Lucas 2:4 - Tsimane

⁴ Mọꞌdyes qui muꞌ José Nazaretĉantyiꞌ shupquiꞌ, Galileaĉansiꞌ bäꞌyedyeꞌ. Sacjeꞌ Belénĉan jịjcaij Judeaĉansiꞌ bäꞌyedyeꞌ, ĉaĉaij na muꞌ Davidvuntyiꞌ vóshiꞌ muꞌ.

Lucas 2:4 Iomraidhean Croise

Génesis 35:19

Meꞌ sänaque mọꞌ Raquel, majmiyaꞌ nạiꞌ in, Efrataves majmi, q̂uinꞌ na aty yocsiꞌ tịj yụꞌtyeyeꞌ in bäꞌyedyes, Belén q̂uinꞌ tịj mọꞌ.

Génesis 48:7

Padan-aramĉantyiꞌ yụ muꞌĉantyiꞌ jijtuban yụ jiquej, majmiyaꞌ mọꞌ sänchuiꞌ Raquelvun tseꞌvun mi, arajyetiꞌ tsanꞌ Efrataĉan, muꞌyaꞌ yacchuti tári yụ. Efratavesve majmi namtuiꞌ yụ, q̂uinꞌ qui namꞌ mọꞌ Belén tịꞌiꞌ —yi muꞌ Jacob jéte José.

Miqueas 5:2

Yi muꞌ Jenꞌ jeꞌ mọꞌ bäꞌyedyeꞌ: "Mi nash Belén, Efrata chimeꞌ tịj mi, meꞌ tsanꞌ miquis bäꞌyedyeꞌ mi, Judeaĉansiꞌ jac, míĉan raꞌ shupqui muꞌ Israelĉantyiꞌ ayoꞌ, muꞌ tạꞌcaty buꞌyity, míĉan raꞌ shupqui."

Mateos 1:20

A tsanꞌ meꞌ dyijyi muꞌ, vatyquej jiꞌcaviti taminꞌdyeꞌĉan yirity Jenꞌtyiꞌ anjer muꞌ. Yi anjer jajiti: —Mi José vóshiꞌ muꞌ Davidtyiꞌ, jam raꞌ noiꞌyi mi, vämi raꞌ mọmoꞌ mi Maríacheꞌ ĉaĉaij na voꞌcoĉantyiꞌ ạvaꞌ mọꞌ jasoꞌmitiꞌ Jenꞌsiꞌ Ạꞌedyeꞌ muꞌ.

Mateos 2:23

Nazaretĉan qui bäꞌban muꞌ mọꞌ Galileaĉansiꞌ bäꞌyedyeꞌ. Meꞌ ọij cạ̈tsiꞌ p̂eyacdyeꞌ muꞌin jasoꞌmititysiꞌ Jenꞌ jiquej in. Yiꞌ in: "Muꞌ nash Nazaretĉantyiꞌ", jéte raꞌ in.

Lucas 2:3

Muꞌ ayoꞌ Augusto jéyacsi paj qui räj muntyiꞌ in ĉụiꞌsiꞌĉan bäꞌyedyeꞌ jịjcaban in yóĉandyemꞌ vóshiꞌvun bäꞌyaque jiquej u muꞌin, muꞌĉan ca raꞌ sanꞌquejĉoij in.

Lucas 2:5

Maríatum Belénve jịjcaij paj qui jiꞌsañiĉun, ĉaĉaij na muꞌ raꞌ jäcte, mọꞌ na María anic jạjtsis.

Lucas 4:16

Chat qui muꞌ Jesús Nazaretĉan jịjcaij, yóĉandyemꞌ p̂añiĉan jiquej u. Mọꞌ mạyedyeꞌ jịꞌjutyitidyes, muꞌ Jesús muꞌĉan jịjcaij vajmuꞌyaijĉan judío in, mọꞌ mus yicdyeꞌ muꞌ. Muꞌĉan sacyi p̂eyeꞌ raꞌ Jenꞌsiꞌ sánacdyeꞌ muꞌ.

Juan 1:46

Natanael vorjete: —¿Muꞌyaꞌ buty yirity jämꞌyity Nazaretĉantyiꞌ muntyiꞌ? —jéte. Felipe vorjete: —Jeshaꞌ ĉaĉaij cạvecja.

Juan 7:42

Meꞌ yiꞌ sánacdyeꞌ, muꞌ ca raꞌ Jiꞌc̣honacsity Muntyiꞌ vóshiꞌ ca raꞌ muꞌ Davidvuntyiꞌ jiquej, Belénĉan ca raꞌ naꞌi, yóĉandyemꞌ Davidvun bäꞌyi jiquej u —yi pạrej in.

Tashches Samuel 16:1

Ayoꞌ jajiti Samuel: —¿Junꞌsiꞌ bu raꞌ farajjete dyijtutem uts Saúl mi? Aty vaꞌcactyiꞌ muꞌ jiꞌshupcactyiꞌ ayoꞌbuꞌyedyeꞌĉantyiꞌ, meꞌ dyijyi yụ. Tạij mi Belénĉan jịjcava, Isaí ĉọcme, a nash tsimꞌbiteij yirity ạvaꞌ muꞌ, muꞌ raꞌ yụꞌte yụ ayoꞌbuꞌyidyety. Cạvaꞌ aseijte chojtacdyessiꞌ jịꞌĉocdyes aty yụꞌtac ayoꞌbuꞌyi.

Tashches Samuel 16:4

Anicdye meꞌ muꞌ Samuel chiquepte p̂eyacdyeꞌ muꞌ, Belénve jịjcaij yóve jajitidyemꞌ Ayoꞌ u. Aty muꞌĉan venjoij, chat muꞌĉantyiꞌdye tashcheꞌ buꞌyity in noiꞌyedyeꞌtum jiꞌrebeĉunꞌte in, ĉaĉaij na jam chịj muꞌin in. Jéte in muꞌ Samuel: —¿Jedyetuij caꞌ atsij mi? ¿Jämꞌyedyeꞌ caꞌ tuiꞌ mi, areꞌ jam?