Juan 4:1 - Tsimane

¹ Fariseo seꞌvaqui p̂eyaqui in mujuꞌchaꞌ cäc̣häꞌchute Jesús in, judyeyaꞌ mujuꞌchaꞌ chimeꞌ chojtacsi, uyaꞌyaꞌ muꞌ Juan.

Juan 4:1 Iomraidhean Croise

Lucas 1:76

Chimeꞌdye mi, ạvaꞌ, muꞌin raꞌ jin in: "uts jasoꞌmitity p̂eyacdyeꞌ muꞌ mujuꞌchaty Jenꞌ", meꞌ raꞌ jin in. Atsijyaꞌ qui na ramꞌ muꞌ Ayoꞌ tsun, mi raꞌ tashi jäꞌmiij jämꞌ yụꞌtyeꞌ majmi muꞌdyes.

Lucas 19:31

Muꞌĉantyiꞌ jínac jụijyaꞌ in: "¿Jedyedyety bu raꞌ cạtinte miꞌin uts?" Meꞌ jínac jụijyaꞌ in, jéyacsi raꞌ mọmoꞌ miꞌin: "Ayoꞌ u caꞌ tsun jemonte", yi raꞌ jéyacsi miꞌin.

Lucas 19:34

Voryi muꞌin in jịꞌchiyactyiꞌ Jesústyiꞌ muꞌ: —Ayoꞌ tsun muꞌ u caꞌ jemonte.

Lucas 2:11

Ọij nash mạyedyeꞌ aty naꞌi muꞌ jiꞌc̣honnactyiꞌ raꞌ miꞌin, muꞌ Cristo, Ayoꞌ tsun, Belénĉan naꞌi.

Lucas 7:13

Jesús cạveꞌ mọꞌ, anic där ñịbeꞌ ĉọiꞌ, jeꞌ qui: —Jam raꞌ táriꞌ mi.

Lucas 7:19

jéyacsi: —Tạij ĉọcmac miꞌin muꞌ Jesús, jétinte raꞌ miꞌin: "¿Mi buty atsijtyiꞌ muntyiꞌ Jiꞌc̣honacsity, areꞌ jam? ¿Yoctyiꞌ raꞌ jụijyaꞌ biste tsun, jadac jam?" jétinte raꞌ muꞌ.

Juan 3:22

Aty meꞌsiꞌ Judeave qui jịjcaij muꞌ Jesús jịꞌchiyactyiꞌtum muꞌ. Juñucsiꞌ muꞌĉan mạyedyeꞌ in, chojtacsi muntyiꞌ in.

Juan 3:26

Chat qui ĉọcte Juan jéte in: —Jịꞌchiyacsity, muꞌ penꞌdyetutety mi nopej Jordán jiquej, muꞌ p̂eijtety mi, muꞌ nash Jiꞌc̣honacsity, yi mi jiquej, muꞌ chimeꞌ chojtacsi muntyiꞌ q̂uinꞌ, anic muꞌ mujuꞌchaꞌ cäc̣häꞌchute muntyiꞌ in, jam jeñej mi, uyaꞌyaꞌ cäc̣häꞌchun in —jéte in.

Uñedye' 10:36

Jämꞌ chị́yetiñeꞌ miꞌin mọꞌ p̂eyacdyeꞌ soꞌminsiꞌ tsun Israeltyiꞌ vóshiꞌ tsun, muꞌ Jesucristo jämꞌ yuꞌbun tsun Jenꞌyaꞌ, muꞌdye Jesucristo ayoꞌbuꞌyi räjdyes in, judío in judyeyaꞌ jam judío in.

Tashches Corintoĉantyidyes 1:17

Jenꞌ jam meꞌ jutin yụ paj qui yụ chojtacsi mọmoꞌ muntyiꞌ in, muꞌ jutin yụ paj qui voroꞌtacsity mọmoꞌ yụ muntyiꞌ in, jịꞌchiqueyacsity yụ jämꞌsiꞌ p̂eyacdyeꞌ muꞌ, meꞌ buꞌyiꞌ yụꞌtacdyeij. Voroꞌyedyeꞌyaꞌ yụ p̂eijte yụ muꞌ Cristo, jam qui namꞌ jiꞌmaꞌjotacdyes p̂eyacdyeꞌ dạqueꞌ yụ, paj qui mọꞌyaꞌ seꞌ jaꞌyacsi yụ. Meꞌ jụijyaꞌ yụ, a vuty fibis shupquiꞌ p̂eyacdyeꞌ Jesucristos u muꞌ, mọꞌ p̂eijbites yụ, yiꞌ junꞌ chuc ijac croshcheꞌ jiquej muꞌ.

Tashches Corintoĉantyidyes 15:47

Muꞌ tashchety muntyiꞌ jac jämꞌtac jiquej, jacchedyety muꞌ, muꞌ na jäquiꞌvety muntyiꞌ jam muꞌ meꞌ, mạyedyeꞌchety muꞌ atsij.

Tashches Corintoĉantyidyes 2:8

Jacchety ayoꞌ jiquej in mijam méquiꞌ chị́yepte in Jenꞌsiꞌ dyijyedyeꞌ muꞌ, chäyibuse jiquej jụijyaꞌ in, a vuty jam ijate croshcheꞌ u in muꞌ mạyedyeꞌchety Ayoꞌ tsun.

Jäqui'ves Corintoĉantyidyes 4:5

Tsun jam ĉụiꞌ timaꞌquiti tsun voroꞌyedyeꞌyaꞌ tsun, muꞌ mọmoꞌ Jesucristo jiꞌjäcte tsun. Meꞌdye jéyacsi tsun, "Muꞌ nash Ayoꞌ tsun." Tsun nash úñi miꞌindyes, soꞌmeyac mọꞌ p̂eyacdyeꞌ, meꞌ buꞌyiꞌ carijtaqui tsun Jesúsdyesiꞌ muꞌ.

Santiagos 2:1

Vojity yụ, miꞌin anicjetintety Jesucristo, muꞌ mạijquedyeꞌtum bäꞌyity Ayoꞌ tsun, jemoñeꞌ vaj cäts cạvacsi muntyiꞌ miꞌin, jam raꞌ uyaꞌyaꞌ cạvacsi pạrej miꞌin.

Jị'cavacdye' 19:16

Coftyitycheꞌ muꞌ judyeyaꞌ jäñäcyaꞌ, sánac yiꞌ: "Muꞌ ayoꞌbuꞌyi räjdyes ayoꞌ in, muꞌ nash ayoꞌ, muꞌin ayoty in", yiꞌ sánacdyeꞌ.