Lucas 16:3 - Tsimane

³ Dyijyi úñity muꞌ, yi ĉojtyiꞌĉan muꞌ: "¿Junꞌtaqui qui bu raꞌ q̂uinꞌ yụ aty shubanyaꞌ úĉantyiꞌ yụ? Yụ na jam junꞌ chịj bächäiꞌ jedyeꞌ, itŝiꞌ dyijyedyeꞌ yụ, tsịcaꞌ qui raꞌ yụ cọdacsity querec̣ha yụ chimeꞌ.

Lucas 16:3 Iomraidhean Croise

Mateos 20:8

Aty shocam, muꞌ muntyiꞌ jéyaqui nọ́taquity muꞌ: "Fayacsebada muꞌin carijtaquity in, yaꞌitacsebada, tashcheꞌ raꞌ muꞌin jäquiꞌ atsijtyiꞌ in junꞌ quiꞌ chuc muꞌin tashcheꞌ atsijtyiꞌ in."

Marcos 10:46

Jesús jịꞌchiyactyiꞌtum muꞌ venjoij in Jericóve. Aty miꞌeban in yạjquibanꞌ mọꞌ bäꞌyedyeꞌ in anic shach muntyiꞌ jäquiꞌ cäc̣häꞌchute in. Muꞌyaꞌ yirity tofety muntyiꞌ, Bartimeo tịj muꞌ, Timeoty ạvaꞌ muꞌ, muꞌ cọdaquity querec̣ha jeij majmi bäꞌvaꞌjoij.

Lucas 12:17

Chat qui dyijyi muꞌ muntyiꞌ ĉojtyiꞌĉan muꞌ yi: "¿Junꞌ bu raꞌ q̂uinꞌ yụ? Jam tyuꞌ raꞌ junaꞌ jämꞌjeyaqui yụ ọij därsiꞌ vädacdyeꞌ yụ.

Lucas 16:2

Mọꞌdyes muꞌ muntyiꞌ jiꞌvorvaĉan úñity muꞌ jéyaqui: "¿Junꞌ caꞌ meꞌ mi? A nash seꞌvacsi yụ muntyiꞌ in p̂iyin in junꞌ chuc jämꞌtaqui mi aꞌc̣histum dyijyedyeꞌ mi. Yụ raꞌ cạvebiye déve mi, juñucsiꞌ chuc mọꞌcheꞌ, ĉaĉaij na yụ raꞌ jiꞌshupjadyeye carijtacdyeꞌĉantyiꞌ mi", jajiti ayoꞌ muꞌ.

Lucas 16:20

Muꞌyaꞌ chimeꞌ yirity muntyiꞌ ñịbety, Lázaro tịj muꞌ, yedyety muꞌ chóminꞌdyeꞌ. Mụijyamꞌ bäꞌyi acasyaꞌ chụiꞌdyeꞌ jedyeꞌtumtyisyaꞌ.

Lucas 16:22

Yirisĉan mạyedyeꞌ säñi muꞌ Lázaro. Atsij muꞌin anjer in jäshte in Abrahamyaꞌ cạte in jämꞌsiꞌcheꞌ bäꞌyedyeꞌ, muꞌcheꞌ yụꞌte in. Muꞌ jedyeꞌtumtyiꞌ muntyiꞌ chimeꞌ muꞌ säñi judyeyaꞌ nạc muꞌ.

Lucas 16:4

Meꞌ raꞌ yụ paj qui muntyiꞌ tiĉuñin yụ in ĉụiꞌsiꞌĉan acaꞌ muꞌin, aty shubanyaꞌ yụ carijtacdyeꞌĉan yụ, yoctyisĉan acaꞌ jịjcaij yụ", yi ĉojtyiꞌĉan muꞌ.

Lucas 18:4

Muꞌ ayoꞌ men jam jụjtyeꞌ, ĉụiꞌdye dyijyi ĉojtyiꞌĉan muꞌ: "Meꞌ tsanꞌ jam irijyi Jenꞌcheꞌ yụ mijam ạ̈räjjeyacsi muntyiꞌ yụ,

Juan 9:8

Muꞌin na chị́yetety in judyeyaꞌ muꞌin cạvetety jiquej in muꞌ cọdaquity querec̣ha jiquej, yi jítidyeij in: —Jam adac utsdye mọmoꞌ jiquej cọdacvaꞌjoijtyiꞌ querec̣ha? —yi in.

Uñedye' 3:2

Muꞌyaꞌ yirity bureijtyiꞌ muntyiꞌ nạijte in, tạꞌcatydye naꞌi jam miꞌity. Räjĉan mạyedyeꞌ jiquicte in Jenꞌsiꞌĉan acaꞌ muꞌ, yụꞌte in chụiꞌdyeꞌyaꞌ, "Jäjämunsiꞌ" jeꞌ mọꞌ chụiꞌdyeꞌ in, muꞌyaꞌ cọdaqui querec̣ha.

Uñedye' 9:6

Vañinyebada, tạij bäꞌyedyeꞌĉan jịjcava, muꞌĉan raꞌ jin in junꞌ chuc raꞌ mi —yi jéte Saulo.

Jäqui'ves Tesalonicaĉantyidyes 3:11

Q̂uinꞌ na seꞌvaqui tsun pạrej ca muꞌyaꞌ in miꞌinĉantyiꞌ in toꞌomuntyiꞌ in, ĉụiꞌ ca mọmoꞌ bäꞌyi in, mijam ca mạꞌjeꞌ carijtaqui in, meꞌ camꞌ mạꞌjeꞌ in jiꞌc̣hamꞌdyi miꞌinĉan in.