Lucas 11:1 - Tsimane

¹ Yirisĉan mạyedyeꞌ muꞌ Jesús cudyivaꞌti Jenꞌcheꞌ muꞌ. Aty jiꞌmeꞌsiyaqui cọdaqui, yirity jịꞌchiyactyiꞌ muꞌ ĉọshte jéte: —Jịꞌchiyacsity, jiꞌchäyitiĉamꞌ cọdacdyeꞌ Jenꞌcheꞌ tsun paj qui tsun tupuj meꞌ cọdaqui, yojdyemꞌ muꞌ Juan u jịꞌchiyacsi jiquej cọdacdyeꞌ ĉụiꞌtyiꞌ jịꞌchiyactyiꞌ muꞌ.

Lucas 11:1 Iomraidhean Croise

Lucas 10:42

Yiris mọmoꞌ raꞌ jemoñeꞌ mọjoꞌchaꞌ dyijtuiꞌ mi, yojdyemꞌ ọij María o dyijtuiꞌ ọij p̂eyacdyeꞌ, mọꞌ mọjoꞌchaꞌ jemonacsiꞌ, mọꞌ raꞌ jam chutac —jeꞌ Jesús.

Lucas 11:2

Jesús jéyacsi jịꞌchiyactyiꞌ muꞌ: —Cọdaqui Jenꞌcheꞌ jụijyaꞌ miꞌin, meꞌ raꞌ jétinte: "Tsuntyiꞌ Jenꞌ, paj muntyiꞌ in ạ̈räjjin in, cọdaqui tsun chimeꞌ paj qui cavintum ayoꞌbuꞌyi mi.

Lucas 6:12

Aty meꞌsiꞌ muꞌ Jesús mụcuꞌcheꞌ jịjcaij cọdajquiqui Jenꞌcheꞌ muꞌ, dyutsenꞌjeꞌ tsedyedyeꞌ meꞌquiꞌ cọdaqui Jenꞌcheꞌ.

Lucas 7:13

Jesús cạveꞌ mọꞌ, anic där ñịbeꞌ ĉọiꞌ, jeꞌ qui: —Jam raꞌ táriꞌ mi.

Lucas 7:19

jéyacsi: —Tạij ĉọcmac miꞌin muꞌ Jesús, jétinte raꞌ miꞌin: "¿Mi buty atsijtyiꞌ muntyiꞌ Jiꞌc̣honacsity, areꞌ jam? ¿Yoctyiꞌ raꞌ jụijyaꞌ biste tsun, jadac jam?" jétinte raꞌ muꞌ.

Lucas 9:18

Yirisĉan mạyedyeꞌ muꞌ Jesús yirity mọmoꞌ cọdaqui Jenꞌcheꞌ muꞌ, c̣hẹiꞌyaꞌdye muꞌin jịꞌchiyactyiꞌ muꞌ. Jesús jéyacsi: —¿Jätäjyi buty q̂uinꞌ muntyiꞌ in, tyi buty ĉun yụ in?

Lucas 9:28

Aty meꞌ yi muꞌ Jesús, q̂uenꞌĉan mạyedyeꞌ jiyiꞌ, chat qui muꞌ Jesús mụcuꞌcheꞌ jịjcaij cọdajquiqui Jenꞌcheꞌ muꞌcheꞌ, muꞌin mọmoꞌ cạcsi Pedro, Santiago judyeyaꞌ Juan.

Hebreodyes 5:7

Úcheꞌdyemꞌ rụiꞌcuꞌĉandyemꞌ jiquej, muꞌ Cristo cọdyete Jenꞌ, cọdacdyeꞌĉan muꞌ fer p̂eyaqui tárisdyeꞌtum cọdyete muꞌ ĉaĉaij na muꞌ Jenꞌ fer buꞌyi, muꞌ tupuj jajiꞌc̣hondyi sänꞌdyeꞌĉan. Jenꞌ jụjbite cọdacdyeꞌ Cristos muꞌ ĉaĉaij na muꞌ chiquete.

Judassi' 1:20

Miꞌin na chätidyeꞌ mạꞌjeyacdyety yụ, jam raꞌ meꞌ miꞌin, miꞌin aty anicjebitinte rụijsis p̂eyacdyeꞌ Jenꞌsiꞌ muꞌ, mọꞌdye ramꞌ yejĉoij cäc̣häꞌchubitinte paj qui fer buꞌyi bäꞌyi Jenꞌdyes miꞌin. Cọdyemac Jenꞌ, jätäjyiꞌ chuc raꞌ mọꞌ Ạꞌedyeꞌ muꞌ, meꞌ raꞌ cọdaqui miꞌin.