuj jäcbite mi vojitysiꞌ p̂en muꞌ." Meꞌ yi muꞌ ĉaĉaij na muꞌ Herodes vämi jiquej mọꞌcheꞌ Erodíascheꞌ, mọꞌ nash Felipes p̂en muꞌ. Muꞌ Felipe ĉụiꞌtyiꞌ vojity muꞌ Herodestyiꞌ.

Marcos 6:21

Vatyquejdye tupudyeꞌ jịꞌcätseꞌ dyijyedyeꞌ Erodíassiꞌ, ĉụiꞌdye chaꞌshaqui naꞌedyeꞌ muꞌ Herodes. Jämꞌtyeyeyacsi feshta nọ́taquitydyes muꞌ judyeyaꞌ muꞌin väc̣häꞌtyitytyiꞌ ayoꞌ in judyeyaꞌ fer buꞌyitydyes Galileaĉan bäꞌyity in.

Lucas 13:31

Aty meꞌsiꞌ atsij pạrej fariseo in, ĉọshte Jesús in, jéte in: —Damꞌdye jämꞌ yocve jịjcava, ĉaĉaij na muꞌ ayoꞌ Herodes mạꞌjeꞌ ijan mi.

Lucas 2:1

Aty meꞌsiꞌ muꞌ mujuꞌchaty jacchety ayoꞌ Augusto yụꞌtyeꞌ p̂eyacdyeꞌ muntyidyes in paj qui räj sanꞌquejĉoij muntyiꞌ in.

Lucas 3:19

Muꞌ chimeꞌ fạraꞌjeĉunꞌte tsanꞌ muꞌ Herodes muꞌĉantyiꞌ ayoꞌ, ĉaĉaij na muꞌ Herodes anic där aꞌc̣his bäꞌyi muꞌ, jäcbite vojitysiꞌ p̂en muꞌ, Erodías tịj mọꞌ, mọꞌtum qui bäꞌban, daiꞌ joꞌmes aꞌc̣his dyijyedyeꞌ muꞌ.

Lucas 9:7

Chimeꞌdye muꞌ Herodes, Galileaĉantyiꞌ ayoꞌ, seꞌvaqui junꞌ chuc muꞌ Jesús jịꞌcaveyacsi ferdyeꞌ muntyiꞌ in. Muꞌ Herodes dyijyeban ĉaĉaij na pạrej muntyiꞌ yi in: "Uts Jesús q̂uinꞌ Juanvun jiquej, a nash vañinyeban."

Uñedye' 23:26

"Yụ nash Claudio Lisias, yụ sáñeꞌ ọij mídyes, mi nash mujuꞌchaty ayoꞌ tsun, yụ vorjeye.

Uñedye' 24:27

Päräꞌ yómodyeꞌ meꞌquiꞌ ĉärꞌ buꞌyi muꞌĉan muꞌ Pablo. Muꞌ Félix jam junꞌ ĉụiꞌ mọmoꞌ jiꞌc̣honte ĉaĉaij na muꞌ mạꞌjeꞌ paj qui maꞌjotac räjĉan judíoyaꞌ in. Chäjämꞌ shuban muꞌ Félix, chat qui siti muꞌ Porcio Festo, muꞌ qui muꞌĉan ayoꞌbuꞌyi. Muꞌ chimeꞌ jam junꞌ farajjete muꞌ Pablo yejĉoij ĉäꞌräij ĉärꞌtaquisĉan.

Uñedye' 26:30

Chat qui sacyi in muꞌ ayoꞌ Festo judyeyaꞌ muꞌ ayoꞌ Agripa Berenicetum, räjenꞌdye muꞌĉantyiꞌ in, pạrejyi in.

Uñedye' 4:27

Anic cạ̈tsiꞌ mọꞌ, ĉaĉaij na q̂uinꞌ úĉan bäꞌyedyeꞌĉan in yedyety ayoꞌ in vajmuꞌyaij in, Herodes judyeyaꞌ Poncio Pilato judyeyaꞌ Israeltyiꞌ vóshiꞌ in judyeyaꞌ yoctyiꞌdye muntyiꞌ in, muꞌintum muꞌin in. Vaj cäts dyijyi muꞌin in junꞌ buꞌyi chuc ijate in muꞌ Jesús, muꞌ rụijtyity jutactyiꞌ mi, muꞌ yụꞌtactyiꞌ mi paj qui muꞌ jiꞌc̣hoñin tsun.