Lucas 10:2 - Tsimane

² Jesús jéyacsi: —Anic daiꞌ muꞌyaꞌ jambiꞌ seꞌveꞌtyiꞌ p̂eyacdyeꞌ in, jeñej därsiꞌ quịjodyeꞌ meꞌ in jayej muntyiꞌ vädaquity muꞌĉan in. Cọdyetinte raꞌ Jenꞌ paj qui muꞌ jutacsi muntyiꞌ vädaquity in, ĉaĉaij nash muꞌdye Jenꞌ aꞌ mọꞌ.

Lucas 10:2 Iomraidhean Croise

Mateos 20:1

Meꞌ buꞌyiꞌ ayoꞌbuꞌyedyeꞌ Jenꞌsiꞌ muꞌ, jeñej buꞌyiꞌ yirity muntyiꞌ quevacsity carijtaquity in. Pamꞌ sacyi muꞌ quevacsequi muntyiꞌ in paj qui ovaĉan carijtaqui in.

Marcos 13:34

Mọꞌ raꞌ tupudyeꞌ jeñej buꞌyi yirity muntyiꞌ yocsiꞌve jac jịjcaijtyiꞌ. Aty raꞌ sactiyaꞌ muꞌ soꞌmacsetaqui carijtacdyeꞌ cäts yirity carijtaquity muꞌ. Chimeꞌdye jétacte muꞌ ĉọjcaiꞌtyiꞌ chụiꞌdyeꞌ paj qui jämꞌ ĉọjcaiꞌ.

Marcos 16:15

Chat qui jéyacsi: —Tạij miꞌin, paiꞌ ọij jac jịjcajamꞌ, voroꞌtacsejamꞌ räj jacchety muntyiꞌ in, jéyacsejamꞌ jämꞌsiꞌ p̂eyacdyeꞌ Jenꞌsiꞌ muꞌ.

Marcos 16:20

Muꞌin jutactyiꞌ muꞌ sacti in, paiꞌ voroꞌtacsi in. Ayoꞌ tsun nọ́tyetacsi soꞌmacsi ferdyeꞌ jịꞌcavacdyes muꞌin, paj qui jorojĉan mọꞌyaꞌ Jenꞌsiꞌ p̂eyacdyeꞌ muꞌ.

Lucas 9:1

Jesús fayacsi jịꞌchiyactyiꞌ muꞌ, yiriꞌtac päräꞌ jiyi muꞌin in. Soꞌmacsi ferdyeꞌ muꞌ judyeyaꞌ chimeꞌ yụꞌtacsi paj qui meijjetyetacseban sọyoꞌ in judyeyaꞌ jiꞌchäcacseban muntyiꞌ in.

Uñedye' 11:19

Aty ijateyaꞌ in muꞌ Esteban chat tiyacchuiꞌ jịꞌñibeꞌcacsi in muꞌin anicjetety Jesucristo in. Meꞌdyes qui ĉaꞌjoij in, yạjquiꞌ in Jerusalén, paiꞌ junanaj ĉụiꞌ jịjcaij yocsiꞌĉan bäꞌyedyeꞌ in, pạrej Feniciaĉan jịjcaij in, judyeyaꞌ pạrej Chipreĉan jịjcaij in, pạrej na Antioquíaĉan jịjcaij in. Meꞌ meꞌ jịjcaij in voroꞌtacsi Jenꞌsiꞌ p̂eyacdyeꞌ in, judío qui na mọmoꞌ jéyacsi in, muꞌin na jam judío in jam jéyacsi in.

Uñedye' 13:2

Yirisĉan mạyedyeꞌ muꞌin timaꞌquevaꞌte Jenꞌ in, yịñijdyeꞌtum in Jenꞌsiꞌyaꞌ vej muꞌ. Vatyquej jéyacsiꞌ Jenꞌsiꞌ Ạꞌedyeꞌ muꞌ, yiꞌ: —Yụꞌtacsejamꞌ miꞌin Bernabé judyeyaꞌ Saulo, yụ́dyety raꞌ úñity in, ĉaĉaij na yụ aty meꞌ tsimꞌtacsiꞌ —yiꞌ.

Uñedye' 13:4

Meꞌdye sacjeꞌ in Bernabé judyeyaꞌ muꞌ Saulo, Jenꞌsiꞌ Ạꞌedyeꞌ jutacsiꞌ, Seleuciave jịjcaij in. Muꞌve p̂aiꞌte in marĉantyiꞌ covamba, Chipreve qui jịjcaij in, marĉansiꞌ poc̣hoꞌ.

Uñedye' 20:28

Miꞌin qui namꞌ jemoñeꞌ ĉujcati miꞌin, ĉọjcacsejamꞌ chimeꞌ muꞌin anicjetety Jenꞌ in, ĉaĉaij na Jenꞌsiꞌ Ạꞌedyeꞌ muꞌ meꞌ yuꞌnac paj qui ĉọjcacsi miꞌin muꞌ Jenꞌtyiꞌ ñuruꞌtyity muꞌ, muꞌin yaꞌitactyiꞌ muꞌ ĉụiꞌsiꞌyaꞌ chäsh muꞌ.

Uñedye' 22:21

Muꞌ na vorjin yụ: "Tạij sacta, yụ raꞌ juteye paj qui voroꞌtacsequi mi muꞌin jam judío in moch bäꞌyity in", yi muꞌ jin yụ Ayoꞌ —meꞌ jéyacsi muꞌ Pablo.

Uñedye' 8:4

Muꞌin yacchuiꞌtyiꞌ Jerusalén in, paiꞌ jịjcaij in voroꞌtacsi in Jenꞌsiꞌ p̂eyacdyeꞌ muꞌ, junꞌve ĉụiꞌ mọmoꞌ jịjcaij in.

Tashches Corintoĉantyidyes 12:28

Meꞌdye muꞌ Jenꞌ jämꞌ yụꞌtacsi muꞌin anicjetety Jenꞌ in, paj qui muꞌdyes carijtaqui in. Mujuꞌchaty muꞌ yụꞌtacsi muꞌin jutactyiꞌ Jenꞌtyiꞌ in, judyeyaꞌ chimeꞌ muꞌin jasoꞌmitity p̂eyacdyeꞌ Jenꞌ in, judyeyaꞌ muꞌin chimeꞌ jịꞌchiyacsity in. Chimeꞌdye pạrej muꞌyaꞌ yụꞌtacsi muꞌin jịꞌcaveyacsity ferdyeꞌ in, judyeyaꞌ muꞌin jiꞌchäcacsebantyiꞌ areꞌreijtyiꞌ in, judyeyaꞌ muꞌin nọ́tacsity in, judyeyaꞌ muꞌin bächäcsity in muꞌin anicjetety Jenꞌ in, judyeyaꞌ muꞌin yocsiꞌĉan p̂eyacdyeꞌ p̂eyaquity in, meꞌ meꞌ Jenꞌ yụꞌtacsi paj qui muꞌin anicjetety Jenꞌ in vaj meij ñútyitidyeij in.

Tashches Corintoĉantyidyes 15:10

Muꞌ na Jenꞌ ñịbeꞌjin yụ, ñịbeꞌyedyeꞌyaꞌ muꞌ yoc yuꞌtyin yụ paj qui yocve bäꞌyi yụ. Jam fibiꞌ meꞌ ñịbeꞌjin yụ, ĉaĉaij na yụ mujuꞌchaꞌ fer carijtaqui yụ muꞌdyes, jam jeñej yoctyiꞌ jutactyiꞌ Jenꞌtyiꞌ muꞌ. Jam qui namꞌ ĉụiꞌsiꞌyaꞌ ferdyeꞌ carijtaqui yụ, Jenꞌsiꞌyaꞌ ferdyeꞌ muꞌ paj qui meꞌ carijtaqui yụ.

Jäqui'ves Corintoĉantyidyes 6:1

Tsun nash carijtaquity Jenꞌdyes mọꞌdyes tsun fercheꞌ jéyac miꞌin paj qui jam fibiꞌ seꞌveptinte Jenꞌsiꞌ p̂eyacdyeꞌ muꞌ, mọꞌ p̂eijbites ñịbeꞌjitidyes muꞌ.

Filiposĉantyidyes 2:21

Yoctyiꞌ qui namꞌ in ĉụiꞌsimꞌ jedyeꞌ dyijtuqui in, jam méquiꞌ Jesucristos dyijyedyeꞌ dyijtupte in.

Filiposĉantyidyes 2:25

Chimeꞌdye dyijyi yụ jemoñeꞌ yụ jutebajte miꞌinyaꞌ muꞌ vojity tsun Epafrodito, muꞌ nash úyaꞌ jutetinte miꞌin paj qui muꞌ ñútyin yụ. Muꞌ nash yụ́tum carijtaqui, jeñej buꞌyi väc̣häꞌtyity Jenꞌtyiꞌ muꞌ, meꞌ chuti Jenꞌdyes muꞌ.

Filiposĉantyidyes 2:30

Muꞌ nash fer carijtaqui Cristodyes, jämꞌ araj säñi carijtacdyeꞌyamꞌ, mijam ĉụiꞌ ñutsjiti, meꞌdye yụmꞌ dyijtun jedyeꞌ chuc jemoñes yụ, muꞌ fer ñútyin yụ. Mọꞌ miꞌin jam tupuj ñútyitiĉaꞌ yụ miꞌin, ĉaĉaij na itŝij miꞌin.

Colosasĉantyidyes 1:29

Mọꞌdyes fer carijtaqui yụ Jenꞌdyes mọjoꞌchasyaꞌ ferdyeꞌ soꞌminsiꞌ yụ muꞌ Cristo, mọꞌyaꞌ úñi yụ jịꞌchiyacsi yụ Jenꞌsiꞌ p̂eyacdyeꞌ muꞌ.

Colosasĉantyidyes 4:12

Muꞌ Epafras miꞌinĉantyiꞌ chimeꞌ, muꞌ vorjinac chimeꞌ, úñity Cristoty muꞌ. Muꞌ räjĉan fer cọdyete Jenꞌ miꞌindyes paj qui fer buꞌyi bäꞌyi Jenꞌdyes miꞌin, paj qui räj ĉojtyiꞌĉan cäc̣häꞌchubitinte Jenꞌsiꞌ dyijyedyeꞌ muꞌ.

Tashches Tesalonicaĉantyidyes 2:9

Chịj tyuꞌ u miꞌin junꞌ chuc tsun fer carijtaqui tsạꞌ buꞌyedyes tsun jiquej. Mạij judyeyaꞌ tsedyedyeꞌ, meꞌ buꞌyi carijtaqui tsun, tsun jam jedyeꞌ cọdyetyeyac tsạꞌ buꞌyedyes tsun voroꞌyedyeꞌyaꞌ tsun miꞌin Jenꞌsiꞌ p̂eyacdyeꞌ muꞌ.

Tashches Tesalonicaĉantyidyes 5:12

Vojity, tsun fercheꞌ jéyac jemoñeꞌ ạ̈räjjeyacsi miꞌin muꞌin carijtaquity Jenꞌdyes in miꞌinĉantyiꞌ in. Muꞌ yụꞌtacsi Ayoꞌ paj qui muꞌin ĉujcanacve in judyeyaꞌ voroꞌtyinac in.

Jäqui'ves Tesalonicaĉantyidyes 3:1

Vojity yụ q̂uinꞌ jéyac: cọdyemac Jenꞌ tsundyes paj qui mọꞌ tseꞌejĉoiꞌ Jenꞌsiꞌ p̂eyacdyeꞌ muꞌ, paj qui paiꞌ tiĉunꞌbite muntyiꞌ in yojdyemꞌ miꞌin jiquej u tiĉunꞌbitinte.

Tashches Timoteodyes 4:10

Tsun Jenꞌcheꞌ ĉútiĉaꞌ, muꞌ jam jụꞌñisĉan mạyedyeꞌ säñity, muꞌ nash Jiꞌc̣honsinꞌtyiꞌ räj muntyiꞌ tsun, jụꞌñity chuc anicyejaty tsun. Mọꞌdyes tsun jiꞌfercatiĉaꞌ paj qui carijtaĉaꞌ Jenꞌdyes.

Jäqui'ves Timoteodyes 4:5

Jam raꞌ mi meꞌ, rụij raꞌ dyijyim. Meꞌ raꞌ tsanꞌ ñịbeꞌ cạviyaꞌ mi, dyichchuti qui na ramꞌ mi. Yejĉova voroꞌyeva mi, ĉaĉaij na mọꞌ carijtacdyeꞌ mi, jịꞌcätsevaꞌ mọꞌ yụꞌtacdyeꞌ soꞌminsiꞌ muꞌ Jenꞌ.

Filemóndyes 1:1

Yụ Pablo ĉäꞌräij yụ Jesucristodyes, yụ yiriꞌyaꞌ Timoteotum, muꞌ vojity tsun, sáñeꞌ ọij mídyes Filemón, mạꞌjeyacdyety tsun, vaj meꞌ carijtaĉaty Jenꞌdyes tsun.

Hebreodyes 3:6

Muꞌ na Cristo jam úñity, muꞌ Ạvaꞌ muꞌ Jenꞌtyiꞌ, jämꞌ chicaqui Jenꞌ muꞌ, muꞌ rụij ayoꞌbuꞌyi Jenꞌtyidyes muntyiꞌ muꞌ. Meꞌ tsun chimeꞌ Jenꞌtyiꞌ muntyiꞌ shupquejaꞌ tsun, yejĉojaꞌ jụijyaꞌ sóñiꞌyedyeꞌtum bisaĉaꞌ Jenꞌdyes tsun.

Jị'cavacdye' 2:1

—Sáñevaꞌ anjerdyes, muꞌ ĉọjcacsity ñuruꞌtyity yụ́tyiꞌ in muꞌin Efesoĉan bäꞌyitydyes in, jéme ọij p̂eyacdyeꞌ muꞌindyes in: "Yi muꞌ tapchucsity yävätidyeꞌ ọ́rotaꞌ in tacvesyaꞌ un muꞌ judyeyaꞌ dyeteꞌĉaĉan vera yụꞌtaquis muꞌĉaĉan tyeij miꞌity. Yi muꞌ jínac: