Juan 6:2 - Tsimane

² Anic daiꞌ muntyiꞌ jịjcate in ĉaĉaij na cạvepte in ferdyeꞌ muꞌ jịꞌcaveyacsis, junꞌ chuc jiꞌchäcacseban areꞌreijtyiꞌ muntyiꞌ in.

Juan 6:2 Iomraidhean Croise

Mateos 12:15

Jesús chị́qui p̂eyacdyeꞌ ijate raꞌ in, mọꞌdyes qui yocve jịjcaij muꞌ. Anic shach cäc̣häꞌchute muntyiꞌ in. Räj jiꞌchäcacseban japacjoijtyiꞌ in,

Mateos 13:2

Anic shach muntyiꞌ ĉọshte in muꞌ Jesús, chat qui covambacheꞌ jịjcaij, muꞌcheꞌ qui p̂utsquenꞌyi muꞌcheꞌ buꞌyi qui, muntyiꞌ na taccheꞌ jámancheꞌ in.

Mateos 14:14

Aty p̂aiꞌjoijyaꞌ muꞌ Jesús covambachety anic shach cạvacsi muntyiꞌ in. Anic ñịbeꞌ ĉọcsi mọꞌdyes qui jiꞌchäcacseban japacjoijtyiꞌ in.

Mateos 8:1

Aty mụcuꞌchety jijtuban chạban muꞌ Jesús, anic shach cäc̣häꞌchute muntyiꞌ in.

Marcos 1:45

Muꞌ na jam yi, paiꞌ muꞌ jéyacsi muntyiꞌ in junꞌ chuc muꞌ Jesús jajiꞌchäĉun. Mọꞌdyes qui sacyi muntyiꞌ in, muꞌ na Jesús aty muꞌ jam tupuj ĉúti siti bäꞌyedyeꞌĉan muntyisyaꞌ vej muꞌin, cäjyaꞌ mọmoꞌ bäꞌyi tacyaꞌ. Paiꞌ bäꞌyity in ĉọcte in muꞌ Jesús.

Marcos 6:33

Daiꞌ muntyiꞌ jịꞌĉojcayacsi in ĉaĉaij na chị́yacsi in, meꞌdyes qui muꞌin shujmun tyeij miꞌi in, muꞌve jịjcaij in yóvedyeꞌ raꞌ jịjcaij muꞌ Jesús u jịꞌchiyactyiꞌtum muꞌ. Muꞌin na muntyiꞌ in aty tashaque venjoque in, paiꞌ junanaty ĉụiꞌ bäꞌyedyeꞌ atsij in.

Juan 11:47

Mọꞌdyes qui muꞌin fariseo in vajmuꞌyaij muꞌin in tashchety cudyititytum Jenꞌcheꞌ in, räjtumdye judíoty ayoꞌ muꞌin. Yi jítidyeij in: —¿Junꞌ qui bu raꞌ q̂uinꞌ tsun ĉaĉaij na muꞌ Jesús anic daiꞌ jịꞌcaveyacsi ferdyeꞌ muꞌ?

Juan 12:18

Dyijtupte ferdyeꞌ in mọꞌdyes qui daiꞌ jiꞌrebete in muꞌ Jesús.

Juan 12:37

Meꞌ tsanꞌ muꞌ Jesús anic daiꞌ quiꞌ jịꞌcaveyacsi ferdyeꞌ muꞌinsiꞌyaꞌ vej muꞌin, uts na muꞌin tacaꞌ meꞌ mọmoꞌ in, jam anicjete in.

Juan 2:11

Mọꞌ jịꞌcaveyacsi tashches ferdyeꞌ muꞌ Jesús, muꞌĉan Canáĉan Galileaĉansiꞌ bäꞌyedyeꞌ mọꞌ, jịꞌcaveyacsi därsiꞌ ferdyeꞌ muꞌ. Muꞌin qui jịꞌchiyactyiꞌ muꞌ dadamꞌ anicjete in.

Juan 2:23

Muꞌĉan Jerusalénĉan muꞌ Jesús cạveꞌ mọꞌ feshta Jiꞌc̣honacdyes. Muꞌĉan jịꞌcaveyacsi ferdyeꞌ muꞌ mọꞌdyes qui daiꞌ anicjete in.

Juan 20:30

Jịꞌchiyactyisyaꞌ vej muꞌin jiquej muꞌ Jesús daiꞌ quiꞌ jịꞌcaveyacsi yocsiꞌ ferdyeꞌ muꞌ, mọꞌ jam sánacsiꞌ ọ́ĉan sánacdyeꞌĉan.

Juan 3:2

Uts ĉọcte tsedyedyeꞌ muꞌ Jesús jéte: —Jịꞌchiyacsity, tsun cạvepyac ferdyeꞌ mi, mọꞌdyes chị́yeyac mi Jenꞌtyiꞌ jutactyiꞌ muꞌ paj qui jịꞌchiyacsi muntyiꞌ mi. Jam meꞌchupte Jenꞌsiꞌ ferdyeꞌ jụijyaꞌ mi, a vuty jam tupuj meꞌ jịꞌcaveyacsi um ferdyeꞌ mi —yi muꞌ Nicodemo jéte Jesús.

Juan 6:14

Muntyiꞌ in cạvepte därsiꞌ ferdyeꞌ in Jesússiꞌ muꞌ, chat qui yi in: —Anicdye uts jasoꞌmitity p̂eyacdyeꞌ Jenꞌ, muꞌ p̂eijtety sánacdyeꞌ yiꞌ úcheꞌ ca raꞌ jijtuij jaccheꞌ —yi muntyiꞌ in.

Juan 6:22

Aty nojno mạyedyeꞌ muꞌin jiꞌyajcatity nopej in quevjajte tsanꞌ in muꞌ Jesús. Chịj muꞌin in yedyety mọmoꞌ muꞌin in jịꞌchiyactyiꞌ muꞌ yoquiꞌdyemꞌ nobiyaꞌ in, mijam yoctyiꞌ muꞌyaꞌ covamba, jeñety tacvedye ĉọ́te in.

Juan 6:26

Vorjeyacsi Jesús: —Yụ jéyac, meꞌ tsanꞌ quivdyiĉaꞌ yụ miꞌin, jam mọꞌ dyijtubutiĉaꞌ miꞌin mọꞌ ferdyeꞌ yụ cavibutiĉas miꞌin, jedyeꞌ chuc cạiꞌ mọꞌ, mọꞌdyes jam mạꞌjeꞌ anicjitiĉaꞌ yụ miꞌin, junꞌ chuc yụ jutactyiꞌ Jenꞌtyiꞌ muꞌ. Mọmꞌ dyijtutiñeꞌ miꞌin junꞌ chuc jiꞌsäcseyac jiquej junꞌ quiꞌ chuc c̣hụ́qui miꞌin.

Juan 6:30

Vorjete in: —Jiꞌcaviyitiĉamꞌ ferdyeꞌ mi paj qui tsun anicjebiyac p̂eyacdyeꞌ mi. Jiꞌcaviyitiĉamꞌ