Juan 3:7 - Tsimane

⁷ Jam raꞌ äjjibutim ọij p̂eyacdyeꞌ jéyes yụ q̂uinꞌ: "Jemoñeꞌ naꞌeban quivij mi."

Juan 3:7 Iomraidhean Croise

Juan 3:12

Meꞌ tsanꞌ ọ́ches jacches p̂eyeꞌ yụ jiꞌchäyitidyeꞌĉan yụ, miꞌin qui namꞌ jam anicyi, chị́dyemꞌ mạyedyeꞌches p̂eyeꞌ jụijyaꞌ u yụ, dadamꞌ raꞌ mujuꞌchaꞌ jam anicyi miꞌin.

Juan 3:3

Jesús jéte: —Yụ jéye, tyi chuc jam naꞌebantyiꞌ quivij, muꞌ raꞌ jam junꞌ nạijbite Jenꞌsiꞌĉan ayoꞌbuꞌyedyeꞌ muꞌ —yi jéte.

Juan 3:6

Muꞌ na tseꞌĉan naꞌity, meꞌchuqui aꞌ muꞌ, Jenꞌsiꞌĉan qui na Ạꞌedyeꞌ naꞌi jụijyaꞌ muꞌ, meꞌchupte Jenꞌsiꞌ Ạꞌedyeꞌ muꞌ, muꞌ chat Jenꞌyadyety.

Juan 3:8

Jeshaꞌ, tyiꞌmu junꞌvevej ĉụiꞌ mọmoꞌ fujyi. Meꞌ tsanꞌ seꞌvete mi, jam qui namꞌ junꞌ chịj mi junꞌve chuc jijtuij muꞌ tyiꞌmu mijam chịj chimeꞌ mi junaꞌ chuc raꞌ jịjcaij. Meꞌ buꞌyiꞌdye chimeꞌ Jenꞌsiꞌ Ạꞌedyeꞌ muꞌ mijam jorojĉan junꞌ buꞌyiꞌ chuc muꞌin naꞌebantyiꞌ in.

Juan 5:28

Jam raꞌ äjyi miꞌin yụ́scheꞌ p̂eyacdyeꞌ miꞌin. Ayij raꞌ tupudyeꞌ räj raꞌ muꞌin säñity in seꞌvibun raꞌ fayacdyeꞌ yụ in,

Colosasĉantyidyes 1:12

Maꞌjodyeꞌtum yoshoropaij jémac Jenꞌ, muꞌ aty jämꞌ yuꞌtyinac miꞌin paj qui miꞌinmun tupuj Jenꞌyaꞌ bäꞌyi miꞌin mạijquedyeꞌĉan Jenꞌsiꞌ muꞌ, räjtumdye Jenꞌtyiꞌ ñuruꞌtyity in, muꞌcheꞌ raꞌ räj soꞌminac ñịbeꞌyedyeꞌ muꞌ.

Hebreodyes 12:14

Yụꞌtacac ferdyeꞌ miꞌin paj qui jämꞌjiti bäꞌyi miꞌin räjtum muntyiꞌ miꞌin, yụꞌtyevac chimeꞌ ferdyeꞌ miꞌin paj qui jam jụꞌñiij Jenꞌsiꞌyaꞌ vej miꞌin. Tyi chuc jam meꞌ jụijyaꞌ in, muꞌin raꞌ jam junꞌ cạvete Ayoꞌ in.

Tashches Pedros 1:22

Q̂uinꞌ chat aty chiquebitinte rụijsis p̂eyacdyeꞌ Jenꞌsiꞌ muꞌ, chicacdyeꞌyaꞌ miꞌin c̣hiconꞌjibunac ĉojtyiꞌ miꞌin. Q̂uinꞌ aty rụijsisyaꞌ dyijyedyeꞌ vaj meij mạꞌjiti miꞌin vaj vojity miꞌin. Meꞌ bäꞌjamꞌ mạꞌjitiĉamꞌ räj ĉojtyiꞌ miꞌin.

Jị'cavacdye' 21:27

Mọꞌ qui na ramꞌ aꞌc̣his jedyeꞌ jam junꞌyiꞌ sitiꞌ mọꞌcheꞌ. Tyi chuc aꞌc̣histum tsị́cadyeꞌ bäꞌyi in muꞌin raꞌ jam junꞌ cạ̈näꞌvaqui in mijam väväjñity chimeꞌ in. Muꞌin ramꞌ sánactyiꞌ tịj quircacheꞌ in Oveca buꞌyitysiꞌcheꞌ muꞌ, mọꞌ jiꞌjäcacsis muꞌin Jenꞌyaꞌ raꞌ bäꞌyity in, muꞌin ramꞌ siti muꞌĉan in.