Juan 7:12 - Tsimane

¹² Daiꞌ muꞌin muntyiꞌ in p̂eijvaꞌte in, jítidyeij in: "Anic rụijtyity muꞌ", yi in. Pạrej na yi in: "Jam nash muꞌ rụijtyity, cäj jịꞌchiyacsi muntyiꞌ in", yi in.

Juan 7:12 Iomraidhean Croise

Mateos 10:25

Muꞌ jịꞌchiyactyiꞌ jemoñeꞌ dyijyi paj qui cätste muꞌ jịꞌchiyetety, judyeyaꞌ muꞌ úñity jemoñeꞌ dyijyi paj qui cätste ayoꞌ muꞌ. Meꞌdye raꞌ chimeꞌ miꞌin cäc̣häꞌchutiĉaty yụ miꞌin, ĉaĉaij na muntyiꞌ jin yụ in: "Uts nash ayoꞌ sọyoty mọꞌin, tịj muꞌ Beelzebú", jin yụ in. Meꞌ ñäñin yụ in ayoꞌ miꞌin, dadamꞌ raꞌ miꞌin mujuꞌchaꞌ ñäñinac in úñity yụ.

Mateos 21:46

Mọꞌdyes qui muꞌin in mạꞌjeꞌ tsanꞌ jiꞌĉärꞌte in Jesús, jam qui namꞌ junꞌte in ĉaĉaij na quijnacsi muntyiꞌ in, muꞌin na chị́yetety in muꞌ Jesús jutactyiꞌ Jenꞌtyiꞌ muꞌ.

Mateos 27:63

Muꞌin jéte in: —Muꞌ väväjñityvun jiquej tsạꞌdyemꞌ jiquej yi: "Chibin raꞌ mạyedyeꞌ vañinyeban yụ."

Lucas 18:19

Jesús vorjajiti: —¿Junꞌ meꞌ jítiꞌ um "jämꞌyity" jítim? Meꞌdye yirity mọmoꞌ muꞌyaꞌ jämꞌyity Jenꞌ.

Lucas 23:47

Muꞌ väc̣häꞌtyitytyiꞌ ayoꞌ muꞌin Romaĉantyiꞌ in aty cạvepte sänꞌdyeꞌ muꞌ, chat muꞌ q̂uinꞌdyemꞌ timaꞌquete Jenꞌ, yi: —Anic rụijtyity uts muntyiꞌ jiquej.

Lucas 23:50

Muꞌyaꞌ jiquej yirity muntyiꞌ José tịj muꞌ Arimateaĉantyiꞌ muꞌ, Judeaĉansiꞌ bäꞌyedyeꞌ. Anic muꞌ jämꞌyity judyeyaꞌ rụij bäꞌyity chimeꞌ, muꞌ bisvaꞌbite tupudyeꞌ Jenꞌsiꞌ muꞌ ayoꞌbuꞌyedyes muꞌ. Meꞌ tsanꞌ muꞌĉantyiꞌ in tashcheꞌ yụꞌtactyiꞌ judíoty muꞌin, muꞌ qui namꞌ jam jämꞌ ĉọcsebi dyijyedyeꞌ muꞌin meꞌjetety raꞌ Jesús in.

Lucas 6:45

Meꞌdye muꞌ chimeꞌ muntyiꞌ, muꞌ rụijtyity muntyiꞌ rụijsis dyijyedyeꞌ jiꞌshupqueꞌ, ĉaĉaij na rụijsis meꞌchuiꞌ ĉojtyiꞌĉan muꞌ. Muꞌ na ac̣hiꞌyity muntyiꞌ, mọꞌdye jiꞌshupqueꞌ, aꞌc̣his dyijyedyeꞌ muꞌ, ĉaĉaij na mọꞌdye ĉojtyiꞌĉan muꞌ. Ĉaĉaij na jedyeꞌ chuc mọjoꞌchaꞌ mọꞌyaꞌ ĉojtyiꞌĉan, mọꞌ shupquiꞌ chụꞌĉan p̂eyac.

Lucas 7:16

Muꞌin na muntyiꞌ in jämꞌ muꞌin itŝijyi ĉojtyiꞌĉan in, muꞌyaꞌdye timaꞌquete Jenꞌ in, yi in: —Tsunyaꞌ tŝọij muꞌ anictyity jasoꞌmitity p̂eyacdyeꞌ Jenꞌ. Chimeꞌdye yi in: —Jenꞌ aty ĉushsinꞌ tsun paj qui ñútyisinꞌ.

Juan 6:14

Muntyiꞌ in cạvepte därsiꞌ ferdyeꞌ in Jesússiꞌ muꞌ, chat qui yi in: —Anicdye uts jasoꞌmitity p̂eyacdyeꞌ Jenꞌ, muꞌ p̂eijtety sánacdyeꞌ yiꞌ úcheꞌ ca raꞌ jijtuij jaccheꞌ —yi muntyiꞌ in.

Juan 7:32

Muꞌin fariseo in seꞌvacsebi muntyis p̂eyacdyeꞌ muꞌin, yi in muꞌ Jesús muꞌ Jiꞌc̣honacsity Muntyiꞌ. Mọꞌdyes qui muꞌin fariseo in judyeyaꞌ muꞌin tashchety cudyitity Jenꞌcheꞌ in jutacsi pạrej in muꞌin yụꞌtactyiꞌ ĉọjcaiꞌtyiꞌ in Jenꞌsiꞌ acaꞌ muꞌ paj qui muꞌin tapjete in.

Juan 7:47

Vorjeyacsi fariseo in: —¿Jiꞌcäc̣häꞌyiti adac miꞌinmun chimeꞌ muꞌyaꞌ?

Juan 7:52

Vorjete fariseo in: —¿Mi adac chimeꞌ muꞌĉantyiꞌ Galileaĉantyiꞌ muntyiꞌ? Jämꞌtuvaꞌ p̂eyevaꞌ sánacdyeꞌ, meꞌ raꞌ chat chịj mi jam nash junꞌ muꞌĉantyiꞌ Galileaĉantyiꞌ in jasoꞌmitity p̂eyacdyeꞌ Jenꞌ in —jéte in.

Juan 9:16

Pạrej muꞌin fariseo yi in: —Muꞌ muntyiꞌ meꞌjintyiꞌ mi jam nash muꞌ Jenꞌyaty atsij, meꞌdyes qui jam ạ̈räjjeꞌ mọꞌ mạyedyeꞌ jịꞌjutyitidyes —yi in. Pạrej na yi muꞌyaꞌ in: —Juchajtumtyiꞌ jụijyaꞌ muꞌ muntyiꞌ, junꞌdyemꞌ joꞌmes meꞌchuiꞌ ferdyeꞌ —yi in. Mijam méquiꞌ cäts dyijyi muꞌcheꞌ in.

Romaĉantyidyes 5:7

¿Tyi bu raꞌ tupuj yirity muntyiꞌ jiꞌijati yoctyidyes muntyiꞌ in? Meꞌ raꞌ tsanꞌ rụijtyitydyes muntyiꞌ jụijyaꞌ, jam raꞌ junꞌ jiꞌijati muꞌdyes paj qui ñutsjetyete. Vatyquej muꞌyaꞌ jụijyaꞌ yirity muntyiꞌ mạꞌjeꞌ jiꞌijati jämꞌtyidyes.

Filiposĉantyidyes 2:14

Räjĉan raꞌ meꞌ miꞌin aty qui raꞌ jam jedyeꞌ jítidyeij miꞌin, aty qui raꞌ jam mistyivaꞌti chimeꞌ miꞌin.