Juan 7:7 - Tsimane

⁷ Muꞌin jacchety muntyiꞌ in jam junꞌ fáquinac in, mijam jedyeꞌ jiꞌmeꞌtyiyinac in, yụ na fáquin yụ in ĉaĉaij na yụ jorojĉanjeyacsebi aꞌc̣his dyijyedyeꞌ muꞌin.

Juan 7:7 Iomraidhean Croise

Proverbios 8:36

Muꞌin na vaꞌquicbuntyiꞌ dyijyedyeꞌ yụ in, muꞌin ĉụiꞌ ac̣hiꞌti in ĉụiꞌsiꞌyaꞌ juchaj muꞌin. Meꞌ buꞌyi muꞌin in fạ́quibuntyiꞌ dyijyedyeꞌ yụ in, muꞌin raꞌ sänꞌdyeꞌ soꞌmac in.

Lucas 6:26

Där raꞌ ñịbeꞌ cạvetiñeꞌ miꞌin timaꞌquinactyiꞌ q̂uinꞌ muntyiꞌ in, ĉaĉaij na meꞌ muꞌin jiquej vóshiꞌvun muꞌin utstyiꞌ muntyity in timaꞌcacsi in muꞌin väñäijtyiꞌ jiquej in, muꞌin jeñej buꞌyity jasoꞌmitity p̂eyacdyeꞌ Jenꞌ jiꞌĉutity in.

Juan 17:14

Yụ jịꞌchiyacsi mísiꞌ p̂eyacdyeꞌ. Jacchety qui namꞌ muntyiꞌ in fạ́cacsi in ĉaĉaij na muꞌin in aty jam jacchedyety in, yojdyemꞌ yụ u jam jacchedyety yụ.

Juan 3:19

Meꞌ tsanꞌ úcheꞌ jijtuij muꞌ mạijchucsity muntyiꞌ, uts na jam jụjjete in, tojmadyemꞌ maꞌjotyeꞌ in, mọꞌ qui namꞌ mạijquedyeꞌ muꞌ jam maꞌjotyepte in ĉaĉaij na mọꞌ jorojĉanjeyacsebiꞌ aꞌc̣his dyijyedyeꞌ muꞌin. Mọꞌ jiꞌmeꞌtacsiꞌ vaꞌtacdyeꞌĉandyety in ĉaĉaij na jam jụjjete in.

Romaĉantyidyes 8:7

Muꞌin aꞌc̣his dyijyedyeꞌ aꞌsiꞌ cạquity in, muꞌin meꞌtyity in fáquitity Jenꞌtum in, meꞌ shupqui in. Muꞌindye jam mạꞌjeꞌ chiquepte yụꞌtacdyeꞌ in, mijam junꞌ buꞌyi tupuj chiquepte in ĉaĉaij na itŝiꞌ ferdyeꞌ meꞌchuiꞌ ĉojtyiꞌĉan in.

Galaciaĉantyidyes 4:16

¿Fáquitity buty yụ miꞌintum yuꞌtiĉaꞌ miꞌin jéyacdyeꞌyaꞌ mọꞌ rụijsis p̂eyacdyeꞌ, mọꞌ buty jiꞌfajquiyitiĉaꞌ yụ miꞌin?

Santiagos 4:4

Jeñej voꞌvoiꞌsiꞌ p̂en miꞌin, jam vämtyis dyijyedyeꞌ cạptes, meꞌ buꞌyi miꞌin, jam Jenꞌsiꞌ dyijyedyeꞌ cạptinte miꞌin, jacches mọmoꞌ dyijyedyeꞌ cạtiñeꞌ. ¿Jam chịj u miꞌin mạꞌjejaꞌ jụijyaꞌ jacches jedyeꞌ, fáquitiĉaꞌ Jenꞌtum, meꞌ shupquejaꞌ?

Tashches Juansi' 4:5

Muꞌin na jacches mọmoꞌ dyijyedyeꞌ p̂eyeꞌ in, muꞌin jacchety in seꞌvacsebi p̂eyacdyeꞌ muꞌin, ĉaĉaij na jacchety mọmoꞌ muꞌin in.