Lucas 11:2 - Tsimane

² Jesús jéyacsi jịꞌchiyactyiꞌ muꞌ: —Cọdaqui Jenꞌcheꞌ jụijyaꞌ miꞌin, meꞌ raꞌ jétinte: "Tsuntyiꞌ Jenꞌ, paj muntyiꞌ in ạ̈räjjin in, cọdaqui tsun chimeꞌ paj qui cavintum ayoꞌbuꞌyi mi.

Lucas 11:2 Iomraidhean Croise

Mateos 10:32

Tyi chuc jịꞌchicaqui yụ́dyes in muntyisyaꞌ vej muꞌin, yi in, "Yụ nash Jesucristoty", meꞌdye raꞌ yụ chimeꞌ jịꞌchicaqui muꞌindyes in Jenꞌsiꞌyaꞌ vej yụ mạyedyeꞌchetyyaꞌ.

Mateos 3:2

Yi muꞌ: —Dyijyevac juchajcheꞌ miꞌin, aty c̣hẹiꞌyaꞌ ayoꞌbuꞌyi raꞌ muꞌ Jenꞌ.

Mateos 5:16

Meꞌdye raꞌ miꞌin chimeꞌ, mạijchucsi raꞌ muntyiꞌ miꞌin paj qui räj cavinactyiꞌ in junꞌ chuc rụij bäꞌyi miꞌin, chat qui raꞌ chimeꞌ timaꞌquibunac Jenꞌ in, muꞌ mạyedyeꞌchety.

Lucas 11:1

Yirisĉan mạyedyeꞌ muꞌ Jesús cudyivaꞌti Jenꞌcheꞌ muꞌ. Aty jiꞌmeꞌsiyaqui cọdaqui, yirity jịꞌchiyactyiꞌ muꞌ ĉọshte jéte: —Jịꞌchiyacsity, jiꞌchäyitiĉamꞌ cọdacdyeꞌ Jenꞌcheꞌ tsun paj qui tsun tupuj meꞌ cọdaqui, yojdyemꞌ muꞌ Juan u jịꞌchiyacsi jiquej cọdacdyeꞌ ĉụiꞌtyiꞌ jịꞌchiyactyiꞌ muꞌ.

Romaĉantyidyes 8:15

Jenꞌsiꞌ Ạꞌedyeꞌ muꞌ, mọꞌ soꞌmisinꞌsiꞌ Jenꞌ, mọꞌ jam úñedyeꞌĉan yuꞌsinꞌ tsun, mijam mọꞌ yiꞌ paj qui quijnacdyeꞌtum bäꞌjaꞌ, aty jam jeñej jiquej tsun. Mọꞌdye q̂uinꞌ yuꞌsinꞌ paj qui Jenꞌtyiꞌ ạvaꞌ shupquejaꞌ tsun. Mọꞌsiꞌyaꞌ ferdyeꞌ tupuj jéja Jenꞌ: "Jenꞌ, mi nash tsuntyiꞌ Jenꞌ", tupuj yéjaꞌ tsun.

Tashches Corintoĉantyidyes 1:3

Yụ cọdyete tsuntyiꞌ Jenꞌ judyeyaꞌ muꞌ Jesucristo Ayoꞌ tsun paj qui muꞌ ñịbeꞌjitidyes soꞌminac miꞌin, judyeyaꞌ paj qui soꞌminac maꞌjodyeꞌ ĉojtyiꞌĉandyes miꞌin.

Jäqui'ves Corintoĉantyidyes 1:2

Tsun cọdyete Jenꞌ, muꞌ Ạvatusinꞌtyiꞌ tsun judyeyaꞌ muꞌ Jesucristo Ayoꞌ tsun paj qui muꞌ ñịbeꞌjitidyes soꞌminac judyeyaꞌ chimeꞌ paj qui soꞌminac maꞌjodyeꞌ ĉojtyiꞌĉandyes miꞌin.

Galaciaĉantyidyes 1:4

Muꞌ Jesucristo ĉụiꞌ jiꞌijati tsunsidyes juchaj jiquej paj qui jiꞌc̣honsinꞌ tsun paj qui jam meꞌsinꞌ mọꞌ q̂uinꞌsis aꞌc̣his jacches jedyeꞌ, ĉaĉaij na mọꞌ dyijyedyeꞌ Jenꞌsiꞌ muꞌ, muꞌ Ạvatusinꞌtyiꞌ tsun.

Efesoĉantyidyes 1:2

Yụ cọdyete Jenꞌ, muꞌ Ạvatusinꞌtyiꞌ tsun, judyeyaꞌ muꞌ Jesucristo Ayoꞌ tsun paj qui muꞌ ñịbeꞌjitidyes soꞌminac miꞌin judyeyaꞌ soꞌminac maꞌjodyeꞌ ĉojtyiꞌĉandyes miꞌin.

Filiposĉantyidyes 1:2

Yụ cọdyete Jenꞌ muꞌ Ạvatusinꞌtyiꞌ tsun, judyeyaꞌ muꞌ Jesucristo Ayoꞌ tsun paj qui muꞌ ñịbeꞌjitidyes soꞌminac miꞌin paj qui chimeꞌ soꞌminac maꞌjodyeꞌ ĉojtyiꞌĉandyes miꞌin.

Filiposĉantyidyes 4:20

Timaꞌqueja muꞌ Jenꞌ, Ạvatusinꞌtyiꞌ tsun, jam raꞌ jụꞌñisĉan mạyedyeꞌ mọtsiꞌ timaꞌcacdyeꞌ muꞌ.

Tashches Tesalonicaĉantyidyes 1:1

Yụ Pablo, yiriꞌyaꞌ muꞌintum yụ Silvano judyeyaꞌ Timoteo, yụ sáñeꞌ miꞌindyes Tesalónicaĉan bäꞌyitydyes miꞌin anicjetintety Jenꞌ. Miꞌin Jesucristoty muꞌ Ayoꞌ tsun, judyeyaꞌ Jenꞌtyiꞌ chimeꞌ miꞌin, muꞌ Ạvatusinꞌtyiꞌ tsun. Tsun cọdyete Jenꞌ paj qui muꞌ ñịbeꞌjitidyes soꞌminac miꞌin judyeyaꞌ paj qui chimeꞌ soꞌminac maꞌjodyeꞌ ĉojtyiꞌĉandyes miꞌin.

Tashches Tesalonicaĉantyidyes 1:3

Cọdaquiyaꞌ Jenꞌcheꞌ tsun, tsun räjĉan dyijtuyac miꞌin junꞌ chuc anicyedyeꞌyaꞌ miꞌin cäc̣häꞌchutinte Jenꞌ judyeyaꞌ miꞌin chimeꞌ carijtaqui muꞌdyes ĉaĉaij na fer mạꞌjetinte miꞌin. Miꞌindye tyumꞌchutidyeꞌtum bistinte muꞌ Jesucristo Ayoꞌ tsun, mọꞌmun dyijtubiyac dyijyedyeꞌ miꞌin judyeyaꞌ yoshoropaij jéte Jenꞌ tsun miꞌindyes.

Jäqui'ves Tesalonicaĉantyidyes 2:16

Yụ cọdaqui Jesucristocheꞌ Ayoꞌ tsun judyeyaꞌ Jenꞌcheꞌ chimeꞌ, muꞌ Ạvatusinꞌtyiꞌ, muꞌ mạꞌjisinꞌtyiꞌ tsun, judyeyaꞌ ñịbeꞌjitidyesyaꞌ muꞌ soꞌmisinꞌ sóñiꞌyedyes ĉojtyiꞌĉan tsun, paj qui yejĉojaꞌ bisaĉaꞌ Jenꞌdyes tsun, junꞌ chuc raꞌ soꞌmisinꞌ muꞌ.

Jị'cavacdye' 11:15

Yävätidyeꞌyity anjer pejtyeꞌ boñedyeꞌ muꞌ, pạrej fer p̂eyaqui mạyedyeꞌchety in yi in: "Muꞌ Jenꞌ Ayoꞌ tsun judyeyaꞌ muꞌ jutetety muꞌ Jiꞌc̣honacsity Muntyiꞌ aty qui ayoꞌbuꞌyi in, aty jiꞌpeñeꞌ Sọyoꞌ, Jenꞌ qui ayoꞌbuꞌyi räjdyes jacchetydyes muntyiꞌ in, jam raꞌ jụꞌñisĉan mạyedyeꞌ mọtsiꞌ ayoꞌbuꞌyedyeꞌ muꞌin", yi in.

Jị'cavacdye' 15:4

Jam jụꞌñity ĉụiꞌtun in, räj raꞌ irijyi mícheꞌ in, räj raꞌ timaꞌquibun ferdyeꞌ in. Mimꞌ yirity rụijtyity, itŝij yoctyiꞌ meꞌ. Räj muntyiꞌ úchety in räj buꞌyiꞌ ọij jac atsij raꞌ in dyụtsyi míyaꞌ in, timaꞌquitin raꞌ in, ĉaĉaij na cavibun in anic rụijsis dyijyedyeꞌ mi."

Jị'cavacdye' 19:6

Seꞌveꞌ yụ anic fersiꞌ p̂eyacdyeꞌ, jeñej yiꞌ shachtyity muntyiꞌ in, judyeyaꞌ jeñej yiꞌ ojñiꞌ chabanꞌsiꞌ, judyeyaꞌ jeñej yi pururu fạ́coijtyiꞌ, meꞌquiꞌĉan yiꞌ seꞌveꞌ yụ. Yiꞌ mọꞌ p̂eyacdyeꞌ: "Timaꞌqueja tsuntyiꞌ Jenꞌ, muꞌ mujuꞌchaꞌ ferdyeꞌtumtyiꞌ Ayoꞌ tsun, ĉaĉaij na muꞌ aty ayoꞌbuꞌyi.

Jị'cavacdye' 20:4

Cạvacsi yụ daiꞌ ayoꞌsiꞌ bäꞌyaquis in. Muꞌin muꞌcheꞌ bäꞌyity in soꞌmac in paj qui ayoꞌbuꞌyi in. Chimeꞌdye cạvacsebi yụ ạꞌedyeꞌ muꞌin ijactyiꞌ jiquej in, tätsactyiꞌ joꞌnoꞌ jiquej in cäc̣häꞌchucdyeꞌyaꞌ muꞌ Jesús judyeyaꞌ voroꞌyedyeꞌyaꞌ Jenꞌsiꞌ p̂eyacdyeꞌ muꞌ. Muꞌin jam timaꞌquisety in muꞌ vajedyedyeꞌ buꞌyity mijam jenꞌtuptety in jämꞌtacdyeꞌ muꞌ chimeꞌ, mijam cac̣htacdyeꞌtumtyiꞌ muꞌsiꞌ jáficheꞌ in mijam uncheꞌ. Yụ cạvacseban tsạꞌ buꞌban in, judyeyaꞌ Cristotum ayoꞌbuꞌyi in, mir raꞌ yómodyeꞌ meꞌquiꞌ raꞌ ayoꞌbuꞌyi in.