Juan 9:3 - Tsimane

³ Vorjeyacsi Jesús: —Jam juchadyes tofej naꞌi, mijam ĉụiꞌsidyes juchaj muꞌ, mijam jenꞌsiꞌ juchaj muꞌ. Muꞌ naꞌi meꞌ paj qui jịꞌcavacdyes muntyidyes in paj qui cạvepte in Jenꞌsiꞌ ferdyeꞌ muꞌ.

Juan 9:3 Iomraidhean Croise

Mateos 11:5

Jecmac junꞌ chuc yụ jịꞌnaijtacseban muꞌin tofety in, judyeyaꞌ jiꞌmiꞌacseban yụ muꞌin bureijtyiꞌ in, judyeyaꞌ jiꞌchäcacseban yụ muꞌin bayiꞌyiijtyiꞌ in, judyeyaꞌ jiꞌseꞌvacseban yụ muꞌin tyuctyity chun in, judyeyaꞌ vañinjeyacseban yụ muꞌin aty säñity in, judyeyaꞌ jéyacsi yụ ñịbety in c̣honꞌdyedyes p̂eyacdyeꞌ.

Juan 11:4

Chị́qui muꞌ Jesús yi: —Mọꞌ japacjodyeꞌ muꞌ jam sänꞌdyedyes muꞌ, mọꞌ jịꞌĉocdyes Jenꞌsidyes ferdyeꞌ paj qui jorojĉanjibun yụ ferdyeꞌ yụ Jenꞌtyiꞌ Ạvaꞌ yụ —jéyacsi Jesús.

Juan 11:40

Vorjeꞌ Jesús: —A bajaꞌ jéye yụ, anicyiꞌ jụijyaꞌ mi cạvepte raꞌ mi därsiꞌ ferdyeꞌ Jenꞌsiꞌ muꞌ —jeꞌ Jesús.

Uñedye' 28:4

Muꞌĉan bäꞌyity in aty meꞌ cạvete in, yi jítidyeij in: —Areꞌ uts ijacsity muntyiꞌ, meꞌ tsanꞌ c̣hoñi muꞌ ojñiꞌĉan, muꞌ qui namꞌ jenꞌ yócheꞌdyemꞌ ĉútiĉaꞌcheꞌ tsun u, muꞌ raꞌ jam junꞌ c̣honchute, säñi raꞌ muꞌ —yi jítidyeij in.

Uñedye' 4:21

Muꞌin ayoꞌ in dadamꞌ mujuꞌchaꞌ c̣hojvacsi in chat qui jiꞌc̣honacsi in, jam tupuj vaꞌtacdyeꞌ soꞌmacsi in ĉaĉaij na räj muntyiꞌ in timaꞌquete Jenꞌ in ĉaĉaij na muꞌin jiꞌchäĉajte in.

Tashches Juansi' 4:16

Meꞌ tsun chị́yepja mạꞌjitidyes Jenꞌsiꞌ muꞌ junꞌ chuc muꞌ mạꞌjisinꞌ tsun, mọꞌ anicjepja tsun, ĉaĉaij na muꞌ Jenꞌ mạꞌjeyacsity buꞌyi. Tyi chuc yejĉoij mạꞌjeyacsity, muꞌ nash yejĉoij Jenꞌtum judyeyaꞌ muꞌ Jenꞌ yejĉoij muꞌtum chimeꞌ.

Tashches Juansi' 4:9

Jenꞌ jiꞌcaviyisinꞌ mạꞌjitidyes tsundyes, junꞌ chuc fer mạꞌjisinꞌ tsun, jutaqui qui yiritytyity Ạvaꞌ muꞌ, úcheꞌ quimꞌ atsij muꞌ jaccheꞌ, paj qui muꞌ tsạꞌchusinꞌ judyeyaꞌ Jenꞌyadyety yuꞌsinꞌ chimeꞌ tsun, meꞌ muꞌ Jenꞌ jiꞌcaviyisinꞌ mạꞌjitidyes muꞌ.