Juan 9:4 - Tsimane

⁴ Mạij carijtaqui muntyiꞌ in, tsedyedyeꞌ qui namꞌ jam, mọꞌdyes tsun chimeꞌ jemoñeꞌ yejĉojaꞌ carijtaĉaꞌ Jenꞌdyes tsun, muꞌ jutintyiꞌ yụ, jambiꞌdyemꞌ yómoiꞌ jambiꞌdyemꞌ jiyiꞌ tupudyeꞌ.

Juan 9:4 Iomraidhean Croise

Mateos 20:7

Muꞌin vorjete in: "Ĉaĉaij na jam tyi jiꞌcarijtyin tsun in." Muꞌ muntyiꞌ jéyacsi: "Tạij miꞌin yụ́sĉan quịjodyeꞌ jịjcajamꞌ muꞌĉan carijtaĉamꞌ."

Marcos 3:3

Jesús yi jéte muꞌ muntyiꞌ putyuijtyiꞌ un: —Sacyeva tashcheꞌ buꞌva.

Juan 10:32

Jesús jéyacsi: —Daiꞌ nọ́tacsi muntyiꞌ yụ, jịꞌcaveyeyac ferdyeꞌ yụ mọꞌ soꞌminsiꞌ Jenꞌ yụ. ¿Jụꞌñis caꞌ ferdyeꞌ jiꞌmeꞌtyin raꞌ yụ paj qui mijyaꞌ ijatiĉaꞌ yụ miꞌin? —jéyacsi Jesús.

Juan 10:37

Jam meꞌ Jenꞌsiꞌ dyijyedyeꞌ cạpte jụijyaꞌ yụ, a vuty jam anicjitiĉaꞌ u miꞌin.

Juan 12:35

Vorjeyacsi Jesús: —Atyuꞌ damꞌdyety penꞌdyetuyac miꞌin, atyuꞌ damꞌdyety mạijchuyac chimeꞌ. Mạijquedyeꞌĉandyemꞌ q̂uinꞌ miꞌin, jäꞌmij yejĉojamꞌ miꞌejamꞌ paj qui jam tojmadyeꞌĉan bäꞌyi miꞌin. Tyi chuc tojmadyeꞌĉan miꞌity jụijyaꞌ jam chịj junꞌve chuc raꞌ jịjcaij.

Juan 17:4

Yụ aty jorojĉanjebiye fer buꞌyedyeꞌ mi muꞌinsiꞌyaꞌ vej in muꞌin jacchety muntyiꞌ in ĉaĉaij na aty meꞌquiꞌ ijaij yụ mọꞌ carijtacdyeꞌ soꞌmitis jiquej mi.

Juan 4:34

Jesús jéyacsi: —Yụ́siꞌ säcsedyeꞌ chiquepte raꞌ yụ Jenꞌsiꞌ p̂eyacdyeꞌ muꞌ, muꞌ jutintyiꞌ yụ, paj qui ijaij yụ carijtacdyeꞌ, mọꞌ soꞌminsiꞌ yụ.

Juan 5:19

Jesús jéĉunacsi: —Yụ jéyac: Yụ Jenꞌtyiꞌ Ạvaꞌ yụ jam ĉụiꞌsiꞌ dyijyedyeꞌ cäc̣häꞌchuiꞌ yụ, Jenꞌsimꞌ cäc̣häꞌchupte dyijyedyeꞌ yụ. Jedyeꞌ chuc carijtyeꞌ Jenꞌ yụ, chịmoꞌdye yụs carijtacdyeꞌ, ĉaĉaij na yụ Ạvaꞌ muꞌ.

Juan 5:36

Jam Juan mọmoꞌ jịꞌchiqueyacsi junꞌ chuc yụ, chimeꞌdye mọꞌ carijtacdyeꞌ soꞌminsiꞌ yụ Jenꞌ, mọꞌ jämꞌtyes yụ muꞌsiꞌyaꞌ ferdyeꞌ muꞌ, mọꞌ dadamꞌ mọjoꞌchaꞌ jịꞌchiqueyacsiꞌ, yụ nash jutactyiꞌ Jenꞌtyiꞌ muꞌ.

Juan 7:33

Jesús p̂eyaqui yi: —Damꞌdyety raꞌ penꞌdyetuyac miꞌin, chat qui raꞌ jọban yụ, yụ raꞌ caꞌñibun muꞌyaꞌ jutintyiꞌyaꞌ yụ.

Uñedye' 4:20

Tsun raꞌ jam junꞌ farajjeꞌ mọꞌ p̂eyeꞌ mọꞌ cạveꞌsiꞌ tsun judyeyaꞌ seꞌveꞌsiꞌ tsun, mijam raꞌ junꞌ ticameꞌ tsun —yi jéyacsi in.

Galaciaĉantyidyes 6:10

Mọꞌdyes junꞌsiꞌ jụijyaꞌ ĉụiꞌ tupuj tsun, jemoñeꞌ räj nọ́tyetacsejaꞌ muntyiꞌ in, dadamꞌ muꞌin anicjetety Jenꞌ in jemoñeꞌ nọ́tyetacsejaꞌ in.

Efesoĉantyidyes 5:16

Jam raꞌ fibiꞌ mọmoꞌ bäꞌyi miꞌin, räjĉan raꞌ carijtaqui Jenꞌdyes miꞌin ĉaĉaij na q̂uinꞌ daiꞌ muꞌyaꞌ ac̣hiꞌyity muntyiꞌ in.

Colosasĉantyidyes 4:5

Jemoñeꞌ miꞌin dyijyedyeꞌtum bäꞌyi muꞌintum in jam anicjetetytum Jenꞌ in, jam raꞌ fibiꞌ mọmoꞌ bäꞌyi muꞌintum miꞌin, räjĉan raꞌ jịꞌchiqueyacsi miꞌin Jenꞌsiꞌ p̂eyacdyeꞌ muꞌ.