Juan 3:8 - Tsimane

⁸ Jeshaꞌ, tyiꞌmu junꞌvevej ĉụiꞌ mọmoꞌ fujyi. Meꞌ tsanꞌ seꞌvete mi, jam qui namꞌ junꞌ chịj mi junꞌve chuc jijtuij muꞌ tyiꞌmu mijam chịj chimeꞌ mi junaꞌ chuc raꞌ jịjcaij. Meꞌ buꞌyiꞌdye chimeꞌ Jenꞌsiꞌ Ạꞌedyeꞌ muꞌ mijam jorojĉan junꞌ buꞌyiꞌ chuc muꞌin naꞌebantyiꞌ in.

Juan 3:8 Iomraidhean Croise

Juan 1:13

Muꞌin na Jenꞌtyiꞌ ạvaꞌ muꞌ jam aꞌĉan naꞌi in, jam jeñej muntyity ạvaꞌ in, mijam muntyisyaꞌ dyijyedyeꞌ naꞌiꞌ in, Jenꞌsiꞌyaꞌ dyijyedyeꞌ muꞌ meꞌ yụꞌtacsi ạvadyety muꞌ.

Juan 3:7

Jam raꞌ äjjibutim ọij p̂eyacdyeꞌ jéyes yụ q̂uinꞌ: "Jemoñeꞌ naꞌeban quivij mi."

Juan 3:9

Nicodemo jéte: —¿Jedyeꞌ buty cạiꞌ mọꞌ p̂eyacdyeꞌ?

Uñedye' 2:2

Vátyequej seꞌveꞌ in shäjäꞌjäiꞌ fer, jeñej fertyiꞌ tyiꞌmu, meꞌ mạꞌiꞌ, rimaj tŝọiꞌ yóĉandyemꞌ tsudyujñitiĉan u in.

Uñedye' 4:31

Aty ijaijyaꞌ cọdyete Jenꞌ in, mọꞌ qui acaꞌ yóĉandyemꞌ vajmuꞌyaijĉan u in ĉụiꞌdye mọꞌ sijsijyiꞌ, meꞌĉandye tŝọcsiꞌ Jenꞌsiꞌ Ạꞌedyeꞌ muꞌ judyeyaꞌ jam quijnacdyeꞌtum tiyacchuiꞌ in voroꞌtacsi in Jenꞌsiꞌ p̂eyacdyeꞌ muꞌ.

Tashches Corintoĉantyidyes 12:11

Meꞌ meꞌ soꞌmac in anicjetety Jenꞌ in, meꞌ tsanꞌ meꞌ buꞌyi, yiris qui namꞌ Jenꞌsiꞌ Ạꞌedyemꞌ mọꞌ soꞌmacsis carijtacdyeꞌ muꞌin, junꞌ junꞌ chuc mạꞌjeꞌ mọꞌ, meꞌ meꞌ soꞌmacsiꞌ.

Tashches Corintoĉantyidyes 2:11

Jeshaꞌ, yirity muntyiꞌ, ĉụiꞌsiꞌ ạꞌedyeꞌ muꞌ, mọꞌ mọmoꞌ jachäyibuti ĉojtyiꞌĉansiꞌ dyijyedyeꞌ muꞌ. Meꞌ muꞌ chimeꞌ Jenꞌ, mọꞌ mọmoꞌ yiris Ạꞌedyeꞌ muꞌ mọmꞌ jachäyibuti dyijyedyeꞌ muꞌ.

Tashches Juansi' 2:29

A nash miꞌin chị́yetinte miꞌin muꞌ Jesucristo muꞌ nash rụijtyity, chị́vac chimeꞌ tyi chuc rụij bäꞌyity in muꞌin nash Jenꞌtyiꞌ ạvaꞌ in.