Juan 8:2 - Tsimane

² Nojno pamꞌ caꞌñibun Jenꞌsiꞌyaꞌ acaꞌ jijtuban, ñur tŝọ́tyete muntyiꞌ in. Jesús p̂utsquenꞌyi tiyacchuiꞌ jịꞌchiyacsi.

Juan 8:2 Iomraidhean Croise

Mateos 26:55

Chat qui muꞌ Jesús jéyacsi muntyiꞌ in: —¿Jedyedyes caꞌ joꞌmes tutiñeꞌ coc̣hino judyeyaꞌ son? Jeñej quiyaij ac̣hiꞌyity muntyiꞌ ĉútiĉaꞌ yụ miꞌin, mạꞌjeꞌ meꞌ tapjitiĉaꞌ yụ miꞌin. Yoquiꞌ na Jenꞌsiꞌĉan acaꞌ yụ jiquej, muꞌĉan jịꞌchiyacsi yụ, jam méquiꞌ ĉushdyiĉaꞌ yụ miꞌin.

Lucas 21:37

Räjĉan mạyedyeꞌ muꞌ Jesús jịꞌchiyacsi Jenꞌsiꞌĉan acaꞌ muꞌ, yómoꞌ qui namꞌ mụcuꞌcheꞌ jịjcaij Orivocheꞌ, muꞌcheꞌ dyäqui.

Lucas 21:38

Muntyiꞌ in räj pamꞌ ĉọ́queꞌ in Jenꞌsiꞌ acamꞌ, seꞌvepte in Jesússiꞌ p̂eyacdyeꞌ muꞌ.

Lucas 4:20

Chat qui muꞌ Jesús quivij comonꞌjebanꞌ mọꞌ sánacdyeꞌ, soꞌmebajte muꞌ muꞌĉantyiꞌ nọ́taquity, chat qui bäꞌban. Räj muꞌĉantyiꞌ in vaj mọꞌcheꞌ vej muꞌin cạvete in.

Lucas 5:3

Muꞌ na Jesús yoctyiꞌcheꞌ covamba p̂aiꞌjoij Simóntyiꞌcheꞌ, chat qui Jesús jajiti: —Damꞌ majyayaꞌ jéme covamba mi. Chat muꞌcheꞌ qui p̂utsquenꞌyi, chat muꞌchetucsi jịꞌchiyacsi muntyiꞌ in.

Juan 4:34

Jesús jéyacsi: —Yụ́siꞌ säcsedyeꞌ chiquepte raꞌ yụ Jenꞌsiꞌ p̂eyacdyeꞌ muꞌ, muꞌ jutintyiꞌ yụ, paj qui ijaij yụ carijtacdyeꞌ, mọꞌ soꞌminsiꞌ yụ.

Juan 8:20

Muꞌĉan muꞌ Jesús jịꞌchiyacsi Jenꞌsiꞌĉan acaꞌ muꞌ, yóĉandyemꞌ yụꞌtacĉan querec̣ha u. Meꞌ tsanꞌ meꞌ jéyacsi Jesús, jam qui namꞌ ĉärꞌte in ĉaĉaij na jambiꞌ ayij tupudyeꞌ muꞌ.

Juan 8:3

Pạrej atsij fariseo in judyeyaꞌ jịꞌchiyacsity yụꞌtacdyeꞌ Jenꞌsiꞌ in, tuiꞌ in yiris p̂en, mọꞌ täjjeꞌsiꞌ in meꞌtacvaꞌjoiꞌsiꞌ sonꞌtum. Runꞌquenꞌjeꞌ yụꞌtyeꞌ in muntyisyaꞌ vej muꞌin.

Uñedye' 5:21

Jutactyiꞌ Jenꞌtyiꞌ muꞌ chiquepte p̂eyacdyeꞌ in. Aty nojno mạyedyeꞌ pamꞌdye Jenꞌsiꞌĉan acaꞌ siti in, tiyacchuti jịꞌchiyacsi muꞌĉan in. Muꞌin na ayoꞌ in jam chịj in. Muꞌ tashchety cudyitity Jenꞌcheꞌ judyeyaꞌ muꞌin nọ́taquity in, vajmuꞌyaꞌjeyacsi muꞌin tashcheꞌ buꞌyity judío in räjtumdye ayoꞌ in. Aty vajmuꞌyaij in, jutacsi tsanꞌ väc̣häꞌtyity in paj qui jäcacsi in muꞌin ĉärꞌtaquisĉantyiꞌ jutactyiꞌ Jenꞌtyiꞌ muꞌ.