Lucas 1:2 - Tsimane

² Muꞌin sánaquity in mọꞌdye mọmoꞌ p̂eyacdyeꞌ sáñeꞌ in yódyesdyemꞌ seꞌveꞌsiꞌ tsun, mọꞌ soꞌminsiꞌ tsun in muꞌin cạiꞌtyiꞌ p̂eyacdyeꞌ Jesucristos in, ĉaĉaij na tạꞌcaty muꞌin cạvetety in yoquiꞌdyemꞌ tiyacchutiꞌyaꞌ carijtaqui jiquej u.

Lucas 1:2 Iomraidhean Croise

Marcos 1:1

Ọij nash jämꞌsiꞌ p̂eyacdyeꞌ p̂eijte muꞌ Jesucristo Jenꞌtyiꞌ Ạvaꞌ muꞌ. Tashcheꞌ raꞌ yụ p̂eijte muꞌ Juan yoj yiꞌdyemꞌ mọꞌ sánacdyeꞌ Isaíassiꞌ, jasoꞌmitity p̂eyacdyeꞌ Jenꞌ jiquej u. Yiꞌ sánacdyeꞌ: Yụ raꞌ jutete jutactyiꞌ yụ, muꞌ raꞌ tashi paj qui jäꞌmiij jämꞌ yuꞌtyiyin mídyes majmi.

Marcos 16:20

Muꞌin jutactyiꞌ muꞌ sacti in, paiꞌ voroꞌtacsi in. Ayoꞌ tsun nọ́tyetacsi soꞌmacsi ferdyeꞌ jịꞌcavacdyes muꞌin, paj qui jorojĉan mọꞌyaꞌ Jenꞌsiꞌ p̂eyacdyeꞌ muꞌ.

Marcos 4:14

Muꞌ cätity muntyiꞌ mọꞌ cạiꞌ jeñej muꞌ voroꞌtacsity Jenꞌsiꞌ p̂eyacdyeꞌ muꞌ.

Juan 15:27

Chimeꞌdye raꞌ miꞌin jiꞌjäcdyiĉaꞌ yụ miꞌin junꞌ chuc yụ, ĉaĉaij na tạꞌcatydye penꞌdyeꞌ yụ miꞌin —jéyacsi Jesús jịꞌchiyactyiꞌ muꞌ.

Juan 16:4

Jäꞌmij q̂uinꞌ jéyac p̂eyacdyeꞌ paj qui chịj miꞌin judyeyaꞌ paj qui chimeꞌ dyijtubutiĉaꞌ miꞌin p̂eyacdyeꞌ yụ aty ayijyaꞌ tupudyeꞌ. Tashcheꞌ jiquej jambiꞌ jéyac miꞌin ọij, ĉaĉaij na yụ tacaꞌ penꞌdyetuyac miꞌin.

Uñedye' 1:3

Vañinyeban chat qui rụiꞌcuꞌĉan jiꞌcavibun muꞌinyaꞌ in, jorojĉan aty muꞌyaꞌ quivij tsạꞌ buꞌban. Vạjpedyeꞌ quiꞌtac mạyedyeꞌ bäꞌyetaqui úcheꞌ jaccheꞌ, daiꞌ quiꞌ jiꞌcaviti muꞌinyaꞌ in, jéyacsi Jenꞌsiꞌ p̂eyacdyeꞌ p̂eyeꞌ ayoꞌbuꞌyedyes Jenꞌsiꞌ muꞌ.

Uñedye' 1:8

Jiꞌtŝunac raꞌ Jenꞌsiꞌ Ạꞌedyeꞌ muꞌ, mọꞌ raꞌ soꞌminac ferdyeꞌ, chat qui raꞌ q̂uinꞌdyemꞌ miꞌin jịꞌchiqueyacsi yoctyiꞌ muntyiꞌ in mọꞌ cavibutiĉas jiquej miꞌin, ijacdyeꞌ yụ judyeyaꞌ vañinyedyeꞌ yụ. Jéyacsi raꞌ miꞌin tashcheꞌ úĉantyiꞌ Jerusalénĉantyiꞌ in, judyeyaꞌ Judeaĉantyiꞌ in, judyeyaꞌ Samariaĉantyiꞌ in, judyeyaꞌ paiꞌ junaty ĉụiꞌ in räj jadyicvety jac chimeꞌ in, meꞌ meꞌ raꞌ jéyacsi miꞌin mọꞌ p̂eyacdyeꞌ p̂iyinsiꞌ yụ —jéyacsi Jesús.

Uñedye' 14:25

dạquishanꞌ in mọꞌ bäꞌyedyeꞌ Perge. Muꞌĉan voroꞌtacsi in Jenꞌsiꞌ p̂eyacdyeꞌ muꞌ chat qui Ataliaĉan jịjcaij in.

Uñedye' 16:6

Pablo penꞌdyeꞌtumdye quivij miꞌeban in sapaꞌjeꞌ in mọꞌ jac Frigia judyeyaꞌ Galacia. Muꞌĉandyety jam voroꞌtacsi in Asiaĉan, Jenꞌsiꞌ qui namꞌ Ạꞌedyeꞌ muꞌ nọ́csiꞌ paj qui jam muꞌĉan voroꞌtacsi in.

Uñedye' 17:11

Muꞌin Bereaĉantyiꞌ judío in mujuꞌchaꞌ dyijyedyeꞌtumtyiꞌ in, fer mạꞌjeꞌ seꞌvepte in p̂eyacdyeꞌ muꞌ, jam jeñej muꞌin Tesalónicaĉantyiꞌ in. Räjĉan mạyedyeꞌ jiꞌchäyiti in Jenꞌsiꞌ sánacdyeꞌ muꞌ, mạꞌjeꞌ chị́yepte jiꞌchäyitidyeꞌ Pablos in, areꞌ rụijsis muꞌ, areꞌ jam.

Uñedye' 26:16

Sacyebada q̂uinꞌ, yụ jiꞌcaviti míyaꞌ yụ raꞌ yụꞌtyeye úñitydyety yụ, paj qui mi jéyacsi paiꞌ muntyiꞌ in jedyeꞌ chuc yụ jịꞌcaveyeye q̂uinꞌ judyeyaꞌ jedyeꞌ chuc raꞌ jịꞌcaveyeye jábiyaꞌ.

Uñedye' 4:20

Tsun raꞌ jam junꞌ farajjeꞌ mọꞌ p̂eyeꞌ mọꞌ cạveꞌsiꞌ tsun judyeyaꞌ seꞌveꞌsiꞌ tsun, mijam raꞌ junꞌ ticameꞌ tsun —yi jéyacsi in.

Uñedye' 8:4

Muꞌin yacchuiꞌtyiꞌ Jerusalén in, paiꞌ jịjcaij in voroꞌtacsi in Jenꞌsiꞌ p̂eyacdyeꞌ muꞌ, junꞌve ĉụiꞌ mọmoꞌ jịjcaij in.

Romaĉantyidyes 15:16

paj qui yụ voroꞌtacsi muꞌin jam judío in, meꞌdyes muꞌ jutin yụ muꞌ Jesucristo. Yụ jeñej buꞌyi yirity cudyitity Jenꞌcheꞌ, meꞌ buꞌyi voroꞌtacsi yụ jämꞌsiꞌ p̂eyacdyeꞌ Jenꞌsiꞌ muꞌ. Muꞌin na jam judío in jeñej buꞌyi jiꞌcoꞌshayacdyeꞌ Jenꞌdyes in, mọꞌ soꞌmetes yụ, mọꞌ maꞌjotyes Jenꞌ, meꞌ buꞌyi muꞌin in. Meꞌdye raꞌ muꞌ chimeꞌ tiĉunacsi muꞌin jam judío in, ĉaĉaij na Jenꞌsiꞌ Ạꞌedyeꞌ muꞌ aty c̣hiconꞌtac yụꞌtacsiꞌ muꞌin in.

Tashches Corintoĉantyidyes 4:1

Meꞌ raꞌ chäyitiĉaꞌ tsun miꞌin, tsun Cristoty úñity muꞌ, muꞌ nash yuꞌtyin tsun paj qui tsun jéyacsi muntyiꞌ in Jenꞌsiꞌ p̂eyacdyeꞌ muꞌ, jam chị́yeptes jiquej urucyaty muntyiꞌ in.

Hebreodyes 2:3

Dadamꞌ tsun q̂uinꞌ, mijam raꞌ méquiꞌ c̣honchusinꞌ muꞌ Jenꞌ, jam dyijtupjaꞌyaꞌ mọꞌ p̂eyacdyeꞌ p̂eyeꞌsiꞌ mọꞌ därsiꞌ c̣honꞌdyedyes. Muꞌdye Ayoꞌ tsun muꞌ tashi voroꞌyi ọij p̂eyacdyeꞌ, chat qui muꞌin seꞌveptety p̂eyacdyeꞌ in muꞌin qui rụij jiꞌchäquiyibusinꞌ in mọꞌ p̂eyacdyeꞌ, judyeyaꞌ jiꞌĉuyisinꞌ in anic rụijsis mọꞌ.

Tashches Pedros 5:1

Q̂uinꞌ yụ raꞌ soꞌmeyac ọij p̂eyacdyeꞌ miꞌin ĉọjcacsity muꞌin anicjetety Jenꞌ in. Yụ chimeꞌdye meꞌ buꞌyi ĉọjcacsity, yụ cạveptety Cristos ñịbedyes jiquej muꞌ, yụ́mun raꞌ chimeꞌ penꞌdyetute aty jiꞌcavitiyaꞌ muꞌ, mạyedyeꞌchestum ferdyeꞌ atsijbanyaꞌ raꞌ muꞌ.

Jäqui'ves Pedros 1:16

Ọij jiꞌchäyitidyeꞌ jéyacsiꞌ tsun miꞌin, mọꞌ p̂eijbites ferdyeꞌ Jesucristos muꞌ Ayos tsun judyeyaꞌ caꞌñibudyeꞌ raꞌ muꞌ, mọꞌ anicsis p̂eyacdyeꞌ, mọꞌ jam muntyis väñädyeꞌ muꞌin, mọꞌ jiꞌshupques ĉụiꞌsiꞌyaꞌ dyijyedyeꞌ muꞌin. Tsun ĉụiꞌsiꞌyaꞌ vej tsun cạvepte tsun pashquedyeꞌ muꞌ.