Lucas 2:1 - Tsimane

¹ Aty meꞌsiꞌ muꞌ mujuꞌchaty jacchety ayoꞌ Augusto yụꞌtyeꞌ p̂eyacdyeꞌ muntyidyes in paj qui räj sanꞌquejĉoij muntyiꞌ in.

Lucas 2:1 Iomraidhean Croise

Mateos 22:17

¿Jätäjyi tyuꞌ um, tupuj buty yụꞌtyeja querec̣ha jacchetydyety ayoꞌ mujuꞌchatydyety Romaĉantyidyety ayoꞌ? Jítiĉaꞌ raꞌ tsun miꞌin.

Mateos 24:14

Paiꞌ bäꞌyity jacchety muntyiꞌ in, räj raꞌ muꞌin seꞌveꞌ in mọꞌ p̂eyacdyeꞌ Jenꞌsiꞌ muꞌ, mọꞌ p̂eyeꞌ aty raꞌ ayoꞌbuꞌyi Jenꞌ, chat aty raꞌ meꞌsiꞌ q̂uinꞌdyemꞌ raꞌ ayij jadyiquis tupudyeꞌ.

Marcos 14:9

Yụ jéyac miꞌin, paiꞌ raꞌ junanaj ĉụiꞌ voroꞌyi in jämꞌsiꞌ p̂eyacdyeꞌ Jenꞌsiꞌ muꞌ, räj buꞌyiꞌ raꞌ ọij jac, p̂eyeꞌ raꞌ in junꞌ chuc tsaꞌmin jiquej yụ, muntyiꞌ raꞌ in jam yaquintubiꞌ in.

Marcos 16:15

Chat qui jéyacsi: —Tạij miꞌin, paiꞌ ọij jac jịjcajamꞌ, voroꞌtacsejamꞌ räj jacchety muntyiꞌ in, jéyacsejamꞌ jämꞌsiꞌ p̂eyacdyeꞌ Jenꞌsiꞌ muꞌ.

Lucas 2:3

Muꞌ ayoꞌ Augusto jéyacsi paj qui räj muntyiꞌ in ĉụiꞌsiꞌĉan bäꞌyedyeꞌ jịjcaban in yóĉandyemꞌ vóshiꞌvun bäꞌyaque jiquej u muꞌin, muꞌĉan ca raꞌ sanꞌquejĉoij in.

Lucas 2:5

Maríatum Belénve jịjcaij paj qui jiꞌsañiĉun, ĉaĉaij na muꞌ raꞌ jäcte, mọꞌ na María anic jạjtsis.

Lucas 3:1

Muꞌ Juan jasoꞌmiti p̂eyacdyeꞌ Jenꞌ jiquej yoquiꞌdyemꞌ muꞌ Tiberio ayoꞌbuꞌyi jiquej u, yiriꞌtac ĉanamꞌ jiyiꞌ yómodyeꞌ tyitiꞌ ayoꞌbuꞌyedyeꞌ muꞌ. Muꞌ Tiberio mujuꞌchaty jacchety ayoꞌ. Poncio Pilato Judeaĉan ayoꞌbuꞌyi, muꞌ na Herodes, Galileaĉan muꞌ ayoꞌbuꞌyi, muꞌ na Felipe, vojity muꞌ, päräꞌĉan bäꞌyedyeꞌ ayoꞌbuꞌyi, Itureaĉan judyeyaꞌ Traconiteĉan. Muꞌ Lisanias, Abiliniaĉan muꞌĉan muꞌ ayoꞌbuꞌyi.

Uñedye' 11:28

Yirity Agabo tịj muꞌ, muꞌ soꞌmactyiꞌ p̂eyacdyeꞌ Jenꞌsiꞌyaꞌ Ạꞌedyeꞌ muꞌ. Sacyi muꞌ mọꞌ jịꞌchiqueyacsi p̂eyacdyeꞌ, jéyacsi: "Räj buꞌyiꞌ raꞌ jac chiqueꞌ raꞌ dáquis in." Anicdye meꞌ, aty muꞌ ayoꞌbuꞌyi muꞌ Claudio jiquej, muꞌ mujuꞌchaty ayoꞌ, Romaĉantyiꞌ, cạ̈tsiꞌ mọꞌ p̂eyacdyeꞌ.

Uñedye' 25:11

Meꞌ mọꞌyaꞌ juchaj jiꞌijacdyes jụijyaꞌ yụ, a vuty jam jätäjyi u yụ, a vuty tupuj ijac u yụ. Jam qui namꞌ anicsis jiꞌmeꞌtacdyeꞌ yụ, mọꞌdyes jam tyi yụꞌtac in vaꞌquiquin yụ in judíosĉan un in. Yụ nash Romaĉantyiꞌ, mọꞌdyes yụ cọdaqui paj qui muꞌ mujuꞌchaty ayoꞌ Romaĉantyiꞌ paj qui muꞌ jịꞌcäts yuꞌbun jiꞌmeꞌtacdyeꞌ yụ —yi Pablo jéte.

Uñedye' 25:21

Muꞌ na jam jụjyi, cọdaqui mọmoꞌ paj qui jam Jerusalénĉan cạc, judyeyaꞌ paj qui muꞌ mujuꞌchaty ayoꞌ Romaĉantyiꞌ paj qui muꞌ jịꞌcäts yụꞌte muꞌ, meꞌ cọdaqui muꞌ. Mọꞌdyes yụ jéyacsi paj qui yejĉoij ĉäꞌräij muꞌ junꞌ quiꞌ chuc tupuj jutete yụ Romaĉan ĉọcte muꞌ mujuꞌchaty ayoꞌ —yi muꞌ Festo jéte muꞌ Agripa.

Romaĉantyidyes 1:8

Tashcheꞌ yụ raꞌ jéyac junꞌ chuc yụ cọdyete Jenꞌ Jesucristoscheꞌ tịj muꞌ, yoshoropaij jéte yụ miꞌindyes ĉaĉaij na paiꞌ bäꞌyity in seꞌvaqui in junꞌ chuc miꞌin aty anicjetinte muꞌ Jenꞌ.

Filiposĉantyidyes 4:22

Räj muꞌin úĉantyiꞌ Jenꞌtyiꞌ ñuruꞌtyity in vorjinac chimeꞌ in, muꞌin carijtaquity in ayosĉantyiꞌ acaꞌ in, muꞌ mujuꞌchaty ayoꞌ Romaĉantyiꞌ, muꞌin dadamꞌ mujuꞌchaꞌ vorjinac in.