Juan 4:6 - Tsimane

⁶ Chimeꞌdye noria mọꞌyaꞌ Jacobvunsiꞌ jiquej muꞌ. Quichĉan tsun venjoij muꞌyaꞌ in. Muꞌyaꞌ noriayaꞌ p̂utsquenꞌyi muꞌ Jesús jịꞌjutyiti ĉaĉaij na fer noꞌbi miꞌi.

Juan 4:6 Iomraidhean Croise

Mateos 27:45

Aty quichĉan tsun, räj buꞌyiꞌ ọij jac tomaj buꞌyiꞌ chibin hora, meꞌquiꞌ tomaj buꞌyiꞌ.

Mateos 4:2

Vạjpedyeꞌ quiꞌtac mạyedyeꞌ meꞌquiꞌ muꞌĉan jam damꞌ säcsi, mọꞌdyes qui aty meꞌsiꞌ chiqueꞌ dáquis muꞌ.

Mateos 8:24

Vatyquej atsij tyiꞌmu tsäquiꞌtyity, jiꞌsiteꞌ ojñiꞌ covambaĉan, mạꞌjeꞌ jiꞌpechte covamba. Jesús na ĉushtyiti muꞌcheꞌ covambacheꞌ.

Lucas 2:7

naꞌi muꞌ tashchety ạvaꞌ mọꞌ. Comonꞌjeyaquiꞌ bäꞌyesĉan chat qui päcäꞌjete yóĉandyemꞌ jiꞌsäcsac cuꞌdyeꞌ o in, mọꞌĉandye chimeꞌ dyäquiꞌ in ĉaĉaij na mọꞌ dyäquedyeꞌ muntyidyes in anic bänꞌ mọꞌ jam junaꞌ vav.

Lucas 9:58

Vorjajiti Jesús: —Mọꞌin foij in mọꞌyaꞌ acaꞌ mọꞌin, mọꞌin jaijtyiꞌ cheꞌves in chimeꞌ mọꞌyaꞌ tịj mọꞌin. Yụ qui namꞌ Anictyity Muntyiꞌ yụ jam junaꞌ jịꞌjutyiti úcheꞌ chudenꞌyi yụ.

Juan 11:9

Jesús vorjeyacsi: —Mọꞌyaꞌ nash yiriꞌtac päräꞌ jiyiꞌ hora yiris mạyedyeꞌ. Tyi chuc mạijĉan miꞌi jụijyaꞌ, muꞌ raꞌ jam tachyi, ĉaĉaij na mọꞌyaꞌ mạijyis jacchedyes.

Juan 4:12

¿Mi buty mujuꞌchaꞌ ferdyeꞌtum ĉúti, uyaꞌyaꞌ buty muꞌ Jacobvun vóshiꞌ tsun jiquej? Muꞌ jiquej jämꞌtyeꞌ ọij noria, mọꞌĉansiꞌ jiquej tyeij muꞌ ojñiꞌ ạvaꞌtumdye muꞌ, judyeyaꞌ cuꞌdyeꞌ chimeꞌ muꞌ, tsundyes qui q̂uinꞌ shupquiꞌ mọꞌ —yiꞌ jéte.

Juan 4:5

Venjoij in Sicarĉan Samariaĉansiꞌ bäꞌyedyeꞌ, c̣hẹiꞌyaꞌ mọꞌ jac Jacobvunsiꞌ mọꞌ soꞌmaquis ạvaꞌ muꞌ José jiquej.

Juan 4:7

Muꞌin na jịꞌchiyactyiꞌ muꞌ räj muꞌin jiyi in, bäꞌyedyeꞌĉan jịjcaij in yaꞌiyequi säcsedyes in. Meij mọmoꞌ muꞌin in shupquetiꞌ mọꞌyaꞌ yiris p̂en Samariaĉansiꞌ, ojñituiꞌ mọꞌyaꞌ. Jesús jeꞌ mọꞌ p̂en: —Cumꞌjiyitiꞌ damꞌ ojñiꞌ —yi jeꞌ mọꞌ p̂en.

Jäqui'ves Corintoĉantyidyes 8:9

Miꞌin anic chị́yebitinte Jesucristos mạꞌjitidyes muꞌ, muꞌ Ayoꞌ tsun. Meꞌ tsanꞌ muꞌ meꞌchuiꞌ räj mạyedyeꞌches jiquej, ọ́cheꞌ qui namꞌ mijam jedyeꞌ meꞌchuiꞌ shupqui muꞌ, paj qui meꞌ shupqui miꞌin räj meꞌchutiñeꞌ mạyedyeꞌches jedyeꞌ.

Hebreodyes 2:17

Mọꞌdyes qui muꞌ yojdyemꞌ úchety vojity u, meꞌ buꞌyi yụꞌtac, junꞌ junꞌ chuc jịꞌĉojtyejaꞌ tsun q̂uinꞌ, meꞌ meꞌdye muꞌ jịꞌĉojtyeꞌ jiquej, tupuj qui meꞌ muꞌ ñịbeꞌ ĉúsinꞌ muntyiꞌ tsun. Muꞌ yejĉoij cudyiti Jenꞌcheꞌ tsundyes, muꞌ jịꞌcätseꞌtyiꞌ p̂eyacdyeꞌ. Muꞌ anic tashchety cudyitity Jenꞌcheꞌ yụꞌtac, muꞌdye vayacjibusinꞌ juchaj tsun.

Hebreodyes 4:15

Muꞌ chäyibusinꞌ dyijyedyeꞌ tsun, itŝiꞌ ferdyeꞌ tsun. Muꞌ chimeꞌ jịꞌĉojtac jiquej, junꞌ junꞌ chuc jịꞌĉojtac q̂uinꞌ tsun, meꞌ meꞌdye muꞌ jịꞌĉojtac chimeꞌ jiquej, muꞌsiꞌ qui namꞌ itŝiꞌ méquis juchaj muꞌ, mijam méquiꞌ peñi muꞌ.