Juan 4:10 - Tsimane

¹⁰ Jesús vorjeꞌ: —Jam junꞌ chị́yepte mi Jenꞌsiꞌ ñịbeꞌyedyeꞌ mạꞌjeꞌ tsanꞌ soꞌmin mi, mijam chäyitiꞌ yụ mi, yụ cọdyetyeyety ojñiꞌ. Faraj vuꞌ caꞌ chịꞌ mi, paj qui yụ cudyityitiꞌ paj qui yụ soꞌmeye tsạꞌchucsis ojñiꞌ —jeꞌ Jesús mọꞌ p̂en.

Juan 4:10 Iomraidhean Croise

Exodo 17:6

mụcuꞌcheꞌ Horebcheꞌ. Muꞌcheꞌ raꞌ yụ bisye mijcheꞌ. Mij raꞌ pacjete mi chat qui raꞌ ojñiꞌ shupquiꞌ mọꞌĉansiꞌ, paj qui tyeij muntyiꞌ räj in. Moisés chiquepte p̂eyacdyeꞌ muꞌ, meꞌdye mọꞌ shupqui ojñiꞌ, vaj mọꞌcheꞌ vej muꞌin cạvi in muꞌin tashcheꞌ buꞌyity in.

Isaías 9:6

Tsundyety raꞌ yirity naꞌi muꞌ joijnoꞌ, ạvaꞌ raꞌ naꞌi muꞌ, muꞌ yuꞌtyiyisinꞌtyiꞌ Jenꞌ, muꞌ raꞌ yụꞌte paj qui ayoꞌbuꞌyi. Daiꞌ raꞌ tịj muꞌ meꞌchuiꞌ jéte raꞌ in: Där jämꞌtyiꞌ jịꞌchiqueyacsity, Mujuꞌchaꞌ Ferdyeꞌtumtyiꞌ Jenꞌ, Jenꞌ jam mọtsity, yụꞌtacsity paj qui jämꞌjitidyeij in, meꞌ meꞌ raꞌ tịj muꞌ.

Lucas 11:13

Meꞌ tsanꞌ ac̣hiꞌyity miꞌin, jämꞌsiꞌ qui namꞌ soꞌmaqui ĉụiꞌtyiꞌ ạvaꞌ miꞌin, dadamꞌ raꞌ muꞌ Jenꞌ mạyedyeꞌchety Ạꞌedyeꞌ muꞌ jam raꞌ quijatutacsi muꞌin cọdyetety in.

Juan 16:3

Meꞌ raꞌ meꞌtyinac in ĉaĉaij na jam damꞌ chäyin yụ in, mijam Jenꞌ yụ chäyibun chimeꞌ yụ in.

Juan 17:3

Tyi chuc mi chäyintyiꞌ in judyeyaꞌ yụ chimeꞌ chäyin yụ in, muꞌin raꞌ míyaꞌ bäꞌyi in, meꞌdye mimꞌ yirity Anictyity Jenꞌ, judyeyaꞌ yụ Jesucristo jutactyiꞌ mi.

Juan 3:16

Muꞌ Jenꞌ fer mạꞌjeyacsi jacchety muntyiꞌ in, meꞌdyes qui muꞌ yụꞌtaqui muꞌ yiritytyity Ạvaꞌ muꞌ. Tyi chuc anicjete in muꞌin raꞌ jam cạveꞌ sänꞌdyeꞌ in, räjĉan raꞌ Jenꞌyaꞌ bäꞌyi in.

Juan 4:14

Muꞌin na mọꞌ tyeijtyiꞌ in mọꞌ soꞌmacsis yụ, muꞌin raꞌ jam cuvij jajreban in, ĉaĉaij na mọꞌ soꞌmacsis yụ mọꞌ raꞌ jeñej buꞌyiꞌ jijmoꞌmoj ĉojtyiꞌĉansiꞌ muꞌin, mọꞌĉan raꞌ shupquiꞌ, aty jam raꞌ jayej muꞌin in, Jenꞌyadyety raꞌ muꞌin in —jeꞌ Jesús.

Juan 6:35

Jesús jéyacsi: —Yụ́dye u jeñej buꞌyi tsạꞌchucsis säcsedyeꞌ. Tyi chuc cäc̣häꞌchuntyiꞌ yụ in judyeyaꞌ anicjin yụ in, muꞌin raꞌ jam chiqueꞌ dáquis ĉojtyiꞌĉan muꞌin, mijam raꞌ jajri in.

Juan 6:51

Yụ́dye nash mọmoꞌ jeñej buꞌyi mạyedyeꞌches säcsedyeꞌ mọꞌ tsạꞌchucsis, tyi chuc mọꞌ jebeiꞌtyiꞌ, Jenꞌyaꞌ raꞌ bäꞌyi in. Mọꞌ säcsedyeꞌ soꞌmacsis raꞌ yụ, mọꞌ jeñej ĉụiꞌsiꞌ shush yụ, meꞌ raꞌ yụꞌtyeꞌ aꞌ yụ muntyidyes in paj qui mọꞌ tsạꞌchucsiꞌ úchety muntyiꞌ in —jéyacsi Jesús.

Uñedye' 9:11

Ayoꞌ jajiti: —Tạij muꞌve jịjcava mọꞌ caye Chụiꞌsis jeꞌsiꞌ in, muꞌĉan raꞌ quequevcapte mi Judassiꞌ acaꞌ muꞌ. A raꞌ dạcbiteyam jéyacsi ram: "¿Úĉan tyuꞌ u dyäqui muꞌ Saulo, Tarsoĉantyiꞌ muntyiꞌ?" jéyacseva. Mush tyuꞌ muꞌ cudyivaꞌquin yụ q̂uinꞌ,

Romaĉantyidyes 8:32

Muꞌ jam damꞌ ĉụiꞌtyiꞌ Ạvaꞌ muꞌ ạ̈räjjityisinꞌ, muꞌ tacjiyisinꞌ mọmoꞌ paj qui muꞌ ijac tsundyes. Anicdye meꞌ, muꞌ ñịbeꞌjisinꞌ tsun yụꞌtaqui Ạvaꞌ muꞌ, chidyemꞌ mọꞌ yocsiꞌ umꞌ, maꞌyity jam junꞌ quijatutyisinꞌ u, räj raꞌ ñịbeꞌjisinꞌ tsun.

Tashches Corintoĉantyidyes 1:30

Jenꞌ yi Cristoty miꞌin, muꞌ soꞌminac anicsis dyijyedyeꞌ muꞌ, judyeyaꞌ rụij yuꞌtyinac chimeꞌ, judyeyaꞌ Jenꞌdyety yuꞌtyinac, judyeyaꞌ jiꞌc̣honnac chimeꞌ.

Tashches Corintoĉantyidyes 10:4

judyeyaꞌ chimeꞌ räjtumdye tyeij in mọꞌ ojñiꞌ mijĉansiꞌ soꞌmacsis Jenꞌ. Muꞌ mij jeñej buꞌyi Cristo, meꞌ buꞌyi muꞌ, muꞌ penꞌdyetucsity cäjyasĉan jac jiquej.

Jäqui'ves Corintoĉantyidyes 9:15

Mọꞌdyes yoshoropaij jéja Jenꞌ, muꞌ yuꞌtyiyisinꞌtyiꞌ muꞌ Cristo, muꞌ jeñej buꞌyi ñịbeꞌyedyes tsundyes, anic chäcdyis ñịbeꞌyedyes jämꞌsiꞌ soꞌmisinꞌ tsun, mijam ọ́yaꞌ mọꞌ paj qui tupuj chaꞌshejaꞌ p̂eijjaꞌyaꞌ mọꞌ.

Efesoĉantyidyes 2:8

Jenꞌ ñịbeꞌjitidyesyaꞌ muꞌ jiꞌc̣honnac miꞌin anicyedyeꞌyaꞌ miꞌin, mijam junꞌ buꞌyi tupuj ĉụiꞌ jiꞌc̣honti miꞌin, ñịbeꞌjitidyesyaꞌ muꞌ jiꞌc̣honnac miꞌin.

Hebreodyes 6:4

Pạrej muꞌyaꞌ muntyiꞌ in vaꞌquecbite Jenꞌsiꞌ p̂eyacdyeꞌ in, muꞌin meꞌtyity in muꞌin raꞌ jam junꞌ caꞌñibun in. Jeshaꞌ muꞌ Jenꞌ mạijchucsebi tsanꞌ ĉojtyiꞌ muꞌin, méquiꞌyaꞌ tsanꞌ chị́yepte in ñịbeꞌjitidyes Jenꞌsiꞌ muꞌ, judyeyaꞌ Jenꞌsiꞌ Ạꞌedyeꞌ muꞌ jịꞌchiqueyacsiꞌ tsanꞌ,

Tashches Juansi' 5:20

Chimeꞌdye chị́jaꞌ tsun aty atsij Jenꞌtyiꞌ Ạvaꞌ muꞌ, muꞌ soꞌmisinꞌ ĉojtyiꞌĉandyes dyijyedyeꞌ paj qui tupuj chị́yeja muꞌ anictyity Jenꞌ. Tsun anictyitytum buꞌjaꞌ Jenꞌ judyeyaꞌ Jesucristotum buꞌjaꞌ chimeꞌ, Jenꞌtyiꞌtum Ạvaꞌ muꞌ. Muꞌ Jesucristo anictyity Jenꞌ muꞌ tsạꞌchusinꞌ tsun judyeyaꞌ yuꞌsinꞌ paj qui Jenꞌyadyety tsun.

Jị'cavacdye' 21:6

Chimeꞌdye yi jin yụ: —A toꞌ o tas cạ̈tsiꞌ, yụ nash Tashchety judyeyaꞌ Jäquity. Tyi chuc jajrity in yụ raꞌ fibiꞌyaꞌ jiꞌtyecsi tsạꞌchusisyaꞌ ojñiꞌ, mọꞌ jijmoꞌmojĉan shupquis.

Jị'cavacdye' 22:17

Jenꞌsiꞌ Ạꞌedyeꞌ muꞌ vaj cäts Jesústyiꞌtum muntyiꞌ muꞌ, muꞌin nash Ovecas buꞌyi p̂en in, mọꞌ vämis raꞌ muꞌcheꞌ, muꞌin yi jéte in: —¡Atsiva! Tyi chuc seꞌvacsebi p̂eyacdyeꞌ mọꞌin, paj muꞌin yi chimeꞌ in: —¡Atsiva! Tyi chuc jajri jụijyaꞌ in, tyi chuc mạꞌjeꞌ ñịbeꞌjeyac jụijyaꞌ in, paj atsij fibiꞌyaꞌ raꞌ tyeij in mọꞌ ojñiꞌ tsạꞌchucsis.

Jị'cavacdye' 7:17

ĉaĉaij na muꞌ Oveca buꞌyity, muꞌ c̣hẹiꞌyaꞌ buꞌyity bäꞌyaquischety, muꞌ qui raꞌ ĉọjcacsi judyeyaꞌ raꞌ cạcsi yóĉandyemꞌ shupquiꞌ tsạꞌchucsis ojñiꞌ o. Muꞌ qui raꞌ Jenꞌ jiꞌtätsacsebi táris muꞌin, meꞌquiꞌdye raꞌ tári bäꞌyi in."