Juan 7:16 - Tsimane

¹⁶ Vorjeyacsi Jesús: —Jam nash ọij ĉụiꞌsiꞌ jiꞌchäyitidyeꞌ yụ, muꞌ Jenꞌ jutintyiꞌ yụ, muꞌsiꞌ nash jiꞌchäyitidyeꞌ muꞌ.

Juan 7:16 Iomraidhean Croise

Juan 14:10

¿Jam adac anicjitim yụ nash Jenꞌtum buꞌyi judyeyaꞌ muꞌ Jenꞌ yụ́tum buꞌyi chimeꞌ? Ọij jiꞌchäyitidyeꞌ soꞌmeyacsiꞌ yụ miꞌin, mọꞌ jam ĉụiꞌsiꞌ dyijyedyeꞌ yụ. Muꞌ Jenꞌ yụ yụ́tum buꞌyity, muꞌsiꞌ dyijyedyeꞌ carijtyepte yụ.

Juan 14:24

Tyi chuc jam mạꞌjintyiꞌ yụ in, muꞌin raꞌ jam junꞌ chäquibun p̂eyacdyeꞌ yụ in. Mọꞌ p̂eyacdyeꞌ yụ seꞌvibutiĉas miꞌin, mọꞌ jam ĉụiꞌsiꞌ dyijyedyeꞌ yụ, Jenꞌsiꞌ nash yụ, muꞌ jutintyiꞌ yụ.

Juan 17:14

Yụ jịꞌchiyacsi mísiꞌ p̂eyacdyeꞌ. Jacchety qui namꞌ muntyiꞌ in fạ́cacsi in ĉaĉaij na muꞌin in aty jam jacchedyety in, yojdyemꞌ yụ u jam jacchedyety yụ.

Juan 17:8

Aty yụ jiꞌjiyeyacsi mọꞌ p̂eyacdyeꞌ soꞌmitis jiquej mi, muꞌin jụjbun in. Muꞌin chịj in míyaty atsij yụ judyeyaꞌ anicjin yụ in yụ jutactyiꞌ mítyiꞌ.

Juan 3:11

Yụ anic jéye, ọij jiꞌchäyitidyeꞌ p̂eyacdyeꞌ jéyacsiꞌ tsun miꞌin, ọij anic rụijsis, mọꞌ cạves tsun, mọꞌdyes tsun jéyac, miꞌin qui namꞌ jam anicyi.

Juan 3:31

Muꞌ mạyedyeꞌchety muntyiꞌ anic mujuꞌchaꞌ buꞌyi, muꞌ na úchety jacchety, jacches mọmoꞌ chị́dyeꞌ meꞌchuiꞌ. Muꞌ na mạyedyeꞌchety muntyiꞌ, räj muꞌ mujuꞌchaꞌtacsi.

Juan 5:30

Yụ jam ĉụiꞌsiꞌtum dyijyedyeꞌ carijtaqui yụ, Jenꞌsiꞌtum dyijyedyeꞌ carijtaqui yụ, jịꞌcäts yụꞌtacsiij juchadyeꞌyaꞌ muntyiꞌ in, junꞌ chuc muꞌ Jenꞌ jutin yụ, mọꞌdyes anic rụij shupquiꞌ jịꞌcäts yụꞌtacdyeꞌ yụ, ĉaĉaij na jam ĉụiꞌsiꞌ dyijyedyeꞌ cäc̣häꞌchuiꞌ yụ, Jenꞌsimꞌ dyijyedyeꞌ cạpte yụ, yódyetydyemꞌ jutintyiꞌ u yụ.

Juan 6:44

Mijam raꞌ jụꞌñity cäc̣häꞌchun yụ in, jam meꞌ soꞌmacsi Jenꞌ dyijyedyeꞌ jụijyaꞌ, muꞌ jutintyiꞌ yụ. Jụꞌñity chuc cäc̣häꞌchun yụ in, muꞌin raꞌ vañinjeyacseban yụ jadyiquisĉan tupudyeꞌ.

Juan 8:28

Quivij p̂eyaqui Jesús jéyacsi: —Aty raꞌ yuꞌtiĉaꞌyaꞌ soncheꞌ miꞌin, yụ Anictyity Muntyiꞌ yụ, chat q̂uinꞌdyemꞌ raꞌ chäyitiĉaꞌ yụ miꞌin tyi buty yụ. Jam ĉụiꞌsiꞌ dyijyedyeꞌ meꞌchuiꞌ yụ, mọꞌ mọmoꞌ jịꞌchiyacsiij yódyesdyemꞌ soꞌminsiꞌ Jenꞌ u yụ, mọꞌ jéyacsi yụ junꞌ chuc Jenꞌ jin yụ.

Pärä'yis Juansi' 1:9

Tyi chuc jam yejĉoij cäc̣häꞌchuiꞌ Cristos jiꞌchäyitidyeꞌ jụijyaꞌ in, yocsiꞌ qui damꞌdye mọꞌcheꞌ cächjeꞌ jụijyaꞌ in, yódyesyaꞌdyemꞌ jam jịꞌchiyacsi Cristo u, muꞌin meꞌtyity in jam meꞌchute Jenꞌ in. Tyi chuc yejĉoijtyiꞌ cäc̣häꞌchupte in Cristos jiꞌchäyitidyeꞌ muꞌ, muꞌin chat aty meꞌchute Jenꞌ in, judyeyaꞌ Jenꞌtyiꞌ Ạvaꞌ muꞌ meꞌchupte chimeꞌ in.

Jị'cavacdye' 1:1

Ọij q̂uinꞌ sánacdyeꞌ Juansiꞌ muꞌ, mọꞌ p̂eyeꞌ jịꞌcavacdyeꞌ Jesucristos muꞌ. Muꞌ Jenꞌ mọꞌ jajiꞌcaviyiti Jesucristo junꞌ chuc raꞌ jiyiꞌ cavintum yocsiꞌĉan mạyedyeꞌ, paj qui muꞌ jiꞌjiyeyacsi muntyiꞌ muꞌ. Mọꞌdyes qui muꞌ Jesucristo jutete yirity anjer muꞌ paj qui mọꞌ jajiꞌchäquiyiti muꞌ Juan úñity muꞌ.