Lucas 10:3 - Tsimane

³ Tạij miꞌin voroꞌtacseĉamꞌ, yụ juteyac miꞌin jeñej buꞌyi oveca miꞌin chidyiꞌĉanyaꞌ vajedyedyeꞌ miꞌin.

Lucas 10:3 Iomraidhean Croise

Mateos 10:16

Jeñej oveca buꞌyi miꞌin yụ raꞌ juteyac yóĉandyemꞌ bäꞌyiꞌ vajedyedyeꞌ o. Jemoñeꞌ ĉụiꞌ dyijyedyeꞌtum miꞌin jeñej nas, judyeyaꞌ jämꞌjitac chimeꞌ miꞌin jeñej ọꞌtoꞌ, meꞌ raꞌ miꞌin.

Mateos 10:22

Räj raꞌ yụ́dyes mọꞌjinac fáquiyinac in. Tyi chuc jam peñity in junꞌ quiꞌ chuc jadyic tupudyeꞌ, muꞌ raꞌ c̣hoñi in.

Mateos 7:15

Ĉujcatiĉamꞌ miꞌin ĉaĉaij na daiꞌ muꞌyaꞌ vaꞌve jịꞌchiyacsity in, jeñej buꞌyi jasoꞌmitity p̂eyacdyeꞌ Jenꞌ in. Jeñej jam tsäquiꞌyis oveca miꞌinyaꞌ in, ĉojtyiꞌĉan qui namꞌ muꞌin jeñej tsäquiꞌyis vajedyedyeꞌ meꞌ buꞌyi in.

Lucas 10:4

Jam raꞌ cạqui majmiyadyes jedyeꞌ miꞌin, mijam raꞌ víquis miꞌin, mijam raꞌ querec̣ha, mijam raꞌ yujches chimeꞌ miꞌin. Jam raꞌ meñi majmiyaꞌ vorjeyacsi muntyiꞌ täjacsi jụijyaꞌ miꞌin.

Juan 10:12

Jeshaꞌ, muꞌ yaꞌitactyiꞌ ĉọjcacsity jam meꞌ muꞌ. Ĉọssetiꞌ jụijyaꞌ tsäquiꞌyis vajedyedyeꞌ, muꞌ yaꞌitactyiꞌ jam muꞌ junꞌ ñutsjetacsi oveca in. Ĉaꞌjoij mọmoꞌ muꞌ ĉaĉaij na yaꞌitactyiꞌ mọmoꞌ muꞌ, jam ĉụiꞌsiꞌ oveca muꞌ. Chat qui mọꞌ vajedyedyeꞌ p̂aiꞌtacsiꞌ oveca in, räj ficajteyacsiꞌ paiꞌ jịjijcayacsiꞌ.

Juan 15:20

Dyijtubutiĉamꞌ p̂eyacdyeꞌ yụ seꞌvibutiĉas miꞌin, yiꞌ: "Muꞌ úñity jam mujuꞌchaꞌ buꞌyi ayoꞌyaꞌ muꞌ, uyaꞌyaꞌ muꞌ úñity", yi yụ jiquej. Jeshaꞌ muꞌin jịꞌñibeꞌcan yụ in Ayoꞌ miꞌin, chimeꞌjinacdye raꞌ miꞌin jịꞌñibeꞌcanac in. Muꞌyayaj qui namꞌ seꞌvibun p̂eyacdyeꞌ yụ in, muꞌyayajdye raꞌ chimeꞌ seꞌvibunac p̂eyacdyeꞌ miꞌin.

Juan 16:2

Muꞌin raꞌ vaꞌquicnac in paj qui jam penꞌdyetucsive miꞌin vajmuꞌyaijĉan muꞌin in. Ayij raꞌ tupudyeꞌ meꞌ raꞌ dyijyi in, ujanac jụijyaꞌ in meꞌ raꞌ jịꞌcätsepte Jenꞌsiꞌ dyijyedyeꞌ in, meꞌ buꞌyi raꞌ dyijyi in.

Uñedye' 20:29

Aty chịj yụ, aty raꞌ yacchuyacyaꞌ yụ, jäquiꞌve raꞌ shupqui in cäjsis p̂eyacdyeꞌ tuiꞌtyiꞌ in, muꞌin raꞌ jam ạ̈räjyi anicjetetytum Jenꞌ in, jeñej tsäquiꞌyis vajedyedyeꞌ jam ạ̈räjyiꞌ cuꞌdyeꞌtum, meꞌ buꞌyi raꞌ shupqui in.

Uñedye' 9:16

Yụ raꞌ jịꞌcaveyete paj där ñịbeꞌ cạveꞌ muꞌ yụ́dyes —yi Ayoꞌ jajiti Ananías.