Lucas 17:3 - Tsimane

³ Areꞌĉa miꞌin, jämꞌ ĉujcatac ĉụiꞌ miꞌin. Juchatunac jụijyaꞌ vojity miꞌin, jemoñeꞌ vortinte miꞌin. Seꞌvibunac jụijyaꞌ vorquedyeꞌ miꞌin, yi jụijyaꞌ muꞌ: "Meꞌ nash anic juchaij yụ", meꞌquiꞌdye raꞌ dyijtuptinte juchaj miꞌin.

Lucas 17:3 Iomraidhean Croise

Exodo 34:12

Ĉujcatiĉamꞌ jämꞌ miꞌin, jam raꞌ vaj meij yuꞌtyiyiti jämꞌsiꞌ p̂eyacdyeꞌ muꞌintum bäꞌyity in yóĉandyemꞌ raꞌ jịjcaij u miꞌin. Meꞌ jụijyaꞌ jämꞌsiꞌ p̂eyacdyeꞌ soꞌmitidyeij miꞌin vatyquej raꞌ jiꞌpeñinac in aꞌc̣hisyaꞌ dyijyedyeꞌ muꞌin.

Proverbios 9:8

Anicdye meꞌ, fạraꞌjeĉunꞌte jụijyam yirity vaꞌbunnaquity muntyiꞌ fáquin raꞌ. Muꞌ na dyijyedyeꞌtumtyiꞌ muntyiꞌ fạraꞌjeĉunꞌte jụijyam muꞌ raꞌ mạꞌjin.

Mateos 18:21

Chat qui muꞌ Pedro ĉọcte Jesús jéte: —Jịꞌchiyacsity, vojity yụ yejĉoij juchatun jụijyaꞌ yụ, ¿juñucsiꞌ quiꞌ buty tupuj paj qui jam dyijtubibajte yụ juchaj muꞌ? ¿Tupuj buty yävätidyeꞌ quiꞌ?

Lucas 21:34

Areꞌĉa miꞌin, jam raꞌ jacches mọmoꞌ dyijtutiñeꞌ jedyeꞌ miꞌin, jam raꞌ feshtadyes mọmoꞌ dyijtutiñeꞌ miꞌin, mijam raꞌ shuꞌquedyeꞌ, paj qui jam yäjqui ĉojtyiꞌ miꞌin, vatyquej raꞌ chaꞌshinac mọꞌ tupudyeꞌ mijam raꞌ chị́vaꞌjoij miꞌin.

Efesoĉantyidyes 5:15

Mọꞌdyes jämꞌ raꞌ ĉujcati ĉụiꞌ miꞌin, dyijyedyeꞌtum raꞌ bäꞌyi miꞌin, jam raꞌ itŝiꞌ jétiñeꞌ dyijyedyeꞌ bäꞌyi miꞌin.

Hebreodyes 12:15

Areꞌĉa vaꞌquecbitinte Jenꞌsiꞌ ñịbeꞌjitidyes muꞌ, mọꞌ mạꞌjeꞌ soꞌmisinꞌsiꞌ, mijam raꞌ meꞌchutiñeꞌ aꞌc̣his dyijyedyeꞌ, mọꞌ jeñej buꞌyiꞌ aꞌc̣his däräꞌ chịbiꞌsiꞌ venenotumsiꞌ, meꞌ buꞌyiꞌdye mọmoꞌ chimeꞌ aꞌc̣his dyijyedyeꞌ miꞌin, mọꞌ ac̣hiꞌtacsiꞌ daiꞌ muntyiꞌ in.

Santiagos 5:19

Vojity, vatyquej pạrej muꞌyaꞌ farajjeptety in rụijsis majmi Jenꞌsiꞌ muꞌ, juchajĉan bäꞌban, jemoñeꞌ miꞌin fercheꞌ jịꞌcaꞌñebajtinte Jenꞌyaꞌ.

Pärä'yis Juansi' 1:8

Areꞌĉa miꞌin jam raꞌ yocve dyijyi miꞌin mijam raꞌ seꞌvacsebi miꞌin jiꞌchäyitidyeꞌ muꞌin, areꞌĉa fibis shupquiꞌ carijtacdyeꞌ Jenꞌdyes miꞌin. Damꞌdye jämꞌ yejĉoij cäc̣häꞌchutinte Jenꞌ miꞌin paj qui soꞌmac bijodyeꞌ Jenꞌyaꞌ miꞌin.