Juan 5:2 - Tsimane

² Mọꞌyaꞌ Jerusalénĉan yiris ojñiꞌ miquiꞌyas, hebreosĉan p̂eyacdyeꞌ Betzata jeꞌ in. C̣hẹiꞌyaꞌ mọꞌ bäꞌyedyes chụiꞌdyeꞌ mọꞌ Ovecas, jeꞌ mọꞌ chụiꞌdyeꞌ in, ovemun buꞌyiꞌ ojñiꞌve väc̣häjc̣häquen acaꞌ ĉanamꞌ in.

Juan 5:2 Iomraidhean Croise

Juan 19:13

Pilato seꞌvacsebi p̂eyacdyeꞌ muꞌin, jiꞌvorvete muꞌ Jesús. Muꞌ qui Pilato p̂ejyaꞌ jịjcaij bäꞌyi bäꞌyaquischeꞌ jịꞌcäts yụꞌtaquitycheꞌ, Gabata tịj mọꞌ p̂ejyaꞌ. Gabata yiꞌ ca yiꞌ: mij jämꞌtactyiꞌ mụijyaꞌ.

Juan 19:17

Chat qui jiꞌshupte in, jiꞌvemeyete qui crosh in. Meꞌdye muꞌcheꞌ cạte in miquitycheꞌ mụcuꞌ "Joꞌnoꞌvuncheꞌ", Gólgota tịj mọꞌ hebreosĉan p̂eyacdyeꞌ.

Juan 19:20

Chibinĉan p̂eyacdyeꞌ muntyis muꞌin sáñeꞌ in, hebreosĉan, mọꞌ nash judíos p̂eyacdyeꞌ muꞌin, judyeyaꞌ latínsiꞌĉan, mọꞌ nash Romaĉantyis p̂eyacdyeꞌ muꞌin, judyeyaꞌ griegosĉan p̂eyacdyeꞌ chimeꞌ. Daiꞌ judío in p̂eyeꞌ mọꞌ sánacdyeꞌ in ĉaĉaij na c̣hẹiꞌyaꞌ mọꞌ bäꞌyedyeꞌ Jerusalén pacte in.

Juan 20:16

Yi muꞌ Jesús jeꞌ: —María. Camanꞌyiꞌ mọꞌ jéte hebreosĉan p̂eyacdyeꞌ: —Rabuni. (Rabuni yiꞌ caꞌ yiꞌ "Jịꞌchiyacsity".)

Juan 5:3

Muꞌĉan daiꞌ bäꞌyi areꞌreijtyiꞌ muntyiꞌ in, judyeyaꞌ tofety in, judyeyaꞌ bureijtyiꞌ in judyeyaꞌ yäjquity muntyiꞌ chimeꞌ in, muꞌĉan chụchujduduꞌ mụijyaꞌ in.

Juan 7:21

Vorjeyacsi Jesús: —Carijtaquiyaꞌ yụ jiquej jịꞌjutyitidyesĉan mạyedyeꞌ, jiꞌchäĉajteyaꞌ yụ muꞌ muntyiꞌ, mọꞌ jiꞌfajquiyitiĉaꞌ yụ miꞌin.

Uñedye' 21:40

Jụjyi muꞌ. Meꞌdye muꞌ Pablo bojvaquischeꞌ buꞌyi, cheꞌjeyaqui un muꞌ paj qui c̣huꞌc̣huij muntyiꞌ in. Tyäpäꞌ in chat tiyacchuiꞌ p̂eyaqui muꞌ Pablo, ĉụiꞌsiꞌĉan p̂eyacdyeꞌ judíosĉan p̂eyaqui hebreosĉan.

Jị'cavacdye' 16:16

Chat qui mọꞌin sọyoꞌ in vajmuꞌyaꞌjeyacsiꞌ in jacchety ayoꞌ in väc̣häꞌtyitytum muꞌin, paj qui muꞌĉan chuti in, Armagedónĉan, meꞌ tịj mọꞌ hebreosĉan p̂eyacdyeꞌ.

Jị'cavacdye' 9:11

Muꞌ ayoꞌ mọꞌin shíñuty in, muꞌ anjer muꞌ ĉọjcaiꞌtyiꞌ mochĉansiꞌ toꞌ, muꞌ ayoꞌ mọꞌin. Hebreosĉan p̂eyacdyeꞌ tịj muꞌ Abadón, griegosĉan na Apolión meꞌ tịj ayos mọꞌin. Apolión yiꞌ ca yiꞌ "Ac̣hiꞌtacsis".